Benutzer Diskussion:Huba

Sali Huba

Schön, bisch zue uns gstosse. Lueg aber bitte druff, dass bi uns d' Lemma (also dr Name vom Artikel, unter däm en abspeicherisch) immer uff hochdütsch sin. So stoot das, wo du unter Brasilie yygee hesch, au scho unter Brasilien. Drumm hani din Artikel leider miesse lösche. De darfsch aber z.B. gärn Brasilien witr usbaue, wenn de wotsch --Dr Umschattig red mit mir 02:17, 12. Aug. 2007 (CEST)

Salü Huba, I gseh grad dass du grad scho en halbs Dutzend Stumpe aagleit hesch. Die Artikel sin zwar grad hoorscharf über üsrer Mindeschtlängi, aber i find dass es mee bringt wemmer 1-2 lengri, vollständigi un vorallem eigeständigi Artikel schrybt als 20 Stumpe. Lueg emol uf die alti Diskussione [1] un [2]. I denk du hesch nüt vor üs mit Stumpe z'überolle, aber i bin e weng hypersensibel, mer hen nämli scho mehrmools Bnutzer gha wo innerhalb vonere Wuch 100 Mini-Artikel us dr dütsche Wikipedia übersetzt hen. Des bringt relativ wenig wemmer mich frogt; lieber Qualität aastatt Quantität. Grüess, --Chlämens 15:49, 10. Okt. 2007 (CEST)

Sali Huba, ich han jetzt uff fascht alli vo dine neue Artikel en Löschatrag miesse setze, will si schlicht z'kurz sin. 5 nid statistischi Sätz sin s'Minimum! Ich ha glichzytig aber au all dini Artikel wikifiziert, d.h. formal uff unser Niveau broocht. Ich hoff aso, dass du in de näggschte zwei Wuche dini Artikel es bizz usbausch. Abgsee vo dr Längi sin mir no zwei Sache uffgfalle: Bidde due dini Artikel immer in mindeschtens ei Kategorie yordne. Die Kategorie, wommer hän, stöön under Kategorie:!Hauptkategorie oder au links in dr Navigation (Kategorieverzeichnis). Übernimm nid d'Kategorie vo de dütsche! Und zweitens: Due bitte d'Interwikilinks au grad in Artikel setze. Das sin die Codes, wo am Änd vomene Artikel (z.B. uff dr dütsche Wikipedia stöön). Dodrmit verbindisch du die verschiidene Wikipedias underenand. Wenn de d'Codes vo dr dütsche Wikipedia übernimmsch, denn vergiss bitte nid, dr Code für die dütsch Wikipedia (an dr richtige Stell im Alphabet) vo Hand yzfüege, will dä exischtiert uff dr dütsche Wikipedia logischerwys nid. Dä Code lutet: [[de:NAME]], woby du NAME muesch ersetze durch dr Name vom Artikel, wiener uff dr dütsche Wikipedia stoot. Merci im Voruus. --Dr Umschattig red mit mir 09:37, 11. Okt. 2007 (CEST)

Tiptop, das isch schnäll gange! Merci! --Dr Umschattig red mit mir 21:33, 11. Okt. 2007 (CEST)