Taumata
Taumatawhakatangihangakoauauotamateaturipukakapikimaungahoronukupokaiwhenuakitanatahu isch dr Maori-Nome vumene 305 Meter hohi Hügel in dr Nähi vun Mangaorapa un Porangahau, südli vun Waipukurau, zwische Hastings un Dannvirke in dr südlichi Hawkes Bay in Neuseeland. Meischt wird dr Nome als Taumata abkürzt.
Als Taumatawhakatangihangakoauotamateturipukakapikimaungahoro-Nukupokaiwhenuakitanatahu wird er aber vun dr iheimisch Bevölkerung au verwendet.
Dr Name heisst ugfähr Dr Ort, wo dr Tamatea, dr Maa mit de grosse Knie, wo d Berg nabgrutscht, nufklettret un verschluckt het, wo als dr Londfresser bekannt isch, siini Flöte fir siini Gliebti gspiilt het.
Mit 85 Buechstabe het dr Ort eine vun de längste Ortsnome vun dr Welt. D ogegebeni Schribwiis isch au ufem Schild z lese, wo uf däm Hügel ufgstellt isch. Es gibt einigi Variatione vum Nome. In dr Schribwiis Tetaumatawhakatangihangakoauaotamateaurehaeaturipukapihimaungahoronukupokaiwhenuaakitanarahu (mit 92 Buechstabe) isch er im Guinness-Buch der Rekorde iitrage. Obwohl Krungthep Mahanakhon Bovorn Ratanakosin Mahintharayutthaya Mahadilokpop Noparatratchathani Burirom Udomratchanivet Mahasathan Amornpiman Avatarnsathit Sakkathattiyavisnukarmprasit, dr iheimisch Nome fir Bangkok, länger isch, het des Guinness Buch der Rekorde sich wege dr hifigere Verwendung fir s erstere entschiede.
Lueg au
[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Taumatawhakatangihangakoauauotamateaturipukakapikimaungahoronukupokaiwhenuakitanatahu“ vu de dütsche Wikipedia. E Liste vu de Autore un Versione isch do z finde. |