Spatz

Spatz
Spatz Spatzezwitschereⓘ
Systematik
Ordnig: Spatzevögel (Passeriformes) Underordnig: Singvögel (Passeri) Überfamilie: Passeroidea Familie: Spatze (Passeridae) Gattig: Passer Art: Spatz
Wüsseschaftlige Name
Passer domesticus
(Linnaeus, 1758)
Underart
domesticus-Gruppe P. d. domesticus (LINNEAUS, 1758) P. d. tingiatus (LOCHE, 1867) P. d. balearoibericus (JORDANS, 1923) P. d. biblicus (E. HARTERT, 1904) P. d. mayaudi (KUMERLOEVE, 1969) P. d. persicus (ZARUDNY & KUDASHEV, 1916) P. d. niloticus (NICOLL & BONHOTE, 1909) indicus-Gruppe P. d. rufidorsalis (C. L. BREHM, 1855) P. d. indicus (JARDINE & SELBY, 1835) P. d. hufufae (TICEHURST & CHEESMAN, 1924) P. d. hyrcanus (ZARUDNY & KUDASHEV, 1916) P. d. bactrianus (ZARUDNY & KUDASHEV, 1916) P. d. parkini (WHISTLER, 1920)

De Spatz (Passer domesticus; alemanischi Näme) isch e verbraitete Singvogel, wo i Mitteleuropa ganzjöörig isch und i de Alpe bis zonere Hööchi vo 2400 müM vorchunnt.

Uussie

De Spatz het e bruuni Obersiite und e graui Undersiite. D Mandli hend dezue e schwarze Latz und e graui Chappe. Spatze wered 14 bis 16 cm grooss, hend e Spannwiiti vo 20 bis 22 cm und wöget 22 bis 32 Gramm.

Verbraitig

Spatzenaier vom Passer domesticus domesticus

De Spatz isch vermuetli uursprüngli i de Steppe im Orient haimisch gsii und het d Söömli vo Gräser gfresse. Er het sich früe an Mensch gwonet und isch mit de Uusbraitig vom Ackerbau em Mensch gfolget und het sich so öber Europa und Asie uusbraitet und zom Tail au öber Nordafrika. Ab de Mitti vom 19. Joorhundert isch er au i baidne Amerika, z Süüdafrika und z Australie haimisch wore.

De Spatz isch eng an Mensch bunde und chunnt nume i biwonte Sidlige und Buuerhööf vor. Werd en Ort verloo, verschwindt noch öppe drai Joor au de Spatz.

Lebeswiis

De Spatz baut sis Nest i Höölene, gschützte Nische und Muurspalte oder Vogelhüsli. Spatze lebet i de Regle monogam und suechet nochem Tood vom Partner e neue Schatz. D Bruetziit got vom Mai bis in Augste. S Wiibli lait vier bis sechs Aier, wo vom Mandli und vom Wiibli uusbrüetet wered. Di Junge schlüüffet noch 10 bis 15 Taag und wered vo baidne Eltere gfüetteret.

Spatze lebet vo Söömli, Chörner und Insekte. Eri grööscht Find sind Chatze, Marder, Sperber und Wänneli.

Kultuur

Z Ulm geiz d Legende, dass wia d Leit vo Ulm ihr Menschter hend bauad, ihna a Spatz hot gholfa, om an mit Holzbälka gladana Waga zom Stadttoar nei zom fira. In derer Legende hoißt s, dass d Fuarleit d Holzbälka fürs Menschter quer glada ghett hend, drum send se z schmale Toar ned neikomma. Se hend nomprobierat und gschdritta bis a glois Spätzle zu soim Nescht in am Tura gfluiga isch. Der hod a Hälmle im Maul ghett und misst a Lucke durefluiga. An der Lucke hot er gschwind sei Kopf uff d Seite khau und isch neikomma. D Fuarleit hend dann d Bälka nau in d’Länge glupft und send no au neikomma. In Erinnerung händ d Leit vo Ulm a Kupferskulptur vo an Spatz uff s Dach vom Menschter gsetzt.

• 
  „Ulmer Spatz“ im Ulmer Menschter

Büecher

• Ted. R. Anderson: Biology of the ubiquitous house sparrow. From genes to populations. Oxford University Press, 2006, ISBN 0-19-530411-X.
• Einhard Bezzel: Kompendium der Vögel Mitteleuropas. Band II (Passeres–Singvögel), Aula, Wiesbaden 1993, ISBN 3-89104-530-1.
• Immanuel Birmelin: Von wegen Spatzenhirn!: Die erstaunlichen Fähigkeiten der Vögel. Franckh Kosmos, Stuttgart 2012, ISBN 978-3-440-13022-3.
• U. N. Glutz von Blotzheim, K. M. Bauer: Handbuch der Vögel Mitteleuropas (HBV). Band 14-I, Passeriformes (5. Teil), Aula, Wiesbaden 1997, ISBN 3-89104-609-X.
• Jochen Hölzinger: Die Vögel Baden-Württembergs. Band 3/2, Singvögel/Sperlingsvögel. Ulmer, Stuttgart 1997, ISBN 3-8001-3483-7.
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7.
• Heinz Staffelbach: Handbuch Schweizer Alpen; Bern 2008.ISBN 978-3-258-06895-4.
• Kate E. Vincent: Investigating the causes of the decline of the urban House Sparrow Passer domesticus population in Britain. (PDF; 1,3 MB) 2005
• NABU Deutschland: Der Haussperling – Vogel des Jahres 2002, Jahresvogelbroschüre (PDF; 28 Seiten, 2,3 MB)

Weblink

 Commons: Haussperling – Sammlig vo Multimediadateie

• Passer domesticus in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 12. November 2008
• BirdLife International: Species Factsheet – House Sparrow (Passer domesticus)
• Foto und Stimme
• Homepage des NABU – S Tschilpen vom Spatz (WAV; 1 MB)
• Video, Foto und Tonufnahme zue Passer domesticus in dr Internet Bird Collection
• Alters- un Gschlechtsmerkmol (PDF; 3,6 MB) vom Javier Blasco-Zumeta und Gerd-Michael Heinze
• Federe vom Spatz
• Video zue Passer domesticus (Institut für den Wissenschaftlichen Film)
• ä Vogelhisli fir de Spatz baue