Quälltext vu Schwarzwälder Bote aaluege

{{Infobox Publikation
|  titel = Schwarzwälder Bote
|  bild =[[Datei:Schwarzwälder-Bote-Logo.svg|300px]]
|  beschreibung = regionale Tageszeitung
|  verlag = Schwarzwälder Bote Mediengesellschaft mbH 
|  erstausgabe_tag = 2. Januar
| erstausgabe_jahr = 1835
| erscheint = täglich außer sonntags
 | auflage_quelle = {{Metadaten Auflagen Zeitungen DE|Quartalstext|Liste und Infobox}}, {{Metadaten Auflagen Zeitungen DE|1245|Er}} 
|  auflage_zahl = {{FormatZahl|{{Metadaten Auflagen Zeitungen DE|1245|Verk}}}} 
|  reichweite_quelle = 
|  reichweite_zahl = 
|  chefred = Klaus Siegmeier 
|  herausgeber = 
|  weblink = http://www.schwarzwaelder-bote.de
}}

Dr '''Schwarzwälder Bott''' (dt. ''Schwarzwälder Bote'') isch e regionali Dageszytig im Ruum [[Schwarzwald]] un obere [[Neckar]]. Är bedrybt e Netz us 20 Gschäftsstelle un 26 Lokalredaktione. S Hauptverbraitigsbiet, wämer syyni Partnerzytige ''[[Verlagshaus Jaumann|Oberbadischi Zytig]]'' un ''[[Lahrer Zeitung|Lohrer Zytig]]'' mitderzuerächnet, vu [[Calw|Calp]] un [[Bad Herrenalb|Herrealb]] im Norde bis uf [[Lörrach|Löörech]] im Side, vu [[Lahr/Schwarzwald|Lohr]] im Weschte bis uf [[Balingen|Balenge]] un [[Albstadt]] im Oschte. Di verchauft Uflag lyt bi {{IVW-Text|Zeitungen|1245|Exemplar.}}

Unter em Dach vu dr Schwarzwälder Bott Mediegruppe veraint dr Verlag näbe syne Dageszytige au Unternämme fir Wärbig un Online-Dienscht, Delifonmarketing un Firmevereffetlichunge, Druck un Verdailig. Syt 2003 wird d Zytig im ''Druckzentrum Südwest'' z [[Villingen-Schwenningen|Villinge]] druckt. Verwaltig un Mantelredaktion hän ihre Sitz wyter am Verlagsstandort [[Oberndorf am Neckar]]. Dr Rusgeber ''Schwarzwälder Bote GmbH & Co. KG'' isch e Holding im Bsitz vu dr Familie vum erschte Rusgeber vum ''Schwarzwälder Bott'', em Wilhelm Brandecker. S Blatt ghert hite zue dr [[Südwestdeutsche Medien Holding|Südwestdeutsche Medien Holding GmbH]] (SWMH) mit Sitz z Stuegert.

== Gschicht ==
Dr ''Schwarzwälder Bott'' isch anne 1835 z [[Sulz am Neckar]] grindet wore. Im nämlige Johr het dr Oberndorfer Wilhelm Brandecker s Unternämme ibernuu. Är het dr ''Schwarzwälder Bott'' as e „Amts- und Intelligenzblatt“ rusgee un het s Unternämme bis 1884 zämme mit syre Frau Amalie glaitet. 1837 isch dr Verlagssitz uf Oberndorf am Neckar verlait wore. Go s Verbraitigsbiet uuszwyte het dr Brandecker 1842 e „Schwarzwälder Bott“ in persona vu Stadt zue Stadt gschickt. Die Aktion isch e große Erfolg gsii: anne1844 sin scho 5000 Exemplar ufglait wore. As erschti Zytig z Dytschland het s Blatt 1846 Furtsetzigsroman yygfiert.
[[Datei:Schwarzwälder Bote.jpg|thumb|300px|Chopf vum Titelblatt vum 24. Septämber 1908]]
Wu anne 1896 di erschte Olympische Spiil vu dr Neizyt gsii sin, het mer s erscht Mol au Sportnochrichte druckt. 1899 isch dr ''Schwarzwälder Bott'' mit ere Uflag vu 27.778 Exemplar di am wyteschte verbraitet Zytig z [[Württemberg|Wirttebärg]] gsii. Uf em Hegschtpunkt vu dr Wältwirtschaftskriste vu dr 1920er Johr anne 1923 het e Uusgab vu dr Zytig 40 Milliarde Mark gchoschtet. No dr „Machtergryfig“ vu dr Nationalsozialischte umgoht dr ''Schwarzwälder Bott'' 1938 d Glychschaltig vu dr NS-Presse, durdes ass er sich mit andre barteilose Zytige zum „Dienst mittlerer Tageszeitungen“ (Dimitag) zämmeschließt. Di erscht Noochriegsuusgab isch anne 1945 wäge Bstimmige vu dr Bsatzigsmächt unter em gänderete Titel ''Schwarzwälder Post'' erschine, ab 1950 wider as ''Schwarzwälder Bote'' mit 26 Lokaluusgabe un ere Uflag vu 110.000 Exemplar. 1978 wird e Aazeigeblatt, dr ''Schwarzwälder Wochenmarkt'' (hite ''WOM - die große Wochenzeitung''), aagfange. Wu dr ''Schwarzwälder Bote'' 1982 zum Pflichtblatt vu dr [[Börse Stuttgart|Stuegerter Börse]] woren isch, het mer dr Wirtschaftsdail um Börsebricht erwyteret. S Aazaigeblatt WOM het floriert un isch anne 1987 uf e Uflag vu 250.000 Exemplar chuu. 

1993 het s e Wächsel in dr Fierig gee: dr Richard Rebmann isch Verleger un elainige Gschäftsfierer wore. In dr Johr derno het er dr Verlag zum Medieunternämme erwyteret. Im nämlige Johr het er d ''PSV Presseservice- und Vertriebs-GmbH'' as Agäntur fir Huushaltsdiräktwärbig grindet, 1995 d uf Neji Medie, Multimedia un Internetaawändige spezialisiert ''DIG Digital Information Group'', 1996 dr Online-Ufdritt un regionale Internetprovider ''SWOL''. 1997 wird s ''Druckzentrum Südwest'' z [[Villingen-Schwenningen|Villinge-Schwenninge]] grindet, dodermit di tächnische Dienschtlaischtige vum ''Schwarzwälder Bott'' uusglageret mit ere glychzytige Fusion mit dr ''VID Verlags- und Industriedrucke'', bedribe as Gmainschaftsunternämme mit dr ''Hermann Kuhn GmbH & Co. KG''. S Verdailnetz vu dr PSV het sich bis 1999 uf iber 5000 Zuesteller vergreßeret. Anne 2000 chemme d ''Kreisnachrichten Calw'' zue dr Mediegruppe derzue. As Uusgliderige sin 2000 d ''KIM - Kommunikation im Mittelpunkt GmbH'' as Chundeservice-Center vum ''Schwarzwälder Bott'' un 2002 dr ''GuG'' as Spezialischt fir Chundenevent un Gebeideservice entstande. Im Johr 2003 isch d Schwarzwälder Bote Mediengesellschaft GmbH Gsellschafter bi dr ''Lahrer Zeitungs GmbH'' wore un het d Dageszytig ''[[Der Enztäler]]'' mit Sitz z Neiebürg ibernuu. 2005 isch dr „Briefbote Südwest“ as brivate Briefdienschtlaischter grindet wore un dr ''Schwarzwälder Bott'' isch Mehrhaitsgsellschafter bim ''Kresse & Discher Wirtschaftsverlag'' wore, em Rusgeber vu dr regionale Wirtschaftszytschrift ''econo''. Im Johr 2008 hän d ''Schwarzwälder Bote Mediengesellschaft mbH'' un d [[Zeitungsgruppe Stuttgart]], wu zue dr [[Südwestdeutsche Medien Holding|Südwestdeutsche Medien Holding GmbH]] (SWMH) z Stuegert zellt, ihri unternämmerische Aktivitete in ere gmainsame Gsellschaft zämmeglait. Di Schwarzwälder Bote GmbH & Co. KG het ihri 90%-Bedailigung an dr Schwarzwälder Bote Mediengesellschaft mbH (SBM) yybrocht, d SWMH ihre 10%-Aadail an dr SBM. D SWMH haltet an dr zum 1. Jänner 2008 nei grindete Zwischeholding Mediengruppe Süd 82%, d Schwarzwälder Bote GmbH & Co. KG 18%.

== Redaktione un Gschäftsstelle im Verbraitigsbiet ==
Mit insgsamt 26 Lokalredaktione un 20 Gschäftsstelle sin dr ''Schwarzwälder Bott'' un d Wuchezytig WOM in dr Region bresänt. Lokalredaktione mit Gschäftsstelle git s z Albstadt-Ebenge, z Balenge, z Blumberg, z Calp, z Donaueschinge, z Fraidestadt, z Furtwange, z Hechenge, z Horb, z Nagold, z Neiebürg, z Oberndorf, z Pforze, z Rautweil, z Schramberg, z Sanderge, z Schwenninge, z Sulz, z Triberg, z Villinge un z Waldshuet-Düenge. Derzue chemme Lokalredaktione z Altesteig, z Burladinge, z Hoegerloch un z Rosefeld. Insgsamt wäre 17 verschideni Lokaluusgabe produziert. Zämme mit dr Partnerverlag [[Verlagshaus Jaumann]] un dr ''Lohrer Zittung'' wäre 23 Lokaluusgabe rusgee. Dernäbe git dr Verlag no zahlrychi Kur- un Geschtjournal rus.

== Produkt vu dr Mediengruppe Schwarzwälder Bote ==
* ''Schwarzwälder Bote'': Dageszytig
* ''Lahrer Zeitung'': Dageszytig 
* ''Die Oberbadische'': Dageszytig
* woodZ un woodZ-mag.com: Juged-Online un Print-Magazin
* ''econo'': regionali Wirtschaftszytschrift fir dr Mittelstand
* schwarzwaelder-bote.de: regional Onlineportal, E-Paper, Service, Neis u.&nbsp;a.

== Dochterunternämme vu dr Mediegruppe ==
* Druckzentrum Südwest: Druckerei fir s Berliner Format
* DIG (Digitale Medienberatungs- und Produktions-GmbH): Wärbeagäntur un E-Commerce-Dienschtlaischter, Entwicklig vu Verlagsbranchelesige un Netzwärchdienschtlaischtige
* PSV: Zuestellig un Huushaltsdiräktwärbig
* KIM: Delifonverchauf, Chundeservice, Chundebeziehigsmanagement
* GuG: Durfierig vu Chundenevent un Mässe
* Grafik-Bote: Uuslagerig vu dr Druckvorstufe
* S bishärig Briefzuestell-Dochterunternämme Briefbote Südwest het zum 1. Merz 2009 fusioniert mit dr ''SchwabenPost'', wu zue dr '' Zeitungsgruppe Stuttgart'' ghert, zue dr neie BWPOST.

== Fueßnote==
<references />

== Weblinks==
* [https://web.archive.org/web/20100404080724/http://www.schwarzwaelder-bote.de/wm?catId=103446 Schwarzwälder Bote Mediengruppe GmbH]

{{Übersetzungshinweis|de|Schwarzwälder_Bote|dütsch}}
{{DEFAULTSORT:Schwarzwalder Bote}}
[[Kategorie:Zitig (Dütschland)]]
[[Kategorie:Schwarzwald]]