Sackbrüeder

D Sackbrüeder ( Fratres saccati; it.: Sacchetti oder „Fratres de Poenitentia Jesu Christi; de.: Buessbrüeder Jesu Christi) si e Bättelorde im 13. Joorhundert gsi. Iire Naame isch vom Stoff choo, wo iiri Chläider drus gmacht gsi si.

Gschicht

Dr Orde isch am Ändi vo de 1240er Joor im provencalische Hyères (Frankriich) vom Raimund Attanulfi gründet worde, nodäm en d Franziskaner abgleent häi. Zu sine erste Mitbrüeder het dr Bertrandus de Manara (d’Almanarre) ghöört und bäidi si under em Iifluss vom Breediger Hugo vo Digne gstande. Si häi dr Orde noch em Vorbild vom Dominikanerorde ufbaut und er isch zerst uf d Provence beschränkt gsi. In de 1270er Joor het er scho mee as 100 Konvänt ghaa. Dank däm Erfolg het dr Orde vo dr Kurie dr dritt Blatz under de Bättelorde überchoo. 1274 het s Zwäite Konzil vo Lyon dr Orde ufghoobe, und d Sackbrüeder si Mitgliider in andere Bättelorde worde oder häi überhaupt dr Orde gwäggslet.^[1] Vili Spirituale häi im Orde vo de Sackbrüeder dr Ordo novus vom Joachim vo Fiore gsee.^[2]

Litratuur

Kaspar Elm: Ausbreitung, Wirksamkeit und Ende der provençalischen Sackbrüder (Fratres de poenitentia Jesu Christi) in Deutschland und den Niederlanden. Ein Beitrag zur kurialen und konziliaren Ordenspolitik des 13. Jahrhunderts. In: Deutsches Historisches Institut in Paris (Hrsg.): Francia. Forschungen zur Westeuropäischen Geschichte. Band 1. Wilhelm Fink, Münche 1973, S. 257–324 (Digitalisat).

Weblingg

Fuessnoote

↑ Sackbrüder. In: Lexikon des Mittelalters (LexMA). Band 7, LexMA-Verlag, Münche 1995, ISBN 3-7608-8907-7, Sp. 1244.
↑ Lexikon des Mittelalters Band 7, S. 1244, dtv 2003

Dä Artikel basiert uff ere fräie Übersetzig vum Artikel „Sackbrüder“ vu de dütsche Wikipedia. E Liste vu de Autore un Versione isch do z finde.

[LexMa-1] Sackbrüder. In: Lexikon des Mittelalters (LexMA). Band 7, LexMA-Verlag, Münche 1995, ISBN 3-7608-8907-7, Sp. 1244.

[2] Lexikon des Mittelalters Band 7, S. 1244, dtv 2003

[1]

[2]