Quälltext vu Paternalismus aaluege

Mit '''Paternalismus''' (vo [[Latein|lat.]] ''pater'' = „Vater“) wird e [[Herrschaft]]sornig beschriibe, wo iiri [[Autorität|Autoritäät]] und Herrschaftslegitimierig uf e [[vormund]]schaftligi Beziejig zwüsche de Herrscher und de Beherrschte basiert. Dr familiäri Beriich wird mäistens usklammeret.<ref>vgl. [http://books.google.de/books?id=LXwMjXvkqRAC Johannes Giesinger: Autonomie und Verletzlichkeit: der moralische Status von Kindern und die Rechtfertigung von Erziehung] {{Webarchiv|text=Archivlink |url=http://books.google.de/books?id=LXwMjXvkqRAC |wayback=20140812093856}}</ref>

As paternalistisch wird in dr Umgangssprooch au e Handlig bezäichnet, wo gegen e Wille vo öbber anderem usgfüert wird, aber von ere behauptet wird, ass si für däm si Wool sig. Paternalistischi Verheltnis wärde vo dene, wo in iirem Naame öbbis gmacht wird, hüfig as Bevormundig aagluegt.

== Bischbil vo Paternalismus==
[[Datei:Alfred Krupp.jpg|mini|Dr Alfred Krupp, wo mit sim ''Generalregulativ'' 1872 d Pflichte und d Rächt vo de Aarbäiter in sim Konzärn festgläit het. Die spööteri Sozialgsetzgääbig vom [[Otto von Bismarck|Bismarck]] het sich witgehend an däm ''Generalregulativ'' orientiert.]]
Dr Usdruck «Paternalismus» bezäichnet au en Idee vom [[Robert Owen]] zum die [[Soziale Frage|soziale Brobleem]] in Dütschland im 19. Joorhundert z lööse. Es stoot für die brivaati betriibligi [[Sozialpolitik]] vo de [[Großunternehmen|Groossundernäämer]] (wie [[Friedrich Krupp AG|Krupp]], [[Stumm (Montanunternehmer)|Stumm]] u. a.). Die häi de Arbäiter [[Betriebskrankenkasse|Betriibschrankekasse]], [[betriebliche Altersversorgung|betriibligi Altersversorgig]], Understützig in Nootlaage, [[Werkswohnung|Wärkwoonige]] und [[Kantine|Wärkkantine]] aabote. Eso isch dr Betriib zun ere Kombinazioon us Herrschafts- und Brodukzioonsberiich und ere Lääbensgmäinschaft usbaut worde, ooni de Arbäiter e Stimm im Entschäidigsbrozäss z gee.

En anders charakteristischs Bischbil für e paternalistischi Ideologii isch wie sich d Pflanzer in de [[Südstaaten|Südstaate]] vo de [[Vereinigte Staaten|Veräinigte Staate]] im 17. bis 19. Joorhundert, wo [[Sklaverei|Sklave]] ghalte häi,  [[Selbstwahrnehmung|sälber woorgnoo]] häi.<ref>Ira Berlin: ''Generations of Captivity: A History of African-American Slaves'', Cambridge, London: The Belknap Press of Harvard University Press, 2003, ISBN 0-674-01061-2, S. 63.</ref><ref>Dominik Nagl: ''No Part of the Mother Country, but Distinct Dominions - Rechtstransfer, Staatsbildung und Governance in England, Massachusetts und South Carolina, 1630-1769'', Berlin: Lit, ISBN 978-3-643-11817-2, 2013, S. 680-683.{{Webarchiv|url=http://de.scribd.com/doc/204061491/Dominik-Nagl-No-Part-of-the-Mother-Country-but-Distinct-Dominions-Rechtstransfer-Staatsbildung-und-Governance-in-England-Massachusetts-und-South-C |wayback=20160812090708 |text=Archivierte Kopie |archiv-bot=2020-02-11 00:59:23 InternetArchiveBot }}</ref>

Au in dr hütige westlige Gsetzgääbig git s Bischbil für Regle, wo mä as paternalistisch cha bezäichne. So isch d Aaschnallpflicht e Gsetz, wo hauptsächlig druf usgrichdet isch, Persone drvo abzhalte, sich sälber z schade. Äänlig isch s mit dr Gsetzgääbig in Bezug uf sogenannti «[[Droge|Ruuschdroge]]». Z [[Vereinigtes Königreich|Groossbritannie]] het in de früeje 1990er Joor dr «Spanner-Fall»  für Ufsee gsorgt, wo [[Sadomasochismus|Sadomasochiste]], wo alli us freijem Wille mitgmacht häi,  verhafdet und verurdäilt worde si wäge Körperverletzig. Au d [[Schulpflicht|Schuelpflicht]] het paternalistischi Aspäkt wie alli andere Pflichte, won e Gsellschaft iire Mitgliider abverlangt. Dr Underschiid zum äidütige Paternalismus isch dene Fäll in ere Demokratii, ass die Gsetz vom Suwerään gmacht worde si, wo jeedem Bürger e Stimm im Entschäidigsbrozäss git.

Au s Verheltnis vo Arzt und Paziänt wird vilmol as paternalistisch beschriibe. Vor allem in dr Vergangehäit isch d [[Patient-Arzt-Beziehung|Paziänt-Arzt-Beziejig]] eender äisitig gsi: dr Arzt het s Wüsse gha und d Rolle vom Paziänt het sich druf beschränggt, sich vom Arzt lo behandle oder nid. Die zitgmäässi Medizin setzt eender uf e mündige Paziänt und e sümmetrischi, partnerschaftligi Beziejig, wo an dr Autonomii vom Paziänt orientiert isch und däm sini Kompetänze iibezieht,<ref>Linus Geisler: ''Arzt-Patient-Beziehung im Wandel. Stärkung des dialogischen Prinzips.'' In: Abschlussbericht der Enquête-Kommission "Recht und Ethik der modernen Medizin", 14. Mai 2002 S. 216-220</ref> au wenn das zun ere Art Woodoo-Medizin cha füere, wo kä wüsseschaftligi Basis het.

== Litratuur ==
* Johannes Giesinger: ''Paternalismus und Erziehung. Zur Rechtfertigung pädagogischer Eingriffe''. In: ''Zeitschrift für Pädagogik'', 52 (2006) 2, S. 265–284. ([http://www.pedocs.de/frontdoor.php?source_opus=89&la=de Volltext])
* Malte-Christian Gruber, Sascha Ziemann (Hrsg.): ''Die Unsicherheit der Väter. Zur Herausbildung paternaler Bindungen''. Beiträge zur Rechts-, Gesellschafts- und Kulturkritik, Band 9. Trafo Wissenschaftsverlag, Berlin 2009, ISBN 3-896-26886-4
* Kai Möller: ''Paternalismus und Persönlichkeitsrecht''. Duncker & Humblot, Berlin 2005, ISBN 3-428-11679-8 (zugleich [[Dissertation]], [[Universität Freiburg im Breisgau]], 2004)
* Heiko Ulrich Zude: ''Paternalismus. Fallstudien zur Genese des Begriffs''. Alber, Freiburg im Breisgau 2010, ISBN 3-495-48178-8

== Weblingg ==
* {{SEP|http://plato.stanford.edu/entries/paternalism/|Paternalism|[[Gerald Dworkin]]}}

== Fuessnoote ==
<references/>

{{Übersetzungshinweis|de|Paternalismus|dütsch}}

[[Kategorie:Gsellschaft]]