MundartMai

Dr MundartMai isch e Veraastaltigsserie z Vorarlbärg un im Schwyzer Rhintel, wu em Dialäkt gwidmet isch. Si goot vum 1. bis zum 31. Mai un wird vum Verlag unartproduktion in Kooperation mit dr Zytig „Vorarlberger Nachrichten“ veraastaltet. Dr erscht MundartMai het s 2011 unter em Motto „Make gsi no war“ gee.

Finanziäll unterstitzt wird dr MundartMai vu Land Vorarlberg Kultur, Literatur Vorarlberg Mundart, verschidene Vorarlbärger un Schwyzer Gmaine un andere Sponsore. Bis 2014 isch d Raie all Johr durgfiert wore. 2015 het s us finanziälle Grind kai MundartMai gee, syt dr Uusgab vu 2016 wird d Raie nume no all zwai Johr veraastaltet.

Im MundartMai drätte all mol iber 100 Dialäktautore un –musiker us Vorarlbärg un em Schwyzer Rhintel uf. In s Lääbe grufe wore isch dr MundartMai vum Ulrich Gabriel, em Grinder vum Verlag unartproduktion.

Bim erschte Mol het s vor allem Lääsige vu Autore mit Musik gee, im Lauf vu dr Johr sin allmee Ufdritt vu Musiker un Kabarettischte derzue chuu, au Poetry Slam un Filmuffierige.

1. MundartMai, 1.-31. Mai 2011: 11 Veraastaltige in fimf Vorarlbärger Gmaine, 880 Bsuecher
2. MundartMai, 1.-31. Mai 2012: 19 Veraastaltige in 13 Vorarlbärger un aire Schwyzer Gmai, 1225 Bsuecher
3. MundartMai, 1.-31. Mai 2013: 19 Veraastaltige in 12 Vorarlbärger un zwoo Schwyzer Gmaine, 1620 Bsuecher
4. MundartMai, 1.-31. Mai 2014: 23 Veraastaltige in 12 Vorarlbärger un drei Schwyzer Gmaine, 1765 Bsuecher
5. MundartMai, 1.-31. Mai 2016: 22 Veraastaltige in 13 Vorarlbärger un vier Schwyzer Gmaine.
6. MundartMai, 1.-31. Mai 2018: 23 Veraastaltige in 15 Vorarlbärger un zwoo Schwyzer Gmaine

Wäg dr COVID-19-Pandemy isch dr MundartMai 2020 abgsait wore. In dr Johr 2021 un 2022 het mer dr MundartMai virtuäll duregfiert.

Weblink