Léon Huber
Dr Léon Huber (* 25. Juli 1936 z Züri; † 27. Novämber 2015) isch e Schwyzer Nochrichtesprächer gsii.
Läbe
[ändere | Quälltäxt bearbeite]Dr Huber, e glehrte Schauspiiler, isch vu 1963 bis zue syre Pänsionierig anne 1996 Sprächer vu dr Tagesschau vu Schwyzer Färnseh gsii. Sy langjehrig Schaffe un sy Beliebhait as Nochrichtesprächer hän em dr Spitzname «Mr. Tagesschau» yybrocht. Typisch fir n sin syni perfäkt Uussproch ohni Versprächer und sy ruehige Art. Dr Léon Huber isch au dr «Maischter vu dr minimale Mimik» gnännt wore.
Bi dr Tagesschau vum 3. Mai 1981 sin maskierti Demonschtranten ins Studio gstirt un hän e Transparänt mit dr Ufschrift «Freedom and Sunshine for Giorgio Bellini» zaigt. Dr Tessiner Giorgio Bellini het as Mitglid vu dr Zürcher Jugedbewegig gulten un isch im Februar 1981 wäge ere aageblige Zämmenarbet mit em Terrorischt Carlos an dr dytsch-schwyerische Gränze verhaftet wore.[1][2]
Im Augschte 1990 het dr Huber churz vor em Aafang vu dr Tagesschau dr Lälli uusegstreckt, die Sequänz isch aber scho ufzaichnet wore.[3]
Dr Huber isch syter anne 1968 ghyrote gsii un het e Dochter ghaa. Är het z Züri gläbt.[4]
Weblink
[ändere | Quälltäxt bearbeite]- Léon Huber in dr Internet Movie Database
- Peter Walt: Léon Huber: Tagesschau-Sprecher von 1963 bis 1996, Sändig vu Radio DRS 3 vum 16. Juli 2008
- Léon Huber. (Site cha nüme abgrüeft wärde; Suche im Webarchiv) Video in: Aeschbacher vum 5. Februar 2009 (11:35 Minute)
- [http://www.srf.ch/player/tv/-/video/zeitreise-50-jahr-jubil�um-vom-1-11-2003?id=a1ebc94d-ce19-4753-9b06-6407640b2cf3 Zeitreise. 50-Jahr-Jubiläum.] (Site cha nüme abgrüeft wärde; Suche im Webarchiv) Video in: Schwyzer Färnseh vum 1. Novämber 2003 (1:21 Minute)
Fueßnote
[ändere | Quälltäxt bearbeite]- ↑ Freedom and Sunshine for Giorgio Bellini. (Site cha nüme abgrüeft wärde; Suche im Webarchiv) Tagesschau vum 3. Mai 1981
- ↑ Wer ist Giorgio Bellini? (Memento vom 4. März 2016 im Internet Archive) Video in: Rundschau vum 21. Dezämber 1994
- ↑ Léon Huber. (Site cha nüme abgrüeft wärde; Suche im Webarchiv) Video in: Aeschbacher vum 5. Februar 2009 (ab 5:00 Minute)
- ↑ Yolanda Risi: Léon Huber: «Ich will niemandem zur Last fallen». (Site cha nüme abgrüeft wärde; Suche im Webarchiv) Interview in: Glückspost vum 25. Juni 2011
|
Dä Artikel basiert uff ere fräie Übersetzig vu dere Version vum Artikel „Léon_Huber“ vu de dütsche Wikipedia. E Liste vu de Autore un Versione isch do z finde. |