Quälltext vu Lorenz Bock aaluege

{{Dialekt|Markgräflerisch|Markgräflerisch|Undermarkgreflerisch}}
[[Datei:Bundesarchiv Bild 175-05845, Koblenz, "Rittersturz-Konferenz".jpg|thumb|Dr Lorenz Bock (links)]]
Dr '''Lorenz Bock''' (* [[12. August|12. Augschte]] [[1883]] z [[Horb am Neckar|Nordstette]]; † [[3. August|3. Augschte]] [[1948]] z [[Rottweil|Rautweil]]) isch e dytsche Jurischt un [[Politiker|Bolitiker]] ([[Deutsche Zentrumspartei|Zäntrum]], speter [[Christlich Demokratische Union Deutschlands|CDU]]) gsi. Vum 8. Juli 1947 bis zue sym Dod isch er dr erscht [[Ministerpräsident|Staatsbresidänt]] vu [[Württemberg-Hohenzollern|Wirttebärg-Hauezollre]] gsii.

== Läbe un Beruef ==
Dr Lorenz Bock isch am 12. Augschte 1883 z Nordstette uf d Wält chuu. Noch em Bsuech vu dr Gymnasie z [[Horb am Neckar|Horb]] un z [[Rottweil|Rautweil]] het er vu 1902 bis 1907 Rächtswisseschaft an dr Universitete z [[Ludwig-Maximilians-Universität München|Münche]] un z [[Eberhard Karls Universität Tübingen|Dibenga]] studiert. Derwylscht er studiert gha het, isch er in di katholisch Studänteverbindig [[K.St.V. Alamannia Tübingen|K.St.V. Alamannia Dibenga]] yydrätte. Ä het s Referändariat am Amtsgricht [[Riedlingen|Riedlenge]], am Landgricht [[Ravensburg|Raveschburg]] un bi dr Staatsaawaltschaft z [[Stuttgart|Stuegert]] absolviert, het zum Dr. jur. promoviert un het syt 1910 as [[Rechtsanwalt|Rächtsaawalt]] z Rautweil gschafft. Vu 1915 bis 1918 het er as Soldat am [[Erster Weltkrieg|Erschte Wältchrieg]] deilgnuu.

Noch em Änd vum Chrieg het dr Bock wider as Rächtsaaawalt gschafft. Speter isch er au as [[Notar]] zuegloo wore. Im Augschte 1944 isch er vu dr [[Geheime Staatspolizei|Gestapo]] verhaftet wore. Dr Lorenz Bock isch am Oobe vum 3. Augschte 1948 z Rautweil an dr Folge vun ere Darmlehmig gstorbe.<ref>[{{Der Spiegel|44418734|Titel=Die munteren Bäume der Freiheit|Text=}} ''DER SPIEGEL'': ''Die munteren Bäume der Freiheit'', Heft 34/1948 vom 21. August 1948, S. 4]</ref>

== Bolitik ==
Dr Bock isch scho vor em Erschte Wältchrieg in d Zäntrumsbardej yydrätte un isch vu 1919 bis 1933 Gmeirot z Rautweil gsi. Är het 1919 dr Verfassiggebende Landesversammlig vum [[Freier Volksstaat Württemberg|Freje Volksstaat Wirttebärg]] aaghert un het dert e groé Aadeil gha am Entstoh vu dr neje Verfassig. Im glyyche Johr isch er in dr [[Landtag des freien Volksstaats Württemberg|Wirttebärgische Landdag]] gwehlt wore, wun er in allne Legislaturperiode aaghert bis zue sällem syyre Uflesig anne 1933. Vu 1928 bis 1933 isch er Vorsitzer vu dr Zäntrumsfraktion im Landdag gsi.

Noch em [[Zweiter Weltkrieg|Zweete Wältchrieg]] het dr Bock mitgmacht bi dr Grindig vu dr CDU im [[Landkreis Rottweil|Landchreis Rautweil]]. Anne 1945 isch er Mitglid vum Rautweiler Gmeirot wore un vu dr dertige Chreisversammlig. Är isch syt 1946 Mitglid gsi vu dr [[Beratende Landesversammlung des Landes Württemberg-Hohenzollern|Berotende Landesversammlig]] un isch anne 1947 in dr [[Landtag für Württemberg-Hohenzollern|Landdag]] vu Wirttebärg-Hauezollre gwehlt wore, wun ere bis zue syym Dod aaghert het. Am 8. Juli 1947 isch er zum Staatsbresidänt vum Land gwehlt wore.<ref>[{{Der Spiegel|39883659|Titel=Mann der goldenen Mitte|Text=}} ''DER SPIEGEL'': ''Mann der goldenen Mitte'', Heft 29/1947 vum 19. Juli 1947, S. 1]</ref> Är het derno ne Koalitionsregierig us CDU, [[Sozialdemokratische Partei Deutschlands|SPD]] un [[Demokratische Volkspartei|DVP]] bildet. Glyychzytig het er au d Leitig vum Finanzminischterium ibernuu. Dr Lorenz Bock isch no in syyre Amtszyt gstorbe. Syy Noofolger as Staatsbresidänt isch dr [[Gebhard Müller]] wore.

== Ehrige ==
* Lorenz-Bock-Strauß z Rautweil

== Literatur ==
* Jürgen Klöckler: ''Abendland - Alpenland - Alemannien: Frankreich und die Neugliederungsdiskussion in Südwestdeutschland 1945-1947'', S. 230, Oldenbourg Wissenschaftsverlag, München 1998, ISBN 3-486-56345-9
* {{bibISBN|3170166042|Seite=85}}

== Fueßnotte ==
<references/>

{{Normdaten}}

{{Übersetzungshinweis|de|Lorenz_Bock|dütsch}}

{{DEFAULTSORT:Bock, Lorenz}}
[[Kategorie:Dütsche Parlamentarier]]
[[Kategorie:CDU-Mitgliid]]
[[Kategorie:Mitglid vu dr Zentrumspartei]]
[[Kategorie:Dütsche]]
[[Kategorie:Wirtteberger]]
[[Kategorie:Maa]]