Loucetius

Us der alemannische Wikipedia, der freie Dialäkt-Enzyklopedy
(Witergleitet vun Leucetius)

De Loucetius oder Leucetius isch e keltische Gott gsii, wo mitem römische Chrieggott Mars gliichgsetzt wore isch. Vereert hend en voralem d Treverer und Vangione, zäme mit de Nemetona. De Name Loucetius/Leucetius isch Gallisch und bidütet »Lüüchter«. De Wechsel vo /ou/ und /eu/ chunnt im Gallische hüüfig vor.

Vereerig[ändere | Quälltäxt bearbeite]

De Loucetius het zäme mit de Nemetona e Tempel z Chlii-Winternheim[1] im Piet vo de Aresaces, emene Tailstamm vo de Treverer, ghaa und en andere Tempel för da Götterpaar isch z Trier, em Hoptort vo de Treverer, gstande[2]. Meriri Widmige an Leucetius stammet no us anderne Orte vo de wiitere Region[3]. D Inschrift us Bath z England isch vomene Treverer gstiftet wore[4].

Quelle[ändere | Quälltäxt bearbeite]

  1. CIL XIII, 7252
  2. Finke 324
  3. AE 1990, 750, CIL XIII, 6221, CIL XIII, 7241, CIL XIII, 7242, CIL XIII, 7412, CIL XIII, 7608, CIL XIII, 11605
  4. RIB 140

Büecher[ändere | Quälltäxt bearbeite]

  • Bernhard Maier: Lexikon der keltischen Religion und Kultur. Kröner, Stuttgart 1994, ISBN 3-520-46601-5