Quälltext vu Kloster Rheinau aaluege

{{DISPLAYTITLE:Chloster Rhiinau}}
[[Datei:Rheinau Klosterkirche.jpg|mini|s Chloster Rhiinau]]
S '''Chloster Rhiinau''' isch e früenrigs Chloster gsii, wo uf ere chliine Insle im [[Rhein|Rhii]] underhalb vom [[Rheinfall|Rhiifall]] lit. D Insle ghört zu de Gmaind [[Rheinau ZH|Rhiinau]] im [[Kanton Zürich|Kantoo Züri]] und werd vo de baide Halbinsle Rhiinau und Schwoobe umgee. De maist Bsitz het s Chloster im [[Klettgau|Chleggi]] und im [[Zürcher Weinland|Wyland]] ghaa.

== Gschicht ==
S Chloster Rhinau isch vermuetli im Joor 778 gründet wore, doch isch s gnau Datum nöd bikannt. Ane 852 het de Apt Wolvene († 23.Dezember 877/8) s Chloster em Chaiser [[Ludwig der Deutsche|Ludwig em Dütsch]] vermacht. De het denn em Chloster d Immunität verlie und fraiji Aptwaal versproche und im au 14 Dörfer im [[Klettgau|Chleggi]] gschenkt und dezue d Fischrecht im Rhii vom Rhiifall abwerts bis zu de Mündig vo de [[Thur (Schweiz)|Tuur]]. Noch sim Tood hend au vil anderi dütschi Chaiser s Chlooster bigünstigt. Wo ane 926 d Ungare in Thurgau igfale sind, hend die au s Chloster Rhiinau verwüestet und d Mönch hend nu grad sich und e paar wenigi Sache chöne rette. S Chloster het aber öberlebt und ane 995 en Rechtsstriit geg de Bischof vo Chostetz gwune. 

Us em Hochmittelalter isch nöd vill bikannt. So isch ane 1114 di romanischi Basilika iigwiicht wore und s het immer wider Riiberaie mit binochbuurte weltliche Herre gee.

Nöd guet uuschoo sind d Äpt au mit de Groofe vo Sulz, wo im 15. Joorhundert d Landgroofschaft Chleggi öberchoo hend. Die sind nöd zimperlich gsi, hend mengisch s Chloster bsetzt oder de Apt gfangegnoo. S Chloster het i sinere Not sich a verschidnigi mächtigi Herre gwendet, doch die hend die aggressivi Politik vo de Sulzer nöd chöne abwende. Da hend [[Eidgenossenschaft|Aiggnosse]] gschickt uusgnutzt und s Chloster abem Joor 1455 under ire militärisch Schutz gstellt. Im Chloster hend aber dozmol numeno e handvoll Gaistlichi glebt. 

Wäred de [[Reformation|Reformatio]] isch s Chloster gfördet gsii, well die reformierte Buure iri Abgoobe nüme zallt hend und denn sind s ane 1529 ono mitem Bildersturm handgriiflich wore. De Apt und d Mönch hend nume miteme Tail vo Wertsache und Urchunde chöne uf Schaffuuse flüchte. Doch nochem [[Zweiter Kappelerkrieg|Chappeler Chrieg]] ane 1531 hend de Apt und d Mönch wider is Chloster zrugg chöne. S Chloster isch denn tüchtig gwachse und het de Landbsitz chöne uuswiite. Zur Tuusigjoorfiir ane 1778 hend guet 40 Mönch im Chloster glebt.

De Afang vom Undergang het mit de [[Helvetische Republik|Helvetik]] aagfange. D Franzose hend e Lazarett iigrichtet und nöd grad Soorg trait und und Politiker vom [[Kanton Thurgau|Tuurgi]], vo [[Kanton Schaffhausen|Schaffuuse]] und [[Kanton Zürich|Zöri]] hend sich um s Chloster gstritte. Am 24. März 1803 isch s Chloster definitiv zum Kantoo Zöri cho. Die reformierte Zörcher hend aber nöd d Mönch sondern d Schätz vom Chloster wöle und au e starchs Intressi am Wii zaigt und schlauerwiis em Apt verbotte, Novize uufznee. E Verlümdigskampanie vo Politiker und de Boulevardpress het em Ruef vom Chloster starch gschadt und im 3. März 1862 het de Zörcher Groossi Root mit 157 geg 22 Stime s Chloster uufghobe und e Psychiatrischi Klinik iigrichtet.

D Klinik isch ufgrund vo Spaarmaasnaame vom Kantoo Zöri endi 2000 gschlosse wore. Well sich bis hüt kan Interessent gfunde het, stoot s Chloster leer. Sit 2003 lebet d Schwöstere vo Chersiite im Chloster.

Im Juli 2009 het sich de Altbundesraat [[Christoph Blocher]] dezue paraatgschällt, 24 Millionä Schwiizer Franke as Chloschter z'spände für e Musigschuel.<ref>[http://www.rheinau.ch/de/aktuelles/aktuellesinformationen/welcome.php?action=showinfo&info_id=111080&ls=0&sq=&kategorie_id=&date_from=&date_to= www.rheinau.ch]</ref> S Gmeindsamt Rhiinau het bschlosse, ihm uf de Chlooschterinsle es Denkmal z baue.<ref>[http://www.tagesanzeiger.ch/zuerich/kanton/Blocher-spendiert-20-Millionen-fuer-die-Musikinsel-Rheinau/story/22215112 Tagesanzeiger: ''Ein Denkmal für Blocher? – «Das habe ich nicht nötig»]''</ref>

== Fintan ==
De Fintan isch de Schutzhailig vom Chloster Rhiinau. De irisch Mönch isch um 851 uf de Hairais vo sinere Pilgerrais uf Rom bim Chloster Rhiinau verbi cho und het sich entschlosse z bliibe. Er het denn ab 859 bis zu sim Tod um 880 as Inklus glebt und isch denn auf de Rhiinau bistattet wore. Sini Chnöche sind ane 1446 entdeckt wore und no hüt uf de Rhiinau. D Statue uf sim Graab zaigt en miteme Buech und eme Pilgerstab und uf de Schultere isch e Tuube. Er werd as Hailige vo de Rhiinau vereert und sin Todestag isch de 15. November. Sis Lebe isch i de ''Vita Findani'' festghalte.

== Gründigssaag ==
Noch de [[Sage|Saag]] het en riiche Maa bi [[Schaffhausen|Schaffuuse]] gfischet, isch aber debi iigschlooffe. S Schiffli isch de Rhii abetribe und öber de [[Rheinfall|Rhiifall]] abegschosse. De Maa isch natürli verwachet aber vor Schreck i Oomacht ghait. Woner wider z Sine cho isch, het er festgstellt, as sis Schiffli uf de Rhinau glandet isch. Us Dankbarkait het er denn do s Chloster Rhiinau gründet.

== Büecher ==
* Karl-Hellmuth Jahnke, Erich Danner: ''Das Jestetter Dorfbuch''; 2001, ISBN 3-89870-039-9.

== Weblink ==
{{commonscat|Rheinau Abbey|Chloster Rhiinau}}
* [https://www.alemannische-seiten.de/schweiz/rheinau-schweiz_kloster-rheinau.php Geschicht vom Chloster]

== Einzelnochwiis ==
<references />

{{Coordinate |NS=47.642222 |EW=8.608333 |type=landmark |region=CH}}

[[Kategorie:Katholischs Chloster|Rheinau]]
[[Kategorie:Schwiizer Chloster|Rheinau]]
[[Kategorie:Ehemooligs Chloster|Rheinau]]
[[Kategorie:Bauwärk im Kanton Züri]]
[[Kategorie:Rhy|Rhiinau]]
[[Kategorie:Kulturguet vo nationaler Bedütig im Kanton Züri]]
[[Kategorie:Chleggi]]
[[Kategorie:Religion im Züripiet]]