Quälltext vu Karin Keller-Sutter aaluege

[[Datei:Karin Keller-Sutter (2024, cropped).jpg|mini|hochkant|d Karin Keller-Sutter (2024)]]
D '''Karin Keller-Sutter''' (* [[22. Dezember]] [[1963]] as ''Karin Maria Sutter'' z [[Uzwil|Nideruzwil]]; [[Bürgerort|haimetberächtigt]] z [[Jonschwil]] und [[Kirchberg SG|Cherchbärg]])<ref name="moneyhouse">[https://www.moneyhouse.ch/de/person/keller-sutter-karin-maria-213962046701 ''Karin Maria Keller-Sutter.''] In: ''Moneyhouse.'' Abgruefen am 13. April 2018</ref> isch e [[Schweiz|Schwizer]] [[Politiker]]i ([[FDP.Die Liberalen|FDP]]) und isch am 5. Dezember 2018 in de [[Bundesrat (Schweiz)|Bundesrot]] gwählt worde.

== Läbe ==
D Karin Keller-Sutter isch z [[Wil SG|Wil]] im [[Kanton St. Gallen|Kanton Sanggale]] zäme mit drü Brüedere im e ländliche, katholische Milieu ufgwachse. Si hät eri Schueljohr z Wil und z [[Neuenburg NE|Neueburg]] absolviert. Dänn hät si sich a de Dolmetscherschuel z [[Zürich|Zöri]] (DOZ) zur Öbersetzeri und Komferänzdolmätscheri usbilde loo. Noch em Diplom hät si as sälbständegi Komferänzdolmätscheri gschaffet. Si hät Studie i Politikwüsseschaft z [[London]] und a de Universität z [[Montreal]] gmacht, es Nochdiplomstudium i [[Pädagogik]] a de [[Universität Freiburg (Schweiz)|Uni Friburg]] absolviert und isch as Bruefsmittelschuellehreri tätig gsii.

Eri politisch Karriere hät si vo 1992 bis 2000 as Gmaindröti vo Wil agfange; im 1997 hät si de Gmaindrot präsidiert. Vo 1996 bis 2000 isch si Mitglid vom [[Kantonsparlament|Kantonsrot]] vom Kanton Sanggale gsii und zwösched 1997 und 2000 Presidänti vo de [[Freisinnig-Demokratische Partei|FDP]] vom Kanton Sanggale. Sit erer Wahl am 12. März 2000 bis Endi Mai 2012 isch si Sanggaller [[Kantonsregierung|Regierigsröti]] gsii. Si isch em Sicherhaits- und Justizdepartemänt vorgstande und isch Presidänti vo de Schwizer Justiz- und Polizeidirektorekomferänz (KKJPD) gsii. Im Johr 2006/07 und 2011/12 isch si Presidänti vo de Kantonsregierig gsii. Si hät sich för s neue Asyl- und Ussländergsetz und en konsequente Vollzug im Kanton Sanggale engagiert und hät Integrazionsveriibarige mit Ussländer iigfüert. Si hät en bsondere Schutz för Opfer vo hüsliche Gwalt und en polizeiliche Jugeddienst iigfüert. Under ere isch d Polizeipresänz im öffentliche Ruum erhöht wore. Si isch zwor för eri herte Massnahme kritisiert wore, isch aber för eri Aalige dezidiert iigstande.<ref>Daniel Ryser, Andreas Fagetti: [https://www.woz.ch/1016/das-waere-der-dschungel Karin Keller-Sutter: ''«Das wäre der Dschungel.»''] In: ''[[WOZ Die Wochenzeitung]].'' 22. April 2010</ref>

Am 19. August 2010 hät si bekannt ge, as si för de [[Bundesrat (Schweiz)|Bundesrot]] kandidieri, wo wäg em Rücktritt vom [[Hans-Rudolf Merz]] frei woren isch. Bi de [[Bundesratswahlen 2010|Bundesrotsersatzwahle 2010]], wo am 22. September stattgfunde händ, isch si aber nöd gwählt wore.

Bi de Parlamäntswahle vom 23. Oktober 2011 isch d Karin Keller-Sutter im erste Wahlgang mit 64,56 Prozänt vo de Stimmen in [[Ständerat|Ständerot]]<ref>{{Webarchiv |wayback=20111025220248 |url=http://www.abstimmungen.sg.ch/home/Wahlen/staenderatswahlen/staenderatswahlen/Ergebnisse.html |text=''Ergebnisse der Ständeratswahlen vom 23. Oktober 2011''}}. In: Website vom Kanton Sanggale, abgruefen am 25. Oktober 2011</ref> und am 28. November 2017 aistimmig zur Presidänti vom Ständerot för s 2018 gwählt wore.<ref>[https://www.nzz.ch/schweiz/de-buman-wird-hoechster-schweizer-ld.1332918 ''De Buman und Keller-Sutter an der Spitze der eidgenössischen Räte.''] In: ''Neue Zürcher Zeitung.'' 27. November 2018</ref> Sit 2018 isch si au Presidänti vo de EU-EFTA-Delegazion.<ref>[https://www.fdp.ch/aktuell/medienmitteilungen/medienmitteilung-detail/news/schweizer-exporte-legen-stark-zu-auch-in-die-eu/ ''Schweizer Exporte legen stark zu, auch in die EU.''] In: Website der FDP.DieLiberalen, 9. Februar 2018 (Mediemittailig)</ref>

Under anderem isch si Vizepresidänti vo de ''Sanggaller Stiftig för Internazionali Studie'',<ref>{{Webarchiv |wayback=20130512165821 |url=http://www.stgallen-symposium.org/en/who-we-are/Organisers/St-Gallen-Foundation/Board-of-Trustees |text=''Board of Trustees''}}. International Students’ Committee; abgruefen am 5. Mai 2013</ref> sit 2012 im Vorstand vom Detailhandels-Verband ''Swiss Retail Federation''<ref>[https://www.tagesanzeiger.ch/wirtschaft/KellerSutter-engagiert-sich-bei-Swiss-Retail-Federation/story/17609117 ''Keller-Sutter engagiert sich bei Swiss Retail Federation.''] In: ''[[Tages-Anzeiger]].'' 21. Juni 2012</ref> (ab Juli 2013 Presidänti<ref>Simone Rau, Romeo Regenass: {{Webarchiv |archive-is=20130628082620 |url=http://www.tagesanzeiger.ch/ipad/schweiz/Ueberraschung-bei-Economiesuisse/story/11266667 |text=''Überraschung bei Economiesuisse''}}. In: ''Tages-Anzeiger.'' 14. Juni 2013.</ref>), Verwaltigsröti i de ''Pensimo Fondsleitung AG''<ref name="moneyhouse"></ref> und sit Mai 2013 im Verwaltigsrot vo de Versicherigsgruppe [[Bâloise]].<ref name="cash">[https://www.finanzen.ch/nachrichten/aktien/baloise-gv-alle-traktanden-verabschiedet-karin-keller-sutter-neu-im-vr-398495 ''Baloise/GV: Alle Traktanden verabschiedet – Karin Keller-Sutter neu im VR.''] In: ''finanzen.ch.'' 2. Mai 2013</ref> Vo 2012 bis 2016 isch si Mitglid im Verwaltigsrot vo de [[NZZ-Mediengruppe|NZZ-Mediegruppe]].<ref>[https://www.aargauerzeitung.ch/wirtschaft/karin-keller-sutter-in-verwaltungsrat-der-nzz-mediengruppe-gewaehlt-124113743 ''Karin Keller-Sutter in Verwaltungsrat der NZZ-Mediengruppe gewählt.''] In: ''[[Aargauer Zeitung]].'' 15. April 2012</ref><ref>[https://www.nzz.ch/wirtschaft/uebersicht-wirtschaftsthemen/generalversammlung-der-neuen-zuercher-zeitung-unterstuetzung-fuer-den-nzz-kurs-ld.14316 ''Unterstützung für den NZZ-Kurs.''] In: ''Neue Zürcher Zeitung.'' 16. April 2016</ref>

Am 9. Oktober 2018 hät d Karin Keller-Sutter bekannt gee, as si nomol för de Bundesrot kandidieri. En Sitz im Bundesrot isch frei wore, wäg em Rücktritt vom [[Johann Schneider-Ammann]], wo im 2010 a Stell vo ere i d Landesregierig gwählt woren isch.<ref>[https://www.nzz.ch/schweiz/keller-sutter-die-bundesrats-favoritin-erklaert-ihre-absichten-ld.1426699 ''Karin Keller-Sutter kandidiert für den Bundesrat.''] In: ''Neue Zürcher Zeitung.'' 9. Oktober 2018</ref> Bi de Bundesrotswahle am 5. Dezember 2018 isch si zur Nachfolgeri vom Johann Schneider-Ammann gwählt worde und isch dadermit di 9. Frau überhaupt, wo i de Bundesrot gwählt worde isch.<ref>[https://www.srf.ch/news/schweiz/ersatzwahlen-in-den-bundesrat-die-resultate-auf-einen-blick ''Die Resultate auf einen Blick.''] D Bundesrotersatzwahl uf srf.ch vom 5. Dezember 2018</ref>

D Karin Keller-Sutter isch mit em Rächtsmediziner Morten Keller ghürote und läbt z Wil.

== Uuszaichnige ==
* 2011: ''[[SwissAward]]'' Kategorii Politik

== Weblink ==
{{Commonscat}}
* [https://www.ejpd.admin.ch/ejpd/de/home/das-ejpd/karin-keller-sutter.html Bundesrätin Karin Keller-Sutter] bim EJPD
* [http://www.karin-keller-sutter.ch/ Website vo de Karin Keller-Sutter]
* {{Parlament.ch|4062}}
* {{Webarchiv|url=http://www.sg.ch/k/reg/regierungsraetin_k0.html | wayback=20110715062135 | text=Karin Keller-Sutter}} uf de Website vom Kanton Sanggalle
* [https://www.srf.ch/play/tv/schawinski/video/schawinski-vom-05-09-2011?id=fee9d2e3-9a32-4f36-8f38-3a6cfaa01ee8&station=69e8ac16-4327-4af4-b873-fd5cd6e895a7 ''Roger Schawinski im Gespräch mit Karin Keller-Sutter.''] In: [[Schweizer Fernsehen|Schwizer Färnseh]], ''[[Schawinski (Fernsehsendung)|«Schawinski»]].'' 5. September 2011 (Video; 26 min)
* Fabian Renz: [https://archive.today/20171030192945/https://desktop.12app.ch/articles/18632078 ''Die mächtigste Politikerin der Schweiz.''] In: ''[[Der Bund]].'' 30. Oktober 2017 (Archiv)

== Fuessnoote ==
<references />


{{Vorgänger-Nachfolger|VORGÄNGER=[[Johann Schneider-Ammann]]|NACHFOLGER=—|AMT=[[Liste der Mitglieder des Schweizerischen Bundesrates|Mitgliid im Schwizer Bundesrot]]|ZEIT=sit 2019}}
{{NaviBlock
|Navigationsleiste Bundesräte (Schweiz)
|Navigationsleiste Vorsteher Eidgenössisches Finanzdepartement
|Navigationsleiste Vorsteher Eidgenössisches Justiz- und Polizeidepartement
}}

{{Übersetzungshinweis|1 = de |2 = Karin_Keller-Sutter |3 = dütsch |4 = 182904275}}
{{Normdaten}}

{{SORTIERUNG:Keller-Sutter, Karin}}
[[Kategorie:Bundesroot (Schwiiz)]]
[[Kategorie:FDP-Mitgliid (Schwiiz)]]
[[Kategorie:Schwiizer Ständerot]]
[[Kategorie:Regierigsrot]]
[[Kategorie:Person (Nöii Zürcher Zytig)]]
[[Kategorie:Sanggaller]]
[[Kategorie:Schwiizer]]
[[Kategorie:Frau]]
[[Kategorie:Läbigi Person]]