Impulserhaltigssatz

Mit em Impulserhaltigssatz cha mä verstoo, wie sich e Chuugelestoosspändel benimmt.

Dr Impulserhaltigssatz isch äine vo de wichdigste Erhaltigssetz in dr Füsik und sait, ass dr Gsamtimpuls im ene abgschlossnige Süsteem konstant isch. „Abgschlossnigs Süsteem“ bedütet, ass das Süsteem käini Wäggselwirkige mit sinere Umgääbig het.

D Impulserhaltig gältet in dr klassische Mechanik wie au in dr spezielle Relatiwitdäätstheorii und dr Kwantemechanik. Si isch unabhängig vo dr Erhaltig vo dr Energii und isch vo grundlegender Bedütig, wemm mä Butschbrozäss wil verstoo, wil noch em dr Gsamtimpuls vo alle Partner bim Butsch vor und noch em Butsch gliich grooss muess si. D Konserwazion vom Impuls gältet im Fall, wenn die kinetischi Energii bim Zämmebutsch erhalte blibt (elastische Butsch), wie au denn, wenn das nit dr Fall isch (inelastische Butsch) und kinetischi Energii zum Bischbil in Wermi umgwandlet wird.

Dä Artikel basiert uff ere fräie Übersetzig vum Artikel „Impulserhaltungssatz“ vu de dütsche Wikipedia. E Liste vu de Autore un Versione isch do z finde.