Hyäne

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Hyäne
Tüpfelhyäne (Crocutua crocutua)
Systematik
Yberklasse: Kifermüler (Gnathostomata)
Chlasse: Sügitierer (Mammalia)
Underchlasse: Plazentatierer (Eutheria)
Ornig: Roubtierer (Carnivora)
Yberfamilie: Katzenartigi (Feloidea)
Familie: Hyäne
Wisseschaftlicher Namme
Hyaenidae
Underfamilie

D Hyäne (Hyaena sp.; alemannischi Näme) isch e Roubtier wo süget und húre fäscht bísse ka. Hyäne sin gschíd. Wenn si jagend gân si ganz stratégisch for.

Ds Leittier ire Gruppe isch allig e Wíb; well die sin grösser und wilder wie d Kärle. Früener hepme gmeint Hyäne seien Zwitter; d Gslächtsorgán fo beide glíchen sig naemle râs.

Hyäne gíts z Afrike und z Asie. Ir Íszit hets ou z Oyrópe gebe.

Me unterschídet fier Arte:

  • die gschäckete Hyäne
  • die brúne Hyäne
  • die tigerlete Hyäne
  • där Ärdwolf

Die gschäcket Hyäne (Crocuta crocuta)[ändere | Quälltäxt bearbeite]

Däs isch die gröste Hyäne wos gít: guet anderhalb Mäter exklusif Schwanz. Si kunnt ufe Spitzegschwindigkeit fo füfesächzg km/h. Und si läbet inere Gruppe mit bis zo hundert Tier. D tschäcket (tüpflet) Hyäne ernärt sich houpsächle for Jagd, kan aber ou fo Kadáfer läbe.

Die brúne Hyäne (Parahyaena brunnea)[ändere | Quälltäxt bearbeite]

Die brúne Hyäne, ou Schabrackehyäne oder Strandwolf gheisse, isch e bitzle kleiner aswie die tschäckete Hyäne. Si lebet allei oder mit epár Gspane. Si frisst Koge und lychte Büte. Ir Läbesrúm sin d Savanne und ou Wüestene.

Die tigerlete Hyäne (Hyaena hyaena)[ändere | Quälltäxt bearbeite]

Si wónen z Afrike und z Südwestasie und sin nu um wenig grösser wien en halbe Mäter. Nomál frässen si köggnis, well si kei guete Jäger sin. Wie ou d Schabrackehyäne sin se eher Einzelgängerisch.

De Ärdwolf (Proteles cristatus)[ändere | Quälltäxt bearbeite]

Der Ärdwolf, wie me seit, würd gad emâl achzg Sänti lang plus Schwanz. Er läbet im Oste und Süüde fo Afrika und frisst Insekte mit sínere Zunge. Er isch de einzige Ferträter fo där Underordnig Protelinae.

Hyäne im altalemannische Physiologos (11. jh.)[ändere | Quälltäxt bearbeite]

"Eîn tîer heizzit ígena. un íst uuílon uuíb uuîlon mân. unde durih daz ist ez uile unreine solihe uuarin di der erist crist petiton. un after diu abgot beginen. Daz bézêichenet di der neuuedir noh ungeloubige noh rehtegeloubige nesint. Von diu chat salomon. Dídir zuiualtic sint in irro herzin dîe sint ôuh zuiualtic in iro uuerchin." (S Wort ígena sprecht mer wie "ijena" uus.)

Literatur[ändere | Quälltäxt bearbeite]

  • Kay E. Holekamp, Joseph M. Kolowski: Family Hyaenidae (Hyenas). In: Don E. Wilson, Russell A. Mittermeier (Hrsg.): Carnivores. Lynx Edicions, Barcelona 2009, ISBN 978-84-96553-49-1, (Handbook of the Mammals of the World. Band 1), S. 234–261.
  • Ronald M. Nowak: Walker's Mammals of the World. Johns Hopkins University Press, Baltimore 1999, ISBN 0-8018-5789-9.
  • Jordi Agustí, Mauricio Antón: Mammoths, Sabertooths and Hominids. 65 Million Years of Mammalian Evolution in Europe. Columbia University Press, New York 2002, ISBN 0-231-11640-3.

Weblink[ändere | Quälltäxt bearbeite]

 Allmänd (Commons): Hyäne – Sammlig vo witere Multimediadateie