Quälltext vu Hochzeitsnacht im Paradies (Film) aaluege

{{Infobox_Film
|DT = 
|OT = Hochzeitsnacht im Paradies
|PL = [[Österreich|Eschtreich]]
|PJ = 1962
|AF = 12
|LEN = 104
|OS = [[Deutsche Sprache|Deitsch]],<br />[[Italienisch]],<br />[[Ungarisch]]
|REG = Paul Martin
|DRB = Ernst Marischka
|PRO = Herbert Gruber
|MUSIK = [[Friedrich Schröder]]
|KAMERA = Friedl Behn-Grund
|SCHNITT = Arnd Heyne
|DS = 
* [[Peter Alexander]]: Dr. Ulrich Hansen
* Waltraut Haas: Regine
* Marika Rökk: Ilonka Davarosch
* Gunther Philipp: Felix Bröckelmann
* Hubert von Meyerinck: Gustav Säuerling
* Fred Liewehr: Otto Roeders
* Rudolf Carl: Romano Biangetti
* Alice Kessler: Tilli
* Ellen Kessler: Milli
* Peter Machac: Junger Kellner 
* Else Rambausek: Hausmädchen
}}

{{Dialekt|Schwäbisch|Schwäbisch|Schwäbisch}}
'''Hochzeitsnacht im Paradies''' ischt a eschtreichischer Spilfilm us-em Johr 1962 vom Reschisseer Paul Martin. S Drehbuech stammt vom Ernst Marischka. Des beruaht ganz lose uff dr [[Hochzeitsnacht im Paradies|gleichnamiga Operedde]] vom [[Friedrich Schröder]] (Musik) ond vom Heinz Hentschke ([[Libretto|Libreddo]]). Zom erschda Mol ens Kino komma isch der Film am 30. Auguscht 1962. En de Hauptrolla siht mr da [[Peter Alexander]], d Waltraud Haas, d Marika Rökk ond da Felix Bröckelmann.

== Handlong ==
Eigentlich isch dr Ulrich Hansen vo Haus aus a promoviirder Doktr; abr scho vor einiger Zeit hot’r sei Hobby zom Beruaf gmacht ond ischt Senger worra. Zorzeit feiret’r grauße Erfolg als Hauptdarsteller en-ra [[Operette|Operedde]]. Sei graußa Liabe gheert neaba dr Musik noh dr Regine, em Dechterle vom Induschtriella Otto Roeders. Fascht jeda Obad sitzt des Mädle em Theader ond jublet ihrem Vorehrer zua, zom arga Missfalla vo deam seira Partnere Ilonka Davarosch, wo vo älle bloß „Dodo“ gnannt wuud. De sell koo’s et vorwenda, dass-ra dr Ulrich da Laufpass gäa hot. Drom will-se mit älle Middl vorhendra, dass dia zwoi d Ehe mitnander eiganget. Au dr alde Roeders ischt et begeischdret, an Kinschler zom Schwiigersoh zo kriaga. So hot sich dr Ulrich halt entschlossa, wiider en sein oogstammda Beruaf zruckzokehra. Om dr Regine ihrem Vadder sei Zuastemmong zor Hochzeit abzotrotza, wendet dr Senger an Trick oo: Noch-em Ende vo dr Abschiidsvorstellong goht’r zo dr Regine ihrer Loosche, geit-ra vor älle Theaderbesuecher an Kuss ond geit sei Vorlobong bekannt.

Rasend vor Eifersucht schmidet d Ilonka an Ploo, om dui Hochzeit doch noh vorhendra zo kenna: En dr Nacht vor dr Trauong betaibt-se da Ulrich mit [[Äther]]. Dui Trauong am nägschda Dag koo abr trotzdem staddfenda, au wenn vorher noh a baar grauße Hendrnis hend ibrwonda werra miaßa. Kaum hot dr Standesbeamde dui Trauong vollzoga, stardet d Ilonka a riisiga Vorleimdongskampanje – ond prompt fellt d Regine druff rei. Scho während dr Hochzeitsreis noch Venedig wirft-se ihrem Moo vor, er häb-se betroga.

En Begleidong vo ihrem neia Vorehrer, deam Bombolesfabrikanda Richard Säuerling, reist d Ilonka sellem frisch vormählda Pärle hendrher ond vorfolgt’s auf Schridd ond Tridd. Dobei setzt-se emmer wiider des Gerücht en d Welt, dass dr Ulrich Hansen dauernd d Nähe zo „ehra“ suacha dät. Wia noo dr Hansen mit seira Frau fluchtardich s Hodel „Paradies“ vorlassa will, vorsperret an Haufa Gondla da Ausgang, weil d Ilonka ibrs Radio hot vorbreida lassa, dr Hansen dät om Elfe uff-em Balkon a baar Liader zom Beschda geaba. Ond glei kommt’s noh dicker: D Ilonka will zamma mit-em Ulrich ufftredda. Abr do drmit hot-se da Boga ibrspannt: Em Hansen platzt dr Kraga, ond er schmeißt dui Intrigandin naus. D Regine hot da Vorfall mit oogseha ond woiß jetzt endlich, dass dr Ulrich se ganz arg moog. So send boide wiider glicklich voreint.

== Musik ==
Dia Tekscht vo de Liader, wo en deam Film gsonga werret, hot älle dr Günther Schwenn vorfasst. De bekanndeschde send:
* Es kommt auf die Sekunde an bei einer schönen Frau
* Alle Wege führen mich zu dir
* So stell ich mir die Liebe vor in meiner Phantasie
* Stundenplan-Twist (extra fir da Film gschriiba)
* Bella Venezia (au extra fir da Film gschriiba)
* Ein Glück, dass man sich so verlieben kann
* Ich spiel mit dir und du mit mir, wir spielen beide Katz und Maus

== Ergenzende Hinweis ==
D Ussauffnahma send z [[Venedig]] entstanda ond d Ennauffnahma em Adeljee Siivering z [[Wien]]. Soweit mr fir dean Film neie Bauda braucht hot, send dia vo de Filmarchidekda Fritz Jüptner-Jonsdorff ond Alexander Sawczynski gschaffa worra. D Koschdiim fir selle mitwirkende Leit hot dr Paul Seltenhammer entworfa. Dr Kombonischt selber hot s Filmorkeschtr gleidet. Zom Schluss sei noh erwehnt, dass d Sabine Ress ond dr Willy Dirtl d [[Choreografie|Choreografii]] beigschdeiret hend.

== Kridik ==
S '''''Lexikon des internationalen Films''''' urteilt ganz lapidar, der Film wär „so bunt wie anspruchslos”.<ref>Lexikon des internationalen Films, rororo-Taschenbuch Nr. 6322 (1988), S. 1639</ref> A bissle a bessre Moinong vo sellem Stroifa hot dr '''''Evangelische Film-Beobachter'''''. Der moint, dr Reschisseer Paul Martin häb a baar wohltuend menschliche Szena eigrichdet ond dia Ibrgeng zo de musikalische Darbiadonga fliißend ghalda.<ref>Evangelischer Presseverband München, Kritik Nr. 374/1962</ref> '''''Cinema.de''''' vorgleicht dean Strofa mit sellem us-em Johr 1950 ond kommt zom Schluss, dass dui erschda Vorfilmong mit-em Johannes Heesters zwar au koi Moischderwerk gwäa wär, abr ällamol besser wia dui nuia.<ref>http://www.cinema.de/film/hochzeitsnacht-im-paradies,1299223.html</ref>

== Quell ==
S Programm zom Film: „Illustrierte Film-Bühne“, Vereinigte Verlagsgesellschaften Franke & Co. KG, München, Nr. 6220

== Weblink ==
* {{IMDb|tt0056073}}
*[https://web.archive.org/web/20100721200739/http://www.filmportal.de/df/40/Uebersicht,,,,,,,,2CAAB9096BFD4989BEE6B40EC48401FB,,,,,,,,,,,,,,,,,,,,,,,,,,,.html''Hochzeitsnacht im Paradies''] bei [[Filmportal.de]]

== Oinzlne Nochweis ==
<references />

[[Kategorie:Filmditel]]
[[Kategorie:Öschtriichische Film]]