Historisches Wörterbuch der Philosophie

S Historisches Wörterbuch der Philosophie (HWPh) isch e dütschsproochigs begriffsgschichtligs Wörterbuech vo filosoofische Begriff in meerere Bänd. Es isch vo 1971 bis 2007 under de Hauptuusegääber Joachim Ritter, Karlfried Gründer und Gottfried Gabriel im Schwabe Verlag, Baasel erschiine. Es isch e völlig nöibearbäiteti Usgoob vom Wörterbuch der philosophischen Begriffe (1899 ff) vom Rudolf Eisler.

S Wörterbuech isch s Groossbrojekt vo dr dütsche akadeemische Filosofii, wo uf dr ganze Wält am erfolgriichste isch. Es isch äini vo de wichdigste Arbetsgrundlaage für die filosoofischi und gäisteswüsseschaftligi Usbildig und Forschig.

Bibliograafischi Aagoobe

Übersicht über die äinzelne Bänd

De Bänd 1–3 si vom Joachim Ritter, d Bänd 4–10 vom Karlfried Gründer, dr Band 11–12 vom Gottfried Gabriel, dr Registerband vo dr Margarita Kranz uusegee worde.

1. Band (A–C) 1971
2. Band (D–F) 1972
3. Band (G–H) 1974
4. Band (I–K) 1976
5. Band (L–Mn) 1980
6. Band (Mo–O) 1984
7. Band (P–Q) 1989
8. Band (R–Sc) 1992
9. Band (Se–Sp) 1995
10. Band (St–T) 1998
11. Band (U–V) 2001
12. Band (W–Z) 2005
13. Band (Register) 2007

Im 13. Band isch e Register und e CD-ROM mit em Volltext vo alle Bänd und ere Software für Windows und macOS, so dass mä im Volltext cha sueche.

Gsamtusgoob

Druckusgoob, 13 Bänd, 1971 bis 2007, ISBN 978-3-7965-0115-9
zsämme as CD-Rom, 2010, ISBN 978-3-7965-2685-5
Onläin-Versioon, 2017, ISBN 978-3-7965-3736-3

Kwelle

Dr Ardikel «Historisches Wörterbuch der Philosophie» uf dr dütsche Wikipedia

Liddratuur

Walter Tinner: Das Unternehmen Historisches Wörterbuch der Philosophie. In: Riccardo Pozzo, Marco Sgarbi (Uusegääber): Eine Typologie der Formen der Begriffsgeschichte (= Archiv für Begriffsgeschichte. Sonderheft 7). Felix Meiner Verlag, Hamburg 2010, ISBN 978-3-7873-1917-6, S. 9–13.

Weblingg

Webseite des Schwabe Verlags zum Historischen Wörterbuch der Philosophie
Wolfgang Hirsch: Der Autor verschwindet hinter dem Werk: Gespräch mit Gottfried Gabriel, Herausgeber des epochalen Historischen Wörterbuchs der Philosophie (Memento vom 19. Juli 2013 im Internet Archive)
HWPh online