Terrorherrschaft

„S Wabbe (und gliichzitig d Waffe) vo de Radikale“ (1819), Karikatur vom George Cruikshank uf d Terrorexzess 1793/94 z Frankriich

D Terrorherrschaft, d Schreckensherrschaft oder dr Schrecke (franzöösisch la Terreur ‚dr Schrecke‘) isch e Periode in dr Französische Revoluzion gsi, wo vo Aafang Juni 1793 bis Ändi Juli 1794 duurt het und wo alli Persone brutal underdruckt worde si, wo im Verdacht gstande si, ass si nit mit dr Revoluzion iiverstande sige. D Terrorherrschaft isch vom Woolfaartsusschuss, eme Komitee vo zwölf Manne, gläitet worde. Zerst isch er vom Georges Danton aagfüert worde und denn mee und mee vom Maximilien de Robespierre.

D Terrorherrschaft het mit em Ufstand vo de Bariiser Sansculotte gegen e Konvänt vom 31. Mai bis 2. Juni 1793 aagfange und dr Aanaam vo dr Verfassig vom 24. Juni 1793, wo allerdings nie in Chraft dräte isch. Iire Höhepunkt isch im Juni und Juli 1794 gsi; die Zit wird au as Groosse Terror (frz. la Grande Terreur) bezäichnet. Si isch über gsi, wo dr Robespierre verhafdet und hiigrichdet worde isch und d Thermidorianer am 9. Thermidor II (27. Juli 1794) d Macht übernoo häi.

In dr Zit vo dr Terrorherrschaft si öbbe 21'000 „Überwachigsusschüss“ bildet und 35'000 bis 40'000 Lüt umbrocht worde, weniger as d Helfti si vom ene Gricht verurdäilt worde und 85 Brozänt vo de Opfer si äifachi Bürger gsi, wo im Ancien Regime zum Dritte Stand zelt häi.

Litratuur

• Alfred Cobban: The Political ideas of Maximilien Robespierre during the Period of the Convention. In: The English Historical Review. Band 61, Nr. 239, 1946, S. 45–80.
• Bill Edmonds: „Federalism“ and Urban Revolt in France in 1793. In: The Journal of Modern History Band 55, Nr. 1, 1983, S. 22–53.
• Patrice Gueniffey: La Politique de la Terreur. Essai sur la violence révolutionnaire 1789–1794. Fayard, Paris 2003, ISBN 2-213-60575-0.
• Marcel Hénaff, Lawrence R. Schehr: Naked Terror. Political Violence, Libertine Violence. In: SubStance. Band 27, Nr. 2, 1998, S. 5–32.
• George Armstrong Kelly: Conceptual Sources of the Terror. In: Eighteenth-Century Studies. Band 14, Nr. 1, 1980, S. 18–36.
• Mona Ozouf: War and Terror in French Revolutionary Discours (1792–1794). In: The Journal of Modern History. Band 56, Nr. 4, 1984, S. 579–597.
• R. R. Palmer: Twelve Who Ruled: The Year of the Terror in the French Revolution. Princeton University Press, Princeton NJ 1941. ISBN 978-0-691-12187-1
• Chantal Thomas, David F. Bell: Terror in Lyon. In: SubStance. Band 27, Nr. 2, 1998, S. 33–42.

Dä Artikel basiert uff ere fräie Übersetzig vum Artikel „Terrorherrschaft“ vu de dütsche Wikipedia. E Liste vu de Autore un Versione isch do z finde.