Quälltext vu Friedlinde Gurr-Hirsch aaluege

{{Dialekt|Markgräflerisch|Markgräflerisch|Undermarkgreflerisch}}
[[Datei:Friedlinde Gurr-Hirsch 8656.JPG|thumb|upright|d Friedlinde Gurr-Hirsch 2013]]
D '''Friedlinde Gurr-Hirsch''' (* [[21. Juni]] [[1954]] z [[Untergruppenbach|Ondergruppebach]] as ''Friedlinde Gurr'') isch e [[Deutschland|dytschi]] [[Politiker|Bolitikeri]] ([[Christlich Demokratische Union Deutschlands|CDU]]) un syt 2001 Mitglid im [[Landtag von Baden-Württemberg]]. Si isch syt 2016 [[Staatssekretär|Bolitischi Staatssekreteeri]] im [[Ministerium für Ländlichen Raum und Verbraucherschutz Baden-Württemberg|Minischterium fir Ländlige Ruum un Verbruucherschutz]]. Vu 2004 bis 2011 isch si scho mol Bolitischi Staatssekreteeri im [[Ministerium für Ernährung und Ländlichen Raum Baden-Württemberg|Minischterium fir Ernährig un Ländlige Ruum]] gsii. Syt 2011 isch si stellverdrättendi Vorsitzeri vu dr CDU-Landdagsfraktion.
 
== Lääbe ==
D Gurr-Hirsch isch as Dochter vum e Räbbuur uf d Wält chuu un z Ondergruppebach ufgwachse. Dert isch si uf d Grundschuel gange un derno uf d Mörike-Realschuel z [[Heilbronn|Haalbrunn]]. Schließlig isch si uf s Justinus-Kerner-Gimnasium z Haalbrunn gange, wu si s [[Abitur]] gmacht het. Si isch staatli anerkännti Huuswirtschafteri un het an dr Beruefspedagogische Hochschuel z [[Hohenheim (Stuttgart)|Hooheim]] Lehramt studiert mit dr Schwärpinkt Wirtschaftswisseschafte, Bolitik un evangelischi Theology. Noch em Studium het si an dr Andreas-Schneider-Schuel z Haalbrunn, ere chaufmännische Beruefsschuel, as Lehreri unterrichtet. 

Syter anne 1978 isch si ghyrote mit em Karl-Heinz Hirsch, Si hän zäme drei Chinder, zwoo Deechtere un e Suhn.

== Bolitik ==
Vu 1973 bis 1975 isch d Gurr-Hirsch Mitglid vum Chraisvorstand un vum Bezirksvorstand vu dr [[Junge Union]] gsii. Anne 1978 isch si in d CDU yydrätte. Syt 1979 isch si Byysitzeri im Vorstand vum CDU-Gmaiverband Ondergruppebach un syt 1993 stellverdrättendi Vorsitzeri vum CDU-Chraisverband Haalbrunn. Vu 2012 bis 2016 isch d Gurr-Hirsch Vorsitzeri vum Arbetschrais Integration vu dr Landes-CDU gsii. Vu 2001 bis 2013 isch si derzue au Mitgli im Bezirksvorstand vu dr CDU Nordwirttebärg gsii.

Anne 1980 isch d Gurr-Hirsch in Gmairot vu Ondergruppebach gwehlt wore, ab 1994 isch si dert zwooti Stellverdrätteri vum Burgermaischter gsii. Im Johr 1984 isch si in Chraisdag vum [[Landkreis Heilbronn|Landchrais Haalbrunn]] gwehlt wore, wu si Mitglid im Schuel- un Kulturuusschuss un im Verwaltigsuusschuss un syt 1985 au stellverdrättendi Vorsitzeri vu dr CDU-Fraktion gsii isch.

Ab 1994 bis 2004 isch si Mitglid vu dr Verbandsversammlig vum [[Region Heilbronn-Franken|Regionalverband Haalbrunn-Franke]] un dert im Blanigsuusschuss gsii. Ab 2000 isch si schließlig au stellverdrättendi Vorsitzeri vu dr CDU-Regionalverbandsfraktion gsii.

Bi dr [[Landtagswahl in Baden-Württemberg 2001|Landdagswahl 2001]] het d Friedlinde Gurr-Hirschim [[Landtagswahlkreis Eppingen|Wahlchrais Eppenge]] s [[Direktmandat|Erschtmandat]] gwunne. Au bi dr Landdagswahle [[Landtagswahl in Baden-Württemberg 2006|2006]], [[Landtagswahl in Baden-Württemberg 2011|2011]] un [[Landtagswahl in Baden-Württemberg 2016|2016]] isch si wider iber s Erschtmandat in Landdag gwehlt wore. Im Juli 2004 isch si bolitischi Staatsekreteeri im Minischterium fir Ernährig un Ländlige Ruum wore. Si het derno alli Ämter uf Kommunal-, Chrais- un Regionalsebeni niderglait. Mit em Aadritt vu dr grien-rote Koalition no dr Wahl 2011 het si s Amt verlore, si isch derno im Mai 2011 zur stellverdrättende Vorsitzeri vu dr CDU-Landdagsfraktion gwehlt wore. Wu no dr Wahl 2016 e grien-schwarzi Koalition in s Amt chuu isch, isch d Gurr-Hirsch im Mai 2016 wider Bolitischi Staatssekreteeri im Minischterium fir Ländlige Ruum un Verbruucherschutz wore.

== Suschtig Engaschmänt ==
* Vorsitzeri vum Ufsichtsroot vu dr Landsiedlung Baden-Württemberg GmbH
* Vorsitzeri vum Ufsichtsroot vu dr MBW Marketing- und Absatzförderungsgesellschaft für Agrar- und Forstprodukte aus Baden-Württemberg mbH.
* Mitglid vu dr Verbandsversammlig vum Gmaiverwaltigsverband Ilsfeld (1980-2004)
* Mitglid vu Zwäckverband Gruppenkläranlage Schozachtal (1908-2004)
* Mitglid vu dr Gwährdregerversammlig un stellverdrättend Mitglid vum Verwaltigsroot vu dr Chraissparkass Haalbrunn (1990-2004)
* Mitinitiatori vum ''Rat für Frauen'', eme Modällprojäkt vum [[Sozialministerium Baden-Württemberg|Sozialminischterium Bade-Wirttebärg]], un vu 1997 bis 2004 Mitglid vum Byyroot.
* Vorsitzeri vum Chraisverband Haalbrunn vu dr Europa-Union Dytschland (1979 bis 1988)
* Chraisvorsitzeri vum Bloosmusikchraisverband Haalbrunn e.&nbsp;V. (syt 2001)
* Vorsitzeri vum Arbeitskreis Heimatpflege im Regierungsbezirk Stuttgart e. V. (2011-2015)
* Mitglid vum Vorstand vum Verain Burgfestspiele Stettenfels e. V. (syt 2011)
* Vizebresidänti vu dr Bundesvereinigung Deutscher Musikverbände e. V. (2012-2016)

Anne 1976 isch d Friedlinde Gurr-Hirsch zur [[Württembergische Weinkönigin|Wirttebärgische Wyycheenigi]] un 1976/77 au zur [[Deutsche Weinkönigin|Dytsche Wyycheenigi]] gwehlt wore. 

Anne 2008 het si dr „Goldene Schwarzwurst Orden“ iberchuu.

== Weblinks ==
{{Commonscat|3=S}}
* [https://www.gurr-hirsch.de/ Websyte vu dr Friedlinde Gurr-Hirsch]
* {{Landtag Baden-Württemberg 16. WP|cdu/gurr-hirsch.html}}
* [https://web.archive.org/web/20170111151207/http://fraktion.cdu-bw.de/abgeordnete/abgeordnete-detail/title/gurr-hirsch-mdl.html Profilsyte bi dr CDU-Landdagsfraktion]
* {{Abgeordnetenwatch|friedlinde_gurr_hirsch-597-44391}}

{{Normdaten}}

{{SORTIERUNG:Gurrhirsch, Friedlinde}}
[[Kategorie:Dütsche Parlamentarier]]
[[Kategorie:CDU-Mitgliid]]
[[Kategorie:Dütsche]]
[[Kategorie:Frau]]
[[Kategorie:Läbigi Person]]