Koalitionschrieg

S Chriegsdänkmol z Tarvisio-Boscoverde zu Ehre vo dene wo z Kärnte in de Johr 1797, 1809 und 1813 währed de Fäldzüg vom Napoleon gegen Östriich gfalle si

As Koalitionschrieg wärde d Chrieg bezeichnet, wo vo 1792 bis 1815 zwüsche Frankriich und siine europäische Gegner stattgfunde hai. Si si Deil vo de Komflikt, wo sich noch dr Französische Revolution über ganz Europa usbreitet hai, und hai s Ändi vo dr Ziit vo de Kabinettschrieg bedütet. Dä fümf Chrieg noch em erste Koalitionschrieg sait me au die Napoleonische Chrieg.

Bündnis („Koalitione“) vo europäische Mächt, wo sich die ganz Zit veränderet hai, hai uf verschiidene Schauplätz mehreri Chrieg gfüehrt, wo zum Deil inenander übergange si, gege die Französischi Republik beziehigswiis s französische Kaiserriich vom Napoléon Bonaparte und däm sine Verbündete.

Iideilig

D Chrieg löön sich eso iideile:

• d Revolutionschrieg (1792–1802) – 1. und 2. Koalition
  • Dr Iifall vo de Franzoose in d Schwiz und s Ändi vo dr Alte Äidgenosseschaft, 1798
• die Napoleonische Chrieg (1800–1814/15) – 2. bis 6. Koalition und d Kämpf uf em iberische Chriegsschauplatz und s Nochspiil vo 1815
  • dr Russlandfäldzug (1812) und
  • d Befreijigschrieg (1813–1814) – 6. Koalition
  • d Kämpf zur Zit vo de Hundert Däg nochdäm dr Napoleon vo Elba uf s Festland zruggcho isch bis zu sinere Verbannig uf St. Helena (1815)

Zitliste

Dä Artikel basiert uff ere fräie Übersetzig vu dere Version vum Artikel „Koalitionskriege“ vu de dütsche Wikipedia. E Liste vu de Autore un Versione isch do z finde.