Enzyklopedi
Enzyklopedi (agr. ἐγκυκλοπαιδεία, enkyklopaideía; gibildut us ἐγκύκλιος, enkýklios "chreisförmig" und παιδεία, paideía "Lehr, Bildig") isch ursprünglich die van ä Hippias von Elis im 5 Jh. V. Chr. giprägt Bizeichnig fär d’univerel Bildig. Hittu värsteit mu unnär Enzyklopedi än strukturiärti, meglischt umfassundi Darstellig va mänschlichum Wissu innära fär du täglich Gibrüch üsriächundu Gnauigkeit. Mu unärscheidut universelli und fachspezifischi Enzyklopedie. D’eruru diänunt fär d’Darstellig fa meglich villu Wissunsgibiätu, d’nachgehndu bhandlund nur än igschränkte Bireich, dischi darfir abär vill gnauär und üsfärlichär. Där Bigriff vannär Enzyklopedi wird innär Wissuschaft va dä Enzyklopedi ärforscht.
Abgränzi und Ischränkig vam Bigriff
[ändere | Quälltäxt bearbeite]Än Enzyklopedi müäss nid umbdingt äs Naschlagwärch si. Enzyklopedie chenunt Wissu in unnärschidlichu Forme darstellu. Irusch gregscht Merkmal gägunubär va aneru Literaturgattige isch där Universalitätsaspruch.
Vor allum enzyklopädische Naschlagiwärch mit ämu bigränztu Fachumfang tüät mu ehnär als Fachlexika oder Sachwerterbüäch bizeichnu. Ds’Lexikon wird innär Wissuschaft fa de Lexikografie ärforscht. Ira ligut d’Lexikontheorie zugrund.
Siäntu wärdunt öi Wertärbiächär als Lexikon bizeichnut. Wertärbiächär biihaltund und ärklerund einzelni lexikalischi Iheite (zum Bispiel d’einzelnu Wertär vom Wortschatz ärä Sprach).
Z’Bigirffswertärbüäch isch än Zwischuform va ra Enzyklopedi und ämu Wertärbüäch. Es unnärsüächt du Gibrüch va Wrtär us Ideu – und/odär sozialgschichtlichär Sicht und isch därbi wissuschafltich aspruchsvollär als z’Sachwertärbüäch. Tübischi Bispiel sind gschichtlichi Grundbigriffa und z’historisch Wertärbüäch vannär Philosophie.
Värglich va äs paar Enzyklopedie
[ändere | Quälltäxt bearbeite]| Namu | Titl | Medium | Artikelazahl | Wertär | Bildär | Videos | Audio | Weblink |
|---|---|---|---|---|---|---|---|---|
| Encyclopédie von d’Alembert und Diderot | Encyclopédie ou Dictionnaire raisonné des sciences, des arts et des métiers, Auflage von 1750–1772 | 28 Bände | 71.818 | 20 Mio. | 2.885 | keini | keini | keini |
| Britannica | Encyclopaedia Britannica (EB) | 32 Bände | >65.000 | 44 Mio. | >24.000 | keini | keini | ? |
| Britannica | Britannica Ultimate Reference Suite 2005 | 6 CDs oder 1 DVD | >100.000 | >54 Mio. | >17.650 (*) | ? | ? | 165.000 |
| Brockhaus | Die Enzyklopädie, 21., neu biarbeituti Üflag 2005 bis 2006 | 30 Bänd | >300.000 | 33 Mio. | >40.000 | keini | keini | ? |
| Brockhaus | D'Enzyklopädie digital | USB-Stick und 2 DVDs | >300.000 | 33 Mio. | >40.000 | 300 | 3000/ 70 Stunde | >22.000 |
| Enciclopedia universal ilustrada europeo-americana | Enciclopedia Espasa 2004 | 90 Bänd + 1 DVD | >900.000 | >200 Mio. | >100.000 | ? | ? | ? |
| Encyclopédie Universelle Larousse | L'Encyclopédie Universelle Larousse 2003 | 4 CDs oder 1 DVD | >150.000 | >25 Mio. | ? | 10.500 Video + Audio + Abb. | ? | 2.300 |
| GEO Themenlexikon | Das Wer, das Wissen zum Erlebnis macht 2006 | 20 Bänd | >30.000 | ? | >8.500 | keini | keini | ? |
| Microsoft Encarta | Enzyklopädie Professional 2007 | 1 DVD | >50.000 | >20 Mio. | >24.000 | >300 | >2.800 | 6.000 |
| Meyers | Meyers Großes Taschenlexikon in 26 Bänden | 26 Bänd + CD | >150.000 | ? | >5.000 | keini | keini | ? |
| Pauly-Wissowa | Paulys Realencyclopädie der classischen Altertumswissenschaft (1890-2000) | 86 Bänd und e CD-ROM | ? | ? | ? | keini | keini | keini |
| Wikipedia | Die freii Enzyklopädii (alemannisch) | online | zur Zit 30.732 | > 2.1 Mio | > 1200 | ? | ? | > 6000 |
| Wikipedia | Die freie Enzyklopädie (dütsch) | online, PDA, Mobiltelefon, CD-ROM, DVD, Taschebuechreihe | ~ 2.542.000 (Febr. 2021) | ? | ? | ? | ? | ? |
| Wikipedia | Die freie Enzyklopädie (änglisch) | online, PDA, Mobiltelefon, CD-ROM, DVD, Taschebuchreihe | > 6,258,275 (Nov. 2020) | ? | ? | ? | ? | ? |
(*) ischliässlich. Audio- und Video-Datie