Skala in dr Empirii

Us der alemannische Wikipedia, der freie Dialäkt-Enzyklopedy
(Witergleitet vun Empirisches Relativ)
Zur Navigation springen Zur Suche springen

D Begriff Relazionensüsteem (churz Relativ), empirischs Relativ und numerischs Relativ si Fachbegriff in dr Empirii zum d Konstrukzion von ere Skala im Sinn von ere Mässvorschrift abstrakt z beschriibe. Die konkreti Entwigglig von ere Mässvorschrift isch d Operazionalisierig.

In de empirische Wüsseschafte goot mä drvo us, ass d Beobachtigsobjekt (Gegeständ, Persone, Wärk, Eräigniss, …) unabhängig vo dr Beobachdig Äigeschafte häi, und ma underschäidet dorum zwüsche Äigeschafte und Mässergäbniss.

Bischbil „Tämpratuur“[ändere | Quälltäxt bearbeite]

Wemm mä sich gnauer mit Tämpratureffekt beschäfdigt und brobiert, dr Beriich zwüsche Fixpünkt wie zum Bischbil zwüschen em Schmelzpunkt und em Siidpunkt vo Wasser gliichmäässig iizdäile, so merkt mä, ass verschiideni Mässbrinzip (Usdeenig vo Flüssigkäite und Gas, elektrische Widerstand vo Metall oder Kontaktspannig zwüsche Metall, d Laag vom Gliichgwicht bi chemische Reakzione, …) zu Ergäbniss füere, wo nid äihäitlig si. Mä nimmt aa, ass es nit äi äinzigi Mässmethode git, wo d Äigeschaft „Tämperatuur“ definiert und die andere Mässmethode Ergäbniss liifere, wo abwiiche, sondern dass alli Methode nume nööcherigswiis die woori Äigeschaft T daarstelle. Füsikalischi Entdeckige wie d Existänz von ere undere Gränze für d Tämpratuur (T = 0) oder d T4-Form vo dr Tämpratuurabhängigkäit vo dr Straaligsläistig vo dr Wermistraalig, wenn d Tämpratuurverheltniss über e maximal Wirkigsgrad vo Wermichraftmaschine definiert wärde, understütze die Aanaam.

Litratuur[ändere | Quälltäxt bearbeite]

Jürgen Bortz, Christof Schuster: Statistik für Human- und Sozialwissenschaftler. 7. Auflage. Springer, Berlin 2010, ISBN 978-3-642-12769-4, S. 15–16 (Iigschränkti Vorschau uf books.google.de).

Jürgen Bortz, Nicola Döring: Forschungsmethoden und Evaluation für Human- und Sozialwissenschaftler. 3. Auflage. Springer, Heidelberg 2005, ISBN 3-540-41940-3, S. 69–70 (Iigschränkti Vorschau uf books.google.de).

Rolf Steyer, Michael Eid: Messen und Testen. Mit Übungen und Lösungen. 2. Auflage. Springer, Berlin 2009, ISBN 978-3-486-70242-2, S. 94–97 (hier S. 94) (Iigschränkti Vorschau uf books.google.de).

Rolf Steyer, Michael Eid: Messen und Testen. Mit Übungen und Lösungen. 2. Auflage. Springer, Berlin 2009, ISBN 978-3-486-70242-2, S. 94–97 (hier S. 96) (Iigschränkti Vorschau uf books.google.de).

Siegfried Schumann: Repräsentative Umfrage. Praxisorientierte Einführung in empirische Methoden und statistische Analyseverfahren. 5. Auflage. Oldenbourg Wissenschaftsverlag, München 2011, ISBN 978-3-486-70242-2, S. 20 (Iigschränkti Vorschau uf books.google.de).

Wolfgang J. Koschnick: Management: Enzyklopädisches Lexikon. 1. Auflage. Walter de Gruyter, Berlin 1995, ISBN 978-3-11-012847-5, S. 564 (Iigschränkti Vorschau uf books.google.de).