Palstek

Dialäkt: Oberbaselbieterdütsch

Aaleitig

Alternativi Methode

Dr Palstek oder au Bulin isch e Chnüppel wome vorallem bim Seglä vil bruucht. Bim Segle isches sogar ein vo denä Chnüppel, wome am meischte bruucht und wird mängisch au König vo de Chnüppel gnennt. Mitem Palstek chame ganz eifach e feschti Schlaufe ins Ändi vome Seil chnüpple. Mä mues aber ufpasse, dasmenen nur in ei Richtig belaschtet. Wenn menen in mehreri Richtige belaschtet (Ringbelaschtig) den chaner liicht mol ufgoh. Us däm grund darfme en nit bim Chläddere bruche!

Chnüpple

Zerscht macht me es Aug. Denne füert me s Ändi durs Aug dure, umms lange Ändi umme und dasmol vo dr andere Site durs Aug zrugg.

Variante

Seiländi inne oder usse

Dr Palstek chame uf zwei Arte chnüpple, nämlig mit em Ändi inneoder ebe usse. Bi dene beide Grafike chame das guet erkenne:

• 
  s Ändi usse
• 
  s Ändi inne

Beidi Variante hebe aber glich guet, s isch also jedem sälber überlo, wineren chnüpple will.

anderthalbfache Bulin

Dr anderthalbfach Bulin fot bim chnüpple glich a wi dr Palstek mitem inneliggende Ändi, er wird aber den no witergfüert. Die Variante chame bim Chlättere guet als Alternative zum Achter bruche.

dopplete Palstek

Bimm dopplete Palstek oder dopplete Bulin wird s Seiländi äfach dr Schlaufe noch witergfüert, bises dört wider usechunnt, wos ganze Seil härchunnt.