Quälltext vu Barbara Henneberger aaluege

[[Datei:Barbara Henneberger 1964.jpg|mini|Barbara Henneberger]]

D '''Barbara-Maria „Barbi“ Henneberger''' (* [[4. Oktober]] [[1940]] z [[Oberstaufen|Stoufa]]; † [[12. April]] [[1964]] bi [[St. Moritz]], [[Schweiz|Schwyz]]) isch in dr 1960er Johr e [[Deutschland|dytschi]] [[Ski Alpin|Skirännlaiferi]] un olympischi Bronzemedaille-Gwinneri im [[Slalom]].

== Lääbe ==
Scho ase jung het si s Talänt fir dr alpin Wintersport begaischteret. Drotz em Yyspruch vum Jugedreferänt Bairische Skiverband (BSV) isch si 1957 as amtierendi dytschi Jugedmaischteri scho in dr Senioreklass bi dr Dytsche Maisterschafte im Slalom uf em [[Laber (Berg)|Laber]] bi [[Oberammergau]] derby gsii.<ref>''Hannelore Basler und Sepp Behr Schnellste im ersten Rennen'', Pforzheimer Zeitung, 2. Merz 1957, S. 9</ref> Im Riiseslalom isch si diräkt uf dr dritt Blatz in dr Gsamtwärtig chuu, derwylscht si im Kombinationswettbewärb disqualifiziert woren isch.<ref>„Hannelore Basler wurde zweifache Deutsche Meisterin“, Schwäbische Zeitung, 4. März 1957, S. 5</ref> D Henneberger isch in di stark verjingt Nationalmannschaft gruefe wore un isch unter em Trainer Engelbert Haider im Oktober 1957 bim erschte Trainingslehrgang uf dr Zugspitz derby gsii.<ref>„Trainingslehrgang auf der Zugspitze“, Pforzheimer Zeitung, 31. Oktober 1957, S. 4</ref>

In dr Johr 1962 un 1963 isch si im [[Abfahrtslauf]] un em [[Riesenslalom|Riiseslalom]], 1960 un 1962 in dr Kombination un 1964 im Slalom Dytschi Maischteri wore. Derzue sin no zehn Vizemaischterschafte chuu, fimfmol isch si Dritti gsii. 1962 isch si Studänte*newältmaischteri wore. 

Ire greschte Triumph het si bi dr [[Olympische Winterspiele|Olympische Winterspiil]] 1960 z Squaw Valley as Bronzemedaillegwinneri im Slalom gfyrt. In dr [[Alpine Kombination|Kombination]], wu nume fir d Wältmaischterschafte zellt het, het si au d Bronzemedaille gwunne. D Bundesrepublik Dytschland het si mit em Silberne Lorbeerblatt gehrt. Bi dr [[SDS-RennenSDS-Ränne]] z [[Grindelwald]] het si 1963 in Abfahrt, Slalom un Kombination gwunne.

Mit ir un dr [[Heidi Biebl]] het s bi dr Olympische Winterspiil 1960 zwoo Medaillegwinnerne im Skilaufe gee, wu im chlaine Ort [[Oberstaufen|Stoufa]] im [[Allgäu|Allgai]] (dodmol ca. 4.500 Yywohner) uf d Wält chuu sin. Fir d Zyt no dr Olympische Spiil vu Innsbruck 1964 het d Henneberger ire Ruggdritt aag´chindet, wel si no 23 Johr alt sei un si ganz irem Amerikanischtik-Studium het welle widme.<ref>„‚Nach dem Olympia-Winter ist Schluß!‘“, Sportmagazin Nr. 10, 6. Merz 1963, S. 10</ref>

[[Datei:Waldfriedhof Grabstätte Barbara Henneberger.jpg|mini|s Grab vu dr Barbara „Barbi“ Henneberger]]
D Barbara Henneberger isch bi dr Draiarbete zum Skifilm ''Ski-Faszination'' vum [[Willy Bogner junior|Willy Bogner]] zäme mit em [[Vereinigte Staaten|US-amerikanische]] Rännlaifer Buddy Werner dur e [[Lawine|Schneebrättlawine]] ums Lääbe chuu.<ref>spiegel.de: [https://www.spiegel.de/spiegel/print/d-46174536.html Lawinen-Unglück - Tod am Vormittag] Artikel vom 22. April 1964</ref> Si isch uf em Alte Dail vum Münchener Waldfriidhof vergrabe wore. Bi dr Lycht sin rund 5000 Mänsche derby gsii, dodrunter vyl Verdrätter vu dr europäische Ski-Elite un fascht di ganz dytsch Olympiamannschaft vu Innsbruck.<ref>„Tausende folgten dem Sarg Barbara Hennebergers“, Schwäbische Zeitung, 17. April 1964, S. 9</ref> Dr [[Willi Daume]] het si bi dr Druurfyyr gwirdigt mit dr Wort: „Sie war schön, kühn und mutig. Die Götter haben sie uns nur gezeigt und wieder genommen“.<ref>Sportmagazin Nr. 16, 20. April 1964, S. 32</ref>

Dr Willy Bogner isch wäge fahrlässiger Deetig vum [[Obergericht (Schweiz)|Kantonsgricht]]suusschuss vu, [[Kanton Graubünden|Graubünde]] am 31. Merz 1965 zue re zweemonetige [[Bedingte Strafe (Schweiz)|Bedingte Haftstrof]] verurdailt wore.

Bi dr Wahl zur [[Sportler des Jahres (Deutschland)|Sportleri vum Johr 1964]], wu im Dezämber 1964 abghalte wore isch, sin fir d Henneberger postum 31 Pinkt (10. Blatz) vergee wore.

Z Kirchheim bi München mahnt d ''Barbi-Henneberger-Straße'' an d Skilaiferi.

== Weblink ==
{{Commonscat}}
* {{FISDB|AL|24377}}
* {{SKIDB|barbara_henneberger_ger_whnnb}}
* {{Olympedia|81282}}
* {{IMDb|nm2178531|Barbi Henneberger}}
* spiegel.de: [https://www.spiegel.de/spiegel/print/d-45142473.html ''Barbara Henneberger – So sensibel.''] Artikel vum 27. Februar 1963.
* [https://www.youtube.com/watch?v=cV5wwP2hKQ4 Filmbericht zur Beerdigung] vu Associated Press (Youtube)

== Fueßnote ==
<references />

{{Normdaten}}

{{Übersetzungshinweis|1 = de |2 = Barbara_Henneberger|3 = dütsch |4 = 220327628}}

{{SORTIERUNG:Henneberger, Barbara}}
[[Kategorie:Alpine Skirennfahrer]]
[[Kategorie:Dütsche Meischter]]
[[Kategorie:Sportler z Dytschland]]
[[Kategorie:Olympiateilnähmer (Dütschland)]]
[[Kategorie:Person (Allgai)]]
[[Kategorie:Dütsche]]
[[Kategorie:Frau]]