Politischi Geographii

Die Politischi Geographii (au: Politischi Geografii) undersuecht mit Hilf vo wüsseschaftlige Methode s Usmass und d Prozäss vo dr symbolische Verbindig vo Ruumeiheite und Ethnizität/Kultur/Religion.

Theoriientwicklig

Es git zwei aktuelli theoretischi Entwicklige (vor allem im anglo-amerikanische Sproochruum), wo sich nit gegesiitig usschliesse.

1. Das isch uf dr einte Siite s Konzept Geography matters , wo s um d Sensibilität für die regionale Underschiid vom Politische goht. Dä handligsorientierti Asatz suecht Erklärige für Ruumunderschiid und Ruumkomflikt und findet die in dr rüümlige Spezifik vom politische Handle. Das wird au umschriibe mit "the power of Place".
2. Dr zweit Asatz vo dr Critical Geopolitics zeigt d Sensibilität für die politische Instrumentalisierbarkeit vom Regionale.

Die konstruktivistischi Sichtwiis brobiert d „Entzauberig“ vo eisiitig konstruierte Wältbilder. Mit däm isch d Enttarnig vo dr strategische Bedütig vo geopolitische Regionalisierige gmeint. (z. B. dr Orient us dr Sicht vo de USA und vo Europa)

Literatur

• Agnew, John, Katharyne Mitchell und Gerard Toal (Geróid Ó Tuathail) (Hrsg.): A Companion to Political Geographie. Oxford: Blackwell, 2005 (2. Auflage).
• Reuber, Paul; Wolkersdorfer, Günter (Hrsg.): Politische Geographie - Handlungsorientierte Ansätze und Critical Geopolitics. Heidelberg: Spektrum, 2002.
• Reuber, P. (2000): Die Politische Geographie als handlungsorientierte und konstruktivistische Teildisziplin — angloamerikanische Theoriekonzepte und aktuelle Forschungsfelder. In: Geographische Zeitschrift. Bd.88/2000

Weblingg

• AK Politischi Geographii
• AK Geopolitischi Analyse
• Deutsche Gesellschaft für (politisch-geographische) Staatenkunde
• Forschungsschwerpunkt Politische Geographie am Institut für Geographie der Universität Münster
• Forschigsschwerpunggt Politischi Geographii am Institut für Geographii vo dr Universität Erlange-Nürnberg

Dä Artikel basiert uff ere fräie Übersetzig vu dere Version vum Artikel „Politische_Geographie“ vu de dütsche Wikipedia. E Liste vu de Autore un Versione isch do z finde.