Victor Ambartzumyan

De Victor Ambartzumyan (armenisch Վիկտոր Համբարձումյան, anderi Schribige; Viktor Hambardzumian, Viktor Amazaspovich Ambartsumian, Wiktor Amasaspowitsch Ambarzumjan, * 5. Septämber^jul./18. Septämber^greg. 1908 z Tiflis, Georgie ; † 12. August 1996 z Bjurakan bi Jerewan, Armenie) isch en armenisch-sowjetische Astrophysiker gsii, eine vo de Begründer vo de theoretische Astrophysik.

De Victor Ambartzumyan hät uf em Gebiet vo de Physik de Sterne und Nebel, stellare Astronomii und Dynamik vo de Sternesystem und Kosmogoni vo Sterne und Galaxie gschaffed. Er hät 1946 s Bjurakan-Observatorium gründet.

I de Liste vo de „wichtigste Persone vom 20. Johrhundert“, wo s Time Magazine im 2000 veröffentlicht hät, isch de Victor Ambartzumyan i de Kategorii „Wichtigsti Wüsseschaftler und Dänker“ uf Platz drüü uufglischted gsii.^[1]

Uuszaichnige

De Victor Ambartzumyan hät zwaimol, 1946 und 1950 de Stalinpriis gwunne. 1956 hät er de Jules-Janssen-Priis überchoo.

Weblink

Commons: Victor Ambartzumyan – Sammlig vo Multimediadateie

Fuessnoote

↑ The Most Influential People of the 20th Century poll Scientists & Thinkers, Time Magazine 2000 (archivierti Version vom 8. April 2000)

[1] The Most Influential People of the 20th Century poll Scientists & Thinkers, Time Magazine 2000 (archivierti Version vom 8. April 2000)

[1]