Sacca (Venedig)
.jpg)
E Sacca (Mehrzahl Sacche) isch z Venedig en Insle, wo dur Uufschüttige chünschtlich entschtanden isch, vo dene gits hüt drü. Au Randgebiät vo de Schtadt, wo uf die glich Art und Wiis gwunnene worde sind und en Iibuchtig vo de Lagune i de Schtadt werde so bezeichnet.
Die drü Insle heissed Sacca Fisola, Sacca San Biagio und Sacca Sessola, d Gwünnig vo Land sind d Sacca di San Girólamo und Sacca di San Alvise, d Iibuchtig im Norde vo de Schtadt werd Sacca della Misericordia gnennt. Am Aafang vom 20. Jahrhundärt häts no e Sacca di San Chiara ghä, es Hafebassin mit Lagerhüser in de Nöchi vom Frachthafe.
D Sacca Sessola liit im Süde vo de Schtadt Venedig i de Lagune usse. D Insle bschtaht syt em Jahr 1870 und isch dur Material vo Grabige und Kanalvertüüfige entschtande. Die erschte Gmües- und Wygärte sind schtändig vo Lagerhallene verdrängt worde. 1911 hät mer uf de Insle es Chrankehuus für Cholerachranki baut. S öffentlichi Schpital, wo im Jahr 1914 gründet worde isch, gits hüt immer noo.
Koordinate: 45° 24′ 19″ N, 12° 19′ 15″ O