D Chile vo Fortun

D Chile vo Fortun stoot i de Gmeind Fortun i de Kommune Luster i dr Provinz Sogn og Fjordane z Norweege. Si isch 1879 baut worde und hät di ursprünglichi Stabchile ersetzt, wo für d Gmeind z chli worde isch. Die isch nämli uf Fantoft z Bergen versetzt worde. Die Chile isch ä Langchile und isch vom Architekt Erik Pedersen Rusten entworfe worde.^[1]

Ussehe und Ufbau

D Chile isch us Holz baut und bsitzt en zweistufige Turm bi de Igangstüre. Im Turm befindet sich ä Glocke us em 12. Jahrhundert. S Langhus hät beidsitig sechs grossi Fenschter und endet imene füfsitige Chor. Die Chile isch usse wie inne wiis gstriche. Im Chor stoht de Altar und isch mit ere achteckige Balustrade begrenzt.^[1]

Usstattig

D Chile hät 230 Sitzplätz. Ä Glasmalerei im mittlere Chorfenschter zeigt Jesus imene blaue Gwand und mit emene rote Umhang. D Chile bsitzt e Altartafle, wo i de 1630-Johre gfertigt und 1692 bemalt worde isch. Si bestoht us emene Diptychon mit em Moses uf de linke Syte, em Christus uf de rechte Syte und oberhalb es klises Bild vo de Chrüzigung. Im Chor befindet sich s Taufbecke mit enere Inschrift i Nynorsk us em Lukas-Evangelium „Lat småborni koma til meg – hindra dei ikkje for Guds rike høyrer slike til. Luk. 18,16.“ (Lönd d Chind zu mir cho und verwehrets ihne nöd, denn ihne ghört s Rich Gottes.) A de rechte Hälfti vo de Chorwand isch d Chanzle abroocht.^[1]