Kepler-22b
Kepler-22b isch dr ärdähnligscht extrasolar Planet, wu bishär entdeckt woren isch.[1]
Entdeckig
[ändere | Quälltäxt bearbeite]Dr Planet mit Hilf vum Wältruumteleskop Kepler entdeckt wore. Des Teleskop zaichnet Hälligkaitsschwankige uf, wu ufdrätte, wänn e Planet vu dr Ärd uus gsääne genau vor syym Zäntralstärn duurezeit. Zem erschte Mol noogwise wore isch dr Planet anne 2009, no dr dritte Sichtig, wu s fir d Bstetigung brucht, isch syy Entdeckig am 5. Dezämber 2011 vereffetligt wore.
Aigeschafte
[ändere | Quälltäxt bearbeite]Keppler-22b chraist um dr sunneähnlig Stärn Kepler-22, e G5-Stärn, wu rund 600 Liechtjohr ewäg isch vu dr Ärd.[2] Fir e Umlauf brucht er rund 290 Däg.[3] Är het uugfehr dr 2,4-fach Durmässer vu dr Ärd, ca. 30.500 km. Uf dr Oberflechi vu Kepler 22b lyt d Tämperatur bi ca. 22 °C[4], dr Planet isch also in dr sognännte habitable Zone.[5] Des haißt, uf ihm herrsche Tämperature, wu s Wasser in ere flissge Form megli macht. Dodermit isch d Grundlag vu Läbe gee, wie s s uf dr Ärd git. Iber d Oberflechi vum Planet un eb s Wasser het, isch nyt bekannt. Mer hofft, ass mer bi dr negschte Passasche vor syym Zäntralstärn spektroskopischi Mässige cha durfiere.
Fueßnote
[ändere | Quälltäxt bearbeite]- ↑ Kepler-22b: Facts About Exoplanet in Habitable Zone
- ↑ Kepler-22 exoplanet.eu, abgruefen am 6. Dezämber 2011
- ↑ spiegel.de, abgruefen am 6. Dezämber 2011.
- ↑ cosmopolite.org. Abgruefen am 30. August 2018.
- ↑ www.nasa.gov. Abgruefen am 5. Dezember 2011.
Weblink
[ändere | Quälltäxt bearbeite]
Commons: Kepler-22b – Sammlig vo Multimediadateie- Kepler-22 b in dr Extrasolar Planets Encyclopaedia, abgruefen am 6. Dezämber 2011
- Kepler-22b kepler.nasa.gov, (abgruefen am 7. Dezämber 2011)
|
Dä Artikel basiert uff ere fräie Übersetzig vum Artikel „Kepler-22b“ vu de dütsche Wikipedia. E Liste vu de Autore un Versione isch do z finde. |