Dorothy Crowfoot Hodgkin

Us der alemannische Wikipedia, der freie Dialäkt-Enzyklopedy
Dorothy Hodgkin
Molekülmodell vum Penicillin vu dr Dorothy Hodgkin, ca. 1945

D Dorothy Crowfoot Hodgkin (* 12. Mai 1910 z Kairo as Dorothy Mary Crowfoot; † 29. Juli 1994 z Shipston-on-Stour, Ängland) isch e britischi Biochemikeri gsii. Fir ihri Analys vu dr Struktur vum Vitamin B12 het si anne 1964 dr Nobelbryys fir Chemy iberchuu.

Lääbe[ändere | Quälltäxt bearbeite]

D Dorothy Crowfoot Hodgkin isch di eltscht vu vier Deechtere vu me änglische Kolonialbeamte z Kairo gsii. D Eltere, dr John Winter Crowfoot (1873–1959) un d Grace Mary Hood (1877–1957), sin vyl graist un hän wäge däm ihri chinder bi Verwandte z Ängland ufwachs loo. Scho as Jugedligi isch d Dorothy Crowfoot fasziniert gsii vu Krischtall un chemische Strukture. Wu si im Alter vu 16 Johr d „Grundlagen der Chemie“ vum Parson gläse het, het si bschlosse, Chemy z studiere.

Vu 1928 bis 1932 het si Chemy un Physik am Somerville College an dr Universitet Oxford studiert un het si in ihrem vierte Johr dert mit Krischtallografy bscheftigt. Derno isch si an d Universitet Cambridge gange go dert unter dr Laitig vum John Desmond Bernal Sterol untersueche.[1] Si isch vu dr „Eleganz“ vu dr dodmol neie Röntgenstrukturanalyse hiigrisse gsii un hetmit däre Method zum erschte Mol vyl biologisch relevanti Molekil bstimmt, dodrunter Pepsin (1934), Choleschterin (1941), Penicillin (1944), Vitamin B12 (1956) un Insulin (1969)[2].

Anne 1932 isch d Dorothy Crowfoot as Lehrchraft uf Oxford retuurchuu. Im nämlige Johr het si mit dr chemische Analys vum Insulin aagfange, doderfir het s 35 Johr bruucht, bis di ganzStruktur vu däm Stoff ufdeckt gsii isch.[2]

Anne 1937 het si dr Bolitolog Thomas Lionel Hodgkin ghyrote, mit ihm het si vier Chinder ghaa, Luke (1938), Elizabeth (1941) un Toby (1946). Churz no dr Geburt vum erschte Chind het si ne schwäre Glänkremedis iberchuu, vu ihre Forscige het si si aber nit doderdur abhalte loo. 1947 isch si as dritti Frau in di exklusiv Royal Society ufgnuu wore. 1958 isch si in d American Academy of Arts and Sciences gwehlt wore, 1971 in d National Academy of Sciences. Ab 1962 isch d Dorothy Hodgkin Mitglid vu dr Pugwash Conferences on Science and World Affairs gsii un het si aktiv fir d Verständigung vu Wisseschaftler vu Oscht un Wescht yygsetzt.

Anne 1964 het si dr Nobelbryys fir Chemy iberchuu.[3] D Dorothy Crowfoot Hodgkin isch di drtt Frau no dr Marie Curie (1911) un dare ihre Doochter Irène Joliot-Curie (1935) sii, wu die hich Ehrig kriegt het. 1965 het si as zwooti Frau – no dr Florence Nightingale – vu dr Chenigi Elisabeth II. dr Order of Merit verleent kriegt. Vu dr Republik Eschtrych isch si mitem Eschtrychische Ehrezaiche fir Wisseschaft un Chunscht uuszaichnet wore. Derzue isch si zue me Mitglid vu dr Dytsche Akademy vu dr Naturforscher Leopoldina gwehlt wore. 1970 isch si Chanzleri vu dr Universitet Bristol wore.[4] D American Diabetes Association het ere 1972 mit dr Banting-Medallie ihri hescht Uuszaichnig vergee. Si het 1976 au d Copley-Medallie vu dr Royal Society ibercuu.[4] 1987 isch simit em Internationale Lenin-Friidesbryys uuszaichnet wore.

Zue ihre Studänte z Oxford 1946/47 het d Margaret Thatcher ghert, wu ihri Abschlussarbet in Chemy bi dr Crowfoot Hodgkin gmacht het.

Publikatione[ändere | Quälltäxt bearbeite]

  • Die Röntgen-Strukturanalyse einiger biochemisch interessanter Moleküle (= Arbeitsgemeinschaft für Forschung des Landes Nordrhein-Westfalen, Band 159). VS Verlag für Sozialwissenschaften, Wiesbaden 1966, Neuauflage ISBN 978-3-663-01037-1

Literatur[ändere | Quälltäxt bearbeite]

  • Georgina Ferry: Dorothy Hodgkin: A Life. Granta, London 1998, ISBN 1-86207-167-5.
  • Jürgen Neffe: Irgendwann habe ich einen ganz starken Willen entwickelt. In: Charlotte Kerner: Nicht nur Madame Curie. Frauen, die den Nobelpreis bekamen. Beltz und Gelberg, Weinheim/Basel 1999, ISBN 3-407-80862-3.
  • Dorothy Hodgkin, in: Internationales Biographisches Archiv 37/1994 vum 5. Septämber 1994, im Munzinger-Archiv (Artikelaafang frei abruefbar).
  • Svetlana Bandoim: Gender Bias in Science, an Analysis of the Careers of Kathleen Lonsdale, Dorothy Hodgkin, and Rosalind Franklin. Indianapolis, IN 2006, OCLC 75182013 (Dissertation (Thesis (B.S.) Summa Cum Laude) Butler University Indianapolis 2006).

Weblink[ändere | Quälltäxt bearbeite]

 Commons: Dorothy Hodgkin – Sammlig vo Multimediadateie

Fueßnote[ändere | Quälltäxt bearbeite]

  1. ↑ Vorlage:Academictree
  2. ↑ 2,0 2,1 M. J. Adams, T. L. Blundell, E. J. Dodson, G. G. Dodson, M. Vijayan, E. N. Baker, M. M. Harding, D. C. Hodgkin, B. Rimmer, S. Sheat: Structure of Rhombohedral 2 Zinc Insulin Crystals. In: Nature. 224, 1969, S. 491–495, doi:10.1038/224491a0.
  3. ↑ Award Ceremony Speech (engl.)
  4. ↑ 4,0 4,1 Fortey, Jacqueline.: Grosse Wissenschaftler: [das Buch mit Poster!] Dorling Kindersley, München 2011, ISBN 978-3-8310-1884-0 (worldcat.org).
Dä Artikel basiert uff ere fräie Übersetzig vu dere Version vum Artikel „Dorothy_Crowfoot_Hodgkin“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Dorothy_Crowfoot_Hodgkin&oldid=1008139"