Automatic Terminal Information Service
Ds ATIS (Automatic Terminal Information Service) isch en automatischi Informationsdurchsag für dä Flugverkehr a Flugplätz mit Instrumentäflugverkehr. Si isch iigerichtet worde, zum entlaschte vo Funkstatzionä am Flugplatz.
Funktionswiis
[ändere | Quälltäxt bearbeite]Ds ATIS lauft automatisch in enere Endlosschleife (Bandasag) uf ärä beschtimmte Flugfunk-Frequänz und git Uskunft über Wetterverhältnisse sowie wiiteri für Ab- und Anflug wichtigi Informationä (z. B. aktivi Landebahn, Luftdruck QNH u. a.) an eneme Flugplatz. Sie wird entweder uf Band gredet oder mit Text-To-Speech Software (Sprachsynthese) generiert.
D ATIS-Asag a dütschä Flugplätze wird alli 30 Minute neu uusgä (immer 20 Minutä nach und 10 Minuten vor dä vollä Stund). Bi kurzfristigä Wätterveränderigä oder anderä wichtigä Änderigä wird d ATIS-Asag eventuell au zwüschäziitlich aktualisiert. Jedi neui Ansage bechund als „Versionskännig“ dä jewils nächste Buechstab vom Alphabet, wo nach dä Reglä vom ICAO-Alphabet usgredet wird.
Entlaschtig vom Sprechfunkverkehr
[ändere | Quälltäxt bearbeite]Pilote, wo unter IFR (Instrumäntäflug) flüügid und startid / landä wend, sind aagwise, zunächst ds ATIS abzlose. Bi de Kontaktufnahm mit dä zuäständigä Stelle vom Flugplatz nännt dä Luftfahrzüügfüerer dä Kännbuechstab vo de ATIS-Mäldig, wo ihm vorliit, zum sicherstelle, dass er di aktuell Version kännt. D Gägästell bestätigt ihm denn d Richtigkeit vom ATIS-Buechstab oder macht ihn imfall druf ufmerksam, dass i dä Zwüscheziit en nüi Mäldig exischtiert.
VFR-Pilotä (Sichtflug) sind hingägä nid dezue vrpflichtet, ds ATIS abzlose.
Dr Pilot mues d Landeinformatione nid zwingend vo dä ATIS hole. Er chönnt si au diräkt vom Fluglotse becho. Dr Fluglots müesst die gliiche Informationä für jede Pilot wider nü duresege. ATIS stellt demit en wesentlichi Entlaschtig vo de Funkfrequenz vom Fluglotse dar.
ATIS hed meischtens en eignigi Frequänz im Sprächfunkberiich, cha aber au von en em Draifunkfüür (VOR) uf dem sire Frequänz uusgschtrahlt werde. I dem Fall wird dä Name vom VOR zu de eidütige Identifizierig für Navigationszwäck mit agseit.
Uufbu vonere ATIS-Meldung
[ändere | Quälltäxt bearbeite]- Name vom Flugplatz
- ATIS-Buechstabe
- Zit vo de Beobachtig vom Flughafewetter
- Aktivi Landebahn
- aktuelli Bsonderheite (z. B. Buuarbeite)
- Übergangsflächi
- Windrichtig und -gschwindigkeit
- Flugsichte
- bsundrigi Wetterlage (z. B. Räge)
- Hauptwolkeundergränzi
- Temperatur und Taupunkt
- QNH
- Änderigstrend