Terroraaschläg am 11. September 2001

Die brennende Türm vom WTC mit der Freiheitsstatue

Am 11. September 2001 werded dur Terroraaschlääg beidi Türm vom World Trade Center (WTC) z New York zerschtört und s Pentagon z Washington, D.C. schwer beschädigt. Dabii sind ca. 3000 Mensche gschtorbe. D Eräigniss an däm Zistig wärde au churz as 11. Septämber (änglisch September 11 attacks, churz Nine-Eleven, in Zaale 9/11)^[1] bezäichnet.

Dr Ablauf

D Terroraaschleeg am 11. Septämber 2001 si vier koordinierti Entfüerige vo Fluugzüüg gsi, wo denn brucht worde si, zum Sälbstmordattentaat uf wichdigi zivili und militärischi Geböid in de Veräinigte Staate vo Amerika mache.

Drei Vercheersflugzüüg si vo je fümf und äis vo vier Dääter zwüsche zää ab Achti und halb nüüni am Morge (Nöi-York-Zit) uf Inlandflüüg entfüert worde. D Dääter häi zwäi von ene in d Dürm vom World Trade Center (WTC) z Nöi York gflooge und äis in s Pentagon z Arlington (Virginia). S vierte Flugzüüg, wo woorschinlig e Regierigsgeböid z Washington, D.C. hätt sölle dräffe, isch wäärend Kämpf zwüsche de Entfüerer und de Passaschier bi Shanksville (Pennsylvania) abgstürzt.

Bi de Aaschleeg si öbbe 3000 Mensche umcho, und si gälte als terroristische Massemord.^[2] Öbbe 15'100 vo öbbe 17'400 Persoone häi sich us de WTC-Geböid chönne rette.

Die 19 Entfüerer häi zur islamistische Terrororganisazioon al-Qaida ghöört.

D Reihefolg vo de Ereigniss

Uhrziit	Ereignis
8:46 Uhr	Der Flug AA 11 schloot im Nordturm vom WTC ii
9:03 Uhr	s zweite Flugzüg (Flug UA 175) fliegt in de Südturm
9:37 Uhr	Flug AA 77 fliegt in s Pentagon
9:59 Uhr	der Südturm stürzt ii
10:03 Uhr	Absturz vom Flug UA 93 bi Pittsburgh
10:28 Uhr	de Nordturm vom WTC stürzt ii
17:20 Uhr	s WTC 7 stürzt ii

Folge

Als Reaktion druf rüefed d USA en weltwiite Chrieg gege de Terrorismus uus und fordered e internationali Allianz gege de Terrorismus.

Begriff und Phrase wiä "S alti Europa", "D Achse vom Böse", "Wer nöd für öis isch, isch gege öis" und "Präventivschlaag" werded zu Schlagwörter vo dr Politik vom US-Präsident George W. Bush. In den Schdaaten un viile weschtliche Länder werded schärferi Sicherheitsbestimmige als Schutz gege de Terrorismus erlaa. Datenschützer und Bürgerrechtler drucked ihri Besorgnis drüber uus.

D Taliban, Glaubeschrieger in Afghanischtan, wo vo de USA vor nöd allzu langer Ziit underschtützt worde si, werded zum erschte Ziil vo de Vereinigte Schtaate. Imene Blitzchrieg wird s Land iignaa und dr neui Präsident Hamid Karsai tritt siis Amt aa. Normalität isch in Afghanistan bis hüt nöd iikehrt.
Begleitet vo weltwiite Protescht in de unterschiidlichschte Länder fangt am 20. März 2003 der Irakchrieg aa und de Saddam Hussein wird gfange gnaa. Spannigen innerhalb vo Europa wege dr Teilnaam vo einige Mitgliidsschtaate am Chrieg. Au der neui, demokratischi Irak isch längscht nöd befriidet.

Bewärtig

Dr 11. Septämber 2001 wird vo mängge Historiker as historischi Zesuur bewärtet^[2], wääred anderi das nid eso gsee.^[3] Sitdäm häi d USA versterkt Überwachigsgsetz und Freihäite bi dr Stroofverfolgig im äigene Land, wie au bi de verbündete Staate, duuregsetzt und mit dr Terrorbekämpfig begründet.

Literatur

Stefan Aust, Cordt Schnibben (Hrsg.): 11. September 2001. Geschichte eines Terrorangriffs. Deutsche Verlags-Anstalt, Stuttgart, 2002. ISBN 3-421-05656-0

Weblink

Allgemein

„Der 11. September 2001 und die Folgen.“ Umfassendi Linksiite vo der Bundesarbeitsgmeinschaft für politischi Bildig

Bilddokument

Commons: 9/11 – Sammlig vo Multimediadateie

ZDF heute-journal vom 11. September 2001
Video vom 11. September 2001, Teil 1/4, Phoenix-Bibliothek, dto. Teil 2/4, dto. Teil 3/4, dto. Teil 4/4
Bild- und Tonarchiv zum 11. September 2001 (authentichistory.com; englisch)

Ablauf

Website vo der 9/11-Kommission (englisch)
Spiegel Online, Dossier: Fakten zum 11. September
TelevisionArchive A library of world perspectives concerning September 11th, 2001 (englisch)
Complete 911 Timeline (cooperativeresearch.org; englisch)
Markus Becker: Simulation zeigt das Ende des World Trade Centers', Spiegel-Online vom 18. Juni 2007
Ayhan Ifranoglu, Christoph M. Hoffmann: An Engineering Perspective of the Collapse of WTC-I. Journal of Performance of Constructed Facilities (engl., PDF - 5,8 kB)

Gedenke

Das Wiki in Gedenken an die Terroranschläge vom 11. September

Fuessnoote

↑ Bi amerikanische Datum chunnt dr Moned vor em Daag.
↑ ^2,0 ^2,1 Hans Joachim Schneider: Internationales Handbuch der Kriminologie: Grundlagen der Kriminologie, Band 1, Walther de Gruyter, 1. Auflage 2007, ISBN 3-89949-130-0, S. 802
↑ Nikolaus Wirth: Tagungsbericht 9/11 Ten Years After: History, Narrative, Memory. 14.07.2011–15.07.2011, Munich Archivlink (Memento vom 7. Oktober 2014 im Internet Archive). In: H-Soz-u-Kult, 15. Oktober 2011, abgrüeft am 16. Oktober 2011. Eva-Maria Kiefer: Tagungsbericht Zeitenwende 11. September? Eine transatlantische Bilanz zehn Jahre danach. 09.09.2011–11.09.2011, Heidelberg Archivlink (Memento vom 7. Oktober 2014 im Internet Archive). In: H-Soz-u-Kult, 15. Oktober 2011, abgrüeft am 16. Oktober 2011.

[1] Bi amerikanische Datum chunnt dr Moned vor em Daag.

[Hans_Joachim_Schneider_2007-2] 2,0 ^2,1 Hans Joachim Schneider: Internationales Handbuch der Kriminologie: Grundlagen der Kriminologie, Band 1, Walther de Gruyter, 1. Auflage 2007, ISBN 3-89949-130-0, S. 802

[3] Nikolaus Wirth: Tagungsbericht 9/11 Ten Years After: History, Narrative, Memory. 14.07.2011–15.07.2011, Munich Archivlink (Memento vom 7. Oktober 2014 im Internet Archive). In: H-Soz-u-Kult, 15. Oktober 2011, abgrüeft am 16. Oktober 2011. Eva-Maria Kiefer: Tagungsbericht Zeitenwende 11. September? Eine transatlantische Bilanz zehn Jahre danach. 09.09.2011–11.09.2011, Heidelberg Archivlink (Memento vom 7. Oktober 2014 im Internet Archive). In: H-Soz-u-Kult, 15. Oktober 2011, abgrüeft am 16. Oktober 2011.

[1]

[2]

[3]