Sanja Doležal

D Sanja Doležal (* 9. Mai 1963 z Zagreb) isch e kroatischi Popsängeri und Färnseemoderatorin.

Si isch as Mitgliid vo dr Popbänd Novi fosili bekannt worde. Wo si ufghöört het singe, het si bim Färnsee in meerere Shous as Moderatorin afo schaffe. 2004 het si bim brivate Färnseekanaal RTL Televizija iiri äigeni Shou «Sanja» überchoo. «Sanja» isch bis 2006 gloffe. 2010 het d Doležal bi «Ples sa zvijezdama», dr kroatische Wersion vo Dancing with the Stars, uf HRT 1 mitgmacht.