dr Ökumenisch Root vo de Chilene

Dr Ökumenisch Root vo de Chilene (ÖRK) oder au Wältchileroot isch e Tachorganisazioon vo dr ökumenische Bewegigi vo de Chrischte.

s Zyl

D Organisazioon, wo ane 1948 z Amsterdam ggründet worden isch, isch z Gämf dehei. Derzue ghöre 348 regionali chrischtlechi Chilene us öppe 120 Länder vo dr ganze Wält.

Dr ÖRK wott hälfe d Chrischte, wo zu underschidleche Chilene i verschidene Kultuure ghöre, zämezfüere. Es wyts Zyl isch es, zun ere Einheit vo alne Chrischte z cho. Uf em Wääg dörthi macht dr ÖRK Projäkt, wo für d Zämenarbet zwüsche de Chilene wältwyt und i de einzelne Länder guet sind.

Drüberuse tuet dr Ökumenisch Root vo de Chilene au mit Verträter vo de andere Wältreligione rede.

Chilene, wo drzue ghöre

Im ÖRK sind vil grossi evangelischi, refermierti, methodistischi, baptistischi, anglikanischi, altkatolischi, orthodoxi und altorientalischi Chilene drby.

Mitgliedschilene vom düütsche Sproochruum

• s katolische Bistum vo de Alt-Katholike z Düütschland
• EKD
• Vereinigung vo de düütsche Mennonite
• Arbetsgmeinschaft vo de chrischtleche Chilene vo Düütschland
• Alt-Katholischi Chile vo Öschtrych
• Evangelischi Chilene vom Augsburer und Helvetische Bikäntnis z Öschtrych
• dr Ökumenisch Root vo de Chilene vo Öschtrych
• Chrischtkatolischi Chile vo dr Schwiiz
• dr Schwiizerisch Evangelisch Chilepund
• d Arbetsgmeinschaft vo de chirschtleche Chilene vo dr Schwiiz

Weblink

• Website vom Ökumenische Root vo de Chilene

Literatur

• Ruth Rouse, Stephen Charles Neill: Geschichte der ökumenischen Bewegung. 1517–1948. Göttingen 1957/58.
• Harold E. Fey (Hrsg.): Geschichte der ökumenischen Bewegung. Teil 3. 1948–1968. Göttingen 1974, ISBN 978-3-525-56315-1.
• Es begann in Amsterdam. Vierzig Jahre Ökumenischer Rat der Kirchen. Frankfurt, 1989, ISBN 978-3-87476-257-1.
• Heinz Joachim Held: Der Ökumenische Rat der Kirchen im Visier der Kritik. Frankfurt, 2001, ISBN 978-3-87476-370-7.