Zambo (Kinderprogramm)

Us der alemannische Wikipedia, der freie Dialäkt-Enzyklopedy
(Witergleitet vun Zambo)

Zambo isch es trimedials Chinderprogrammfenschter vom Radio SRF 1 und em Schwiizer Fernseh. Es isch täglich zwüschet siebni und achti am Abig uf Radio SRF 1 zghöre. Bis Endi Oktober 2016 isch Zambo au am Wärchtig vom halbi drüü bis am halbi siebni sowie am Wuchenänd vom halbi achti bis am halbi zehni am Morge uf SRF zwei uf Sendig gsii. Dademit isch Zambo de Nachfolger vo de Radiosendig DRS Pirando und de Fernsehsendig tubii. Zambo isch vo de Berliner Agentur gosub communications entwicklet worde. Zambo isch mit de Fusion vo de Chinderredaktione vo Schwiizer Fernseheh und Schwiizer Radio entstande.

Eigeproduktione (Fernseh)[ändere | Quälltäxt bearbeite]

  • Zamborium: E Sendig mit Bastel- Koch- und Zauberexperiment. Es werded au Biiträg übers Lebe vo Chind gsendet, wo uf de Website en lesenswerte Blog - bischpielswiis über ihres Privatlebe, ihres Huustier oder ihres Hobby - gschriebe händ. Die werded dänn mit Kamera und Mikrofon dihei, oder bim Verbringe vo ihrere Freiziit bsuecht.
  • Zambooster: E Schpielshow, wos Konzept vo SMS Galaxy vo de Vorgängersendig tubii übernoh hät. Chind, wo Mitglied i de Community sind, chönd per Internet, SMS und Telefon Quizfrage beantworte. De Zuefallsgenerator wählt dänn ein Mitschpieler us, wo alli Frage richtig beantwortet hät.
  • myZambo: E Senduih mit Studiogescht (meischtens Chind oder prominenti Persone)
  • Best Friends: E Schuelsoap wo uf de holländische Serie Spangas basiert.

Iikaufti Serie[ändere | Quälltäxt bearbeite]

Im Fernsehprogramm vo Zambo befindet sich unter Anderem folgendi iikaufti Serie:

Uf Endi Oktober 2016 sind d Sändige im Färnseh iigstellt worde. Es git Zambo sithär no im Netz und im Radio. Am Färnseh blibt s «Guetnachtgschichtli» täglich am halbi sächsi und d Reportasch «Pätagei» a de Fiirtig.[1]

Radiosendig[ändere | Quälltäxt bearbeite]

I de Radiosendig wo amigs vom siebni bis am achti am Abig auf Radio SRF 1 gsendet wird, exischtiered folgendi Rubrike und Programmpünkt:

  • Hörschpiel für Chind vo sächsi bis zehni (amigs vom Mäntig bis am Friitig)
  • Musigwünsch
  • Song oder Gong (da chann sich de Telefonkanditat entscheide öb er sich en Musgtitel wünsche, oder aneme Gewünnschpiel teilnäh will)
  • Wunsch id nacht
  • Zambotasien (Schpielshow; amigs am Samschtig)
  • Zamboskop (chindergerechti Informatione zum aktuelle Ziitgscheh; amigs am Dunnschtig)
  • ZamboCharts (Hitparadesendig, wo d Hörer de Uusgang dur e Abstimmig i de Community beiflussed; amigs am Friitig)
  • Zambox (Hörschpiel für Chind vo achti bis drizehni mit aschlüssende Quizfrage zu de Gschicht; amigs am Sunntigobig)

Moderation[ändere | Quälltäxt bearbeite]

Zambo wird vom Magnus Renggli, em Michel Birri, de Patricia Banzer, em Patrick Stöpper und de Conny Brügger moderiert. Für d Sendige im Radio und im Fernseh werded die gliiche Moderatore igsetzt.

Community[ändere | Quälltäxt bearbeite]

Uf de Website vo de Sendig chönd sich under 15-jährigi amelde und i der Community mitmache. So beschtaht d Möglichkeit, en gmeinsame Chat namens Plauderbox z benutze, Blogs z schriibe, und Nachrichte uusztuusche. Zambo gilt als eini vo de sicherschte Communitys, will d Identität vo jedem Nutzer telefonisch überprüeft wird, bis s Profil freigschalte wird und de User i de Laag isch, verschidenschti virtuelli Aktivitäte uf de Website z nutze.

Dur d Community chömed vieli Chind d Chance über, a de Radiogschtaltig mitzmache. So chann jede Benutzer täglich bi de Zambo-Charts für de beschti Song vo de Wuche abschtimme. Wo im Auguscht 2010 Pirando dur Zambo ersetzt worde isch, händ d User ihres Profil i di neu Community chöne importiere. Bi Zambo cha me sich au als Chinderreporter bewerbe. Die händ d Möglichkeit, mit eigene Biiträg, wie Interviews oder Hintergrundreportagen d Sendig mitzgschtalte. Eine vo däne isch zwüsched 2010 und 2013 de Nils Feigenwinter gsii.

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. «Zambo» wird aus TV-Programm gekippt Pricht uf persoenlich.com vom 22. September 2016
Dä Artikel basiert uff ere fräie Übersetzig vum Artikel „Zambo_(Kinderprogramm)“ vu de dütsche Wikipedia. E Liste vu de Autore un Versione isch do z finde.