Yvonne Escher

d Yvonne Escher bi dr Filmpremieere vu «Rebzeiten», 1985

D Yvonne Escher (* 9. Februar 1934 z Schtaa am Rhii; † 25. Jänner 2025 z Stèckbore) isch e Schwyzer Reschiseeri gsii.

Lääbe

D Yvonne Escher isch z Schtaa am Rhii uf d Wält chuu. Iri Juuged un Schuelzyt het si z Stèckbore verbrocht, wu iri Eltere in de Chunschtsyydefabrik gschafft hän. Iri eltere hän si schaide loo, wu si no uf d Schuel gangen isch, doodrunter het si aarg glitte. Anne 1952 isch si uf d Hqandelsschuzel z Konschtanz gange, 1954 isch si uf Züri umzooge. Derno het si ne Uusbildig an dr Schauspiilschuel z Köln gmacht. No verschiidene Raise isch si uf Gämf zooge, wu si dr jung Filmreschiseer Francis Reusser chännegleert het, wu ire ne Roll im Film Antoine et Cléopâtre (1964) aabote het. Dooderduur het si d Gämfer Filmszeene um dr Alain Tanner, dr Claude Goretta un dr Michel Sutter chännegleert, speeter dr italieenisch Filmer, Kritiker un Rusgeeber Carlo Di Carlo, wu si au ne Bezieig mit em yygangen isch. Iber dr Carlo het si Filmgreeße wie dr Michelangelo Antonioni un dr Pier Paolo Pasolini chännegleert, isch Dail vu dr Reemer Filmszeene woore un het in verschiidene Funkzioone gschafft.

Anne 1977 isch si in d Schwyz retuurchuu in ire Haimetoort Stèckbore. Si het deert e Theatergruppe mitgrindet, wu s Phönix Theater drus fiirigangen isch, wu s hite no git. Anne 1981 het si dr Frauefälder Fotograaf un Kameramann Konrad Keller chännegleert. Mit iim het si verschiideni Filmbrojäkt realisiert, w usum di lokaal Kultuur gangen isch. 1982 isch dr Film «Der See und seine Fischer» uusechuu, e Portrait iber d Boodeseefischer, 1986 dr Film «Rebzeiten». Druf het si verschiideni regionaali Film- un TV-Brojäkt gmacht. Anne 2001 het si dr Thurgauer Kulturbryys.

Am 25. Jänner 2025 sich d Yvonne Escher im Alter vu 90 Joor z Steckborn gstoorbe.

Uusglääseni Filmografy

as Schauspiileri

• 1966: Antoine et Cléopâtre as Cléopâtre (Chuurzfilm, Reschy: Francis Reusser)
• 1971: Flucht nach vorn (Fäärnseefilm)
• 1974: Smog as Olga

as Reschiseeri

• 1972: Drei Masken (Fäärnsee-Chuurzfilm, Reschy un Draaibuech)
• 1982: Der See und seine Fischer
• 1985: Rebzeiten

Literatuur

• Yvonne Fischer: Diese Freiheit nehm ich mir. Aufzeichnungen einer selbstbestimmten Frau. Elfunzehn, Zürich 2019, ISBN 978-3-905769-53-1 (Autobiografy).
• Christof Stillhard: Ein Leben (fast) wie im Film: Zum Tod der Filmerin Yvonne Escher. In: Thurgaukultur.ch. 3. März 2025 (Nooruef).

Weblink

• Yvonne Escher in dr Internet Movie Database