Wikipedia:Warum sollte ich mich an der Wikipedia beteiligen

Us der alemannische Wikipedia, der freie Dialäkt-Enzyklopedy
(Witergleitet vun WP:WARUM)
Hops zue: Navigation, Suech

Wurum soll i bi däre Alemannische Wikipedia mitmache? isch e gueti Frog.

Do het s e baar Antworte:

  1. Mer chaa im Dialäkt vyl frejer un volkdimliger schrybe wie im styfe Hochdytsch.
  2. Mer chaa in dr Alemannische Wikipedia au iber Lyt un Sache schrybe, wu in dr hochdytsche Wikipedia vilicht nid gnue «relevant» sin.
  3. Di Alemannisch Wikipedia isch e gueti Megligkeit z zeige, ass di alemannische Dialäkt au im 21. Johrhundert im Zytalter vum Internet no ne Daug hän un au uf modärne Fälder chenne brucht wäre.
  4. S macht Spass, sy Wisse z deile.
  5. Wänn mer syy Wisse nit nutzt, no goht s verlore.
  6. E Wiki isch e Megligkeit, dr frej Zuegang zum Wisse im Internet z erhalte un z verhindere, ass all meh Wisse nume no gege Bezahlig un dodermit nume fir Lyt mit Gäld verfiegbar isch.
  7. Natyrli git s au anderi choschtelosi Dienscht im Internet, wu profässionäller sin, aber des heisst nit, ass si chenne ne Antwort gee uf alli Froge vu ihre Benutzer. Profässionäll heisst zmeischt: wirtschaftlig. Di Alemannisch Wikipedia bietet e Ramme fir e Sammlig vu speziällem Wisse iber di alemannische Regione, wu in kommerziälle Internetaagebot sälte z finde sin.

Wie chaa mer mitmache? Lueg do: Erschti Schritt.