Vienne-la-Ville
| Vienne-la-Ville | ||
|---|---|---|
| ||
| Region | Grand Est | |
| Département | Marne | |
| Arrondissement | Châlons-en-Champagne | |
| Kanton | Argonne Suippe et Vesle | |
| Kommünàlverbànd | L’Argonne Champenoise | |
| Koordinàte | 49° 10′ N, 4° 52′ O | |
| Heche | 122–170 m | |
| Flech | 7,48 km2 | |
| Iiwohner | 169 (1. Jänner 2020) | |
| Bevelkerungsdicht | 23 Iiw./km2 | |
| Code Postal | 51800 | |
| INSEE-Code | 51620 | |
| Dialäkt: Mìlhüüserdiitsch |
Vienne-la-Ville 
[vjɛn la vil](info) ìsch a frànzeescha G’mainda mìt 169 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016 ìn dr Regioon Champagne-Ardenne). Sa g’heert zem Arrondissement Châlons-en-Champagne un zem Kàntoon Argonne Suippe et Vesle.
zem Dorfnàmma
[ändere | Quälltäxt bearbeite]Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:[1]
- Viasne super Axonam fluviutm (ànna 1062)
- Viaaxona (ànna 1131/42)
- Viasna (ànna 1210)
- Viaxona (ànna 1290)
- Viaine (ànna 1311)
- Viasona (ànna 1346)
- Viayne (ànna 1389)
- Viaxne (ànna 1409)
- Vyayne-la-Ville (ànna 1446)
- Viesne (ànna 1451)
- Vixane (ànna 1452)
- Viaine-la-Ville (ànna 1457)
- Viaxne-la-Vile (ànna 1475)
- Viaxona villa (ànna 1508)
- Viaisne-la-Ville (ànna 1510)
- Viaixne-la-Ville (ànna 1534)
- Viesne, Vienne-la-Ville (ànna 1538)
- Vyaisne (ìm 16. Joohrhundert)
Dr Dorfnàmma sott vum Fluss Aisne schtàmma, womm’r ìm Àltertumm ìm Làtiinischa Axona g’nännt hàt. ’S sott zallamols a Schtàzioona gaa àm Ort, wu d’ reemischa Schtrooss zwìscha Durocortorum (Reims) un Diuiodurum (Metz) d’ Aisne duurakwwert, woohrschiins àm hìttiga Ortsnàmma Bongué. Àlso hàt dr Làtiinischa Uicus Axona dr àltfrànzeescha Nàmma Vi Asne un schpeeter Viasna gaa, wo salbscht s’ Frànzeescha Vienne gaa hàt. Vienne-la-Ville hàt em Nochberdorf Vienne-le-Château, wo numma schpeeter g’sììdelt gsìì ìsch, siina Nàmma-n-ürschprung gaa.[2]
Wahrend dr Frànzeescha Revolüzioon hàt m’r d’ G’mainda zittawiis ìn Vienne-sur-Aisne [vjɛn syʁ‿ɛ(ː)n](info) umtaift.[3]
wu ’s lììgt
[ändere | Quälltäxt bearbeite]
Vienne-la-Ville lììgt àn dr owwera Aisne un ìhrem Züafluss Bionne ìn dr Làndschàft Argonna, äbba 50 kilomeeter wäscht-nordwäschtlig vu Verdun[4][5] — sa g’heert àui züa dr Làndwìrtschàftsregioon „Argonna“.[6] Umgaa wìrd Vienne-la-Ville vu da Noochberg’mainda Servon-Melzicourt ìm Norda, Saint-Thomas-en-Argonne ìm Nordoschta, Vienne-le-Château ìm Oschta un Nordoschta, Moiremont ìm Süüdoschta, La Neuville-au-Pont ìm Süüda, Courtémont ìm Süüdwäschta so wia Berzieux ìm Wäschta.[4]
D’ Ortsnàmma Moilemont [mwal(ə)mɔ̃](info) ìm Wäschta un Grands Hairemonts [ɡʁɑ̃(z‿)ɛʁ(ə)mɔ̃](info) ìm Oschta lììga baida àn’ra Heecha vu 168 Meeter, àwwer dr heechschta Punkt lììgt süüdlig vum Dorf biim Ortsnàmma Côte Decime [kot dəsim](info) (174 Meeter ìm G’maindabooda vu La Neuville-au-Pont) ìwwer d’ Wiiler Le Moulinet [lə mulinɛ](info) un La Noue [la nu](info). Dr nììdrigschta Punkt lììgt àm Làuif vu dr Aisne neerdlig vum Dorf, àm Füass vu da Ortsnàmma Montants de la Cerisie [mɔ̃tɑ̃ də la səʁizi](info) bii dr Züafluss vu dr Biesme, ema àndra Naawafluss vu dr Aisne.[7]
G’schìcht
[ändere | Quälltäxt bearbeite]Ìm Äärschta Waltkriag ìsch s’ Dorf grààd bii dr Frontsliinia gsìì.[5]
Ìm Zwaiter Waltkriag hann d’ diitscha Truppa d’ Brucka ìwwer d’ Bionne bùmbàrdiart un domìt zärschteert.[5]
wia sìch d’ Beveelkerung äntwìckelt hàt
[ändere | Quälltäxt bearbeite]| Joohr | 1962 | 1968 | 1975 | 1982 | 1990 | 1999 | 2006 | 2018 |
| Iiwoohner | 191 | 181 | 182 | 184 | 177 | 176 | 189 | 173 |
| Kwalla: Cassini un INSEE | ||||||||
wàs doo z’ sah ìsch
[ändere | Quälltäxt bearbeite]- d’ reemisch-kàthoolischa Moritzkìrìch üss’m 16. Joohrhundert, wo waahrem Äärschta Waltkriag fàscht vollschtandig zärschteert worra-n-ìsch.[4] D’rìnn ìsch a Holzrelief vum „Krìschtüs un dr Sàmàritàànera“ üss’m 17. Joohrhundert àls Ainzelobjakt bii da Histoorischa Dankmooler klàssifiziart, wo-n-a nàzionààla Bediitung hann.[8]
d’ Hàuiptschtrooss (Grand’Rue) ànna 1910
vor dr Brucka uff’ra Ààsìchtskàrta ànna 1910
dr ehamooliga Bààhnhoof z’ Vienne-la-Ville grààd àm Ààfàng vum 20. Joohrhundert
dr ehamooliga Bààhnhoof z’ Vienne-la-Ville grààd àm Ààfàng vum 20. Joohrhundert
zärschteerta Hiiser ìm Dorf ànna 1915
Lüag àui
[ändere | Quälltäxt bearbeite]Weblìnks
[ändere | Quälltäxt bearbeite]
- Schtàtistik züa dr G’mainda Vienne-la-Ville biim INSEE (frànzeesch)
- Informàzioona züa dr G’mainda Vienne-la-Ville ìn dr Dààtabànk vu dr LdH/EHESS/Cassini (frànzeesch)
- d’ G’mainda Vienne-la-Ville ìm Informàzioonsportààl BANATIC vum frànzeescha Ìnnaminìschteerium (frànzeesch)
- Schtàtistischa Dààta züa dr G’mainda Vienne-la-Ville, wo düü kààsch ufflààda bii data.gouv.fr (frànzeesch)
- a Online-Kàrta vu Vienne-la-Ville bii Géoportail (frànzeesch)
Ainzelnoohwiisa
[ändere | Quälltäxt bearbeite]- ↑ Auguste Longnon: Dictionnaire topographique du département de la Marne. Imprimerie Nationale, Pàriis 1891 (französisch).
- ↑ Ernest Nègre: Toponymie générale de la France. Droz, Gämf Januar 1990 (französisch).
- ↑ üss dr Dààtabànk vu dr LdH/EHESS/Cassini (lüag ìm Àbschnìtt „Weblìnks“)
- 1 2 3 Dia Informàzioona sìnn üss’m Àrtìkel Vienne-la-Ville ìn dr hoochdiitscha Wikipedia ìwwernumma worra.
- 1 2 3 Dia Informàzioona sìnn üss’m Àrtìkel Vienne-la-Ville ìn dr frànzeescha Wikipedia ìwwernumma worra.
- ↑ Fiche territoriale synthétique RA 2020 « ARGONNE ». Direction régionale de l’alimentation, de l’agriculture et de la forêt (DRAAF) Grand Est, archiviert vom Original am 24. August 2025; abgruefen am 31. August 2025 (französisch).
- ↑ lüag d’ Online-Kàrta vum G’maindabooda Vienne-la-Ville bii Géoportail (ìm Àbschnìtt „Weblìnks“)
- ↑ bas-relief : Christ et la Samaritaine (Le) ìn dr Base Palissy vum frànzeescha Kültüürminìschterium (frànzeesch)