Victor Ruffy (SP)

Us der alemannische Wikipedia, der freie Dialäkt-Enzyklopedy
dr Victor Ruffy 2012

Dr Victor Ruffy (11. Jänner 1937 z Bärn, 19. Merz 2016 z Riex, VD) isch e Schwyzer Bolitiker (SP) gsii.

Lääbe[ändere | Quälltäxt bearbeite]

Dr Victor Ruffy isch us ere Bolitikerfamilie gstammt: sy glychnamige Urgroßvater Victor Ruffy un sy Großvater Eugène Ruffy sin bedi Bundesret gsii. Im Unterschid zue syne freisinnige Vorfahren isch er Mitglid vu dr sozialdemokratische Bartei gsii.

Dr Ruffy het si uf allne Ebene vu dr Bolitik engaschiert, vu dr Gmai bis zum Europarot. Är isch anne 1974 in d Gmaibolitik vu Morrens yygstigen un het vu 1978 bis 1983 em Waadtländer Kantonsbarlemänt aaghert. Vu 1982 bis 1999 het er dr Kanton Waadt im Nationalrot verdrätte. Är het e Schwärpunkt in dr Ussebolitik gsetzt un isch Mitglid in dr Ussebolitische Kommission vum Nationalrot un dr barlemäntarische Delegation vum Europarot gsii.

Im Amtsjohr 1989/1990 het er d Sitzige vum Nationalrot as däm sy Bresidänt glaitet.

Au no sym Ruggzug us dr Bundesbolitik isch er aktiv blibe. Zum Byschpel het er e Gruppe vu Wahlbeobachter vum Europarot bi Gmaidnswahlen im Kosovo glaitet.

Vu Albaner in dr Schwyz isch sy Yysatz fir d Mitglidschaft vu Albanien im Europarot un sy großi Unterstitzig fir di albanisch Diaspora in dr Schweiz firighobe wore.[1]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Victor Ruffy gestorben: Albanische Gemeinschaft in der Schweiz verliert eine grosse ersönlichkeit. In: Albinfo. Abgruefen am 28. März 2016.
Dä Artikel basiert uff ere fräie Übersetzig vu dere Version vum Artikel „Victor_Ruffy_(SP)“ vu de dütsche Wikipedia. E Liste vu de Autore un Versione isch do z finde.