Urbano José Allgayer
| Dialäkt: Mìlhüüserdiitsch |
Dr Urbano José Allgayer (* 16. März 1924 z’ Lajeado, Rio Grande do Sul, Bràsilia; † 14. Mai 2019 z’ Passo Fundo, Rio Grande do Sul[1]) ìsch a bràsiliàànischer reemisch-kàthoolischer Gaischtlig’r un Bischoof vu Passo Fundo.
sii Laawa
[ändere | Quälltäxt bearbeite]Dr Urbano José Allgayer hàt Filosofii un Theologii àm Zäntrààlseminààri „Unsra Liawafràui vu dr Ämpfaangniss“ z’ São Leopoldo sowia Filosofii àn dr jesüitischa Üniwärsiteet Unisinos z’ São Leopoldo g’schtudiart. Ar hàt àm 10. Dezamber 1950 d’ Priaschterwäih ämpfànga. Ànna 1983 ìsch’r uff Rom ìn d’ Pàpschtliga Gregoriàànischa Üniwärsiteet gànga ge s’ Näija Kànoonischa Racht larna.[1]
Ar ìsch Sekretäär vu dr Regionààlkùmferanz 3 vu dr CNBB, Profasser fìr Ethik un Kìrchag’schìcht àn dr Pàpschtliga Kàthoolischa Üniwärsiteet vum Rio Grande do Sul gsìì. Üsserdam hàt’r s’ Ìnschtitüüt fìr Theologii un Pàschtorààl vun Passo Fundo grìnda, un ìsch àui Àuitoor vu’ma Büachkùmpendium fìr kàthoolischa Morààllehr.[1]
Àm 5. Hornung 1974 hàt’na dr Pàpscht Pooli VI. vu Tunnuna un zem Wäihbischoof z’ Porto Alegre ärnännt. Dr Arzbischoof vu Porto Alegre, dr Alfredo Vicente Kàrdinààl Scherer, hàt’na àm 24. März vum saalwa Joohr ìm Mìnschter vu Porto Alegre d’ Bischoofswäih g’schpanda. D’rbii sìnn d’ Mìtkonsekràtoora dr Alberto Frederico Etges, Bischoof vu Santa Cruz do Sul, un dr Nei Paulo Moretto, Bischoof vu Cruz Alta, gsìì.
Àm 4. Hornung 1982 hàt’na dr Pàpscht Johànnis Pooli II. zem Bischoof vu Passo Fundo ärnännt. Àm 19. Mai 1999 hàt dr Johànnis Pooli II. ìm Allgayer sii Ruckttrìttsg’süach ààg’numma — dr Allgayer ìsch z’rucktratta, dänn’r ìsch züa àlt worra, fìr Bischoof bliiwa (75 Joohra).
Weblìnks
[ändere | Quälltäxt bearbeite]- Yytrag zue Urbano José Allgayer uf catholic-hierarchy.org (englisch)
Ainzelnoohwiisa
[ändere | Quälltäxt bearbeite]- ↑ 1,0 1,1 1,2 Joel Portella Amado: Dom Urbano José Allgayer: faleceu o bispo emérito de Passo Fundo (RS). In: CNBB (Conferência Nacional dos Bispos do Brasil). 15. Mai 2019, abgruefen am 19. Mai 2019 (portugiisisch).