Ulrike Sprenger (Sproochwisseschaftleri)

D Ulrike Sprenger (* 28. Juuli 1921 z Rhiifälde; † 9. Novämber 2008 z Lieschtel; haimetberäächtigt z Rhiifälde un z Muttez) isch e Schwyzer Privaatdozänti fir Altisländischi Sprooch un Noordischi Filology an dr Uniwersiteet Baasel gsii. Si het zue Helde- un Saagediichtige gfoorscht un zur altisländische Sprooch- un Literatuurwisseschaft gleert. Si isch di eerscht Frau gsii, wu si z Baasel in Noordischer Filology habilitiert ghaa het.

Lääbe

D Ulrike Sprenger isch e Doohter vum Chaufmann Albert Sprenger un dr Marie Sprenger, geb. Abbühl gsii. Anne 1940 het si d Matura am Maidligimnaasium z Baaselk gmacht un het in dr Joor druf Germanischtik, Indogermanischtik un Gräzischtik an dr Uniwersiteet Baasel studiert. Noch em Stuudium het si ne baar Joor lang as Leereri gschafft un het 1948 unter dr Laitig vum Friedrich Rank mit Praesens historicum und Praeteritum in der altisländischen Saga bromewiert.

Im Zytruum vu 1953 bis 1974 isch d Sprenger e Dail vu dr Redakzioon vu dr mediziinische Zytschrift „Triangel“ vu dr Firma Sandoz gsii, voreb si 1977 as eerschti Frau im Fach Noordischtik an dr Uniwersiteet Basel iri Habilitazioon abglsait het un doodermit dur iri Aarbet zue dr morfosintaktische Analiis vu zwai Pronomina in dr altisländische Prosa (Untersuchungen zum Gebrauch von sá und nachgestelltem inn in der altisländischen Prosa.) d Leerberäächtigung fir d Hoochschuel iiberchuu het.

Vu 1979 bis Mitti 1987 het d Sprenger as Privaatdozänti fir Noordischi Filology an dr Uniwersiteet Baasel in de Beraich altisländischi Sprooch- un Literatuurgschiicht, altnoordischi Literatuurgschiicht un schweedischi Kultuurgschiicht gschafft.

Si het zue de Isländersaga un de Heldenlieder vu dr Edda gleert un gfoorscht, derzue au zue dr isländische Literatuurgschiicht.

D Ulrike Sprenger isch Mitgliid in dr schwyzerische Gsellschaft fir Skandinaavischi Stuudie gsii.

Schrifte

Monografie

• Praesens historicum und praeteritum in der altisländischen Saga. Ein Beitrag zur Frage Freiprosa-Buchprosa. (Dissertation), Benno Schwabe Verlag, Basel 1951.
• Untersuchungen zum Gebrauch von sá und nachgestelltem inn in der altisländischen Prosa. Helbing und Lichtenhahn, Basel/Stuttgart 1977, (Habil. Schrift) ISBN 978-3-7190-0699-0.
• Die altnordische Heroische Elegie. De Gruyter 1992, ISBN 978-3-11-013254-0
• Sturla Þórðarsons «Hákonar saga Hákonarsonar». Peter Lang Internationaler Verlag der Wissenschaften, Frankfurt am Main 2000, ISBN 978-3-631-36370-6.

as Rusgeeberi

• Der Vergleich in der germanischen, grossrussischen und griechischen Heldendichtung. Sonderdruck, [s. l.] [s. a.].

Ufsetz

• Zur Offasage. In: Edith Marold, Christiane Zimmermann (Hrsg.): Nordwestgermanisch. De Gruyter 1995, ISBN 978-3-11-090769-8.
• Zum Superbiaproblem in der Þiðreks saga. In: Susanne Kramarz-Bein: Hansische Literaturbeziehungen.Das Beispiel der Þhiðreks saga und verwandter Literatur. De Gruyter 1996, ISBN 978-3-11-015022-3.

Literatuur

• Jürg Glauser: 50 Jahre Skandinavistik in der Schweiz: Eine kurze Geschichte der Abteilungen für Nordische Philologie an der Universität Basel und der Universität Zürich 1968–2018. Narr Francke Attempto Verlag, Tübingen 2019, ISBN 978-3-7720-5679-6.

Fueßnote

Dä Artikel basiert uff ere fräie Übersetzig vu dere Version vum Artikel „Ulrike_Sprenger_(Sprachwissenschaftlerin)“ vu de dütsche Wikipedia. E Liste vu de Autore un Versione isch do z finde.