s’ Iikàuifszäntrum Tripla

Iikàuifszäntrum Tripla
	s’ Iikàuifszäntrum Tripla, ànna 2022 vum Süüdwäschta haar g’sah
	Basisdaten
Standort:	Keski-Pasila, Helsinki, Fìnnlànd
Eröffnung:	àm 17. Oktoower 2019
Gesamtfläche:	85.394 m²
Geschäfte:	250
	Verkehrsanbindung
Parkplätze:	2.300
	Lage des Einkaufszentrums
Koordinaten:	60° 11′ 53″ N, 24° 55′ 48″ OKoordinate: 60° 11′ 53″ N, 24° 55′ 48″ O
	Tripla (Finnland) Tripla
	Tripla (Finnland) Tripla

Dialäkt: Mìlhüüserdiitsch

S’ Iikàuifszäntrum Tripla (uff Finnisch Kauppakeskus Tripla, uff Anglisch Mall of Tripla) ìsch a Iikàuifszäntrum ìm Viartel Keski-Pasila ìn dr finnischa Hàuiptschtàdt Helsinki, wo ànna 2019 g’äffnet worra ìsch. ’S ìsch mìt 85.394 Kwàdrààtmeeter s’ viartgreeschta Iikàuifszäntrum ìm Lànd^[1]^[2] un mìt 250 G’schafter ain vu da greeschta Iikàuifszäntra ìn Nordöiropà.^[3]^[4]

G’schìcht

S’ Iikàuifszäntrum Tripla ìsch zamma mìt’m näija Bààhnhoof Pasila àm 17 Oktoower 2019 g’äffnet worra.^[5]

Wia m’r s’ Projakt uffg’fàsst hàt, ìsch g’haim blììwa. Numma d’ Fàssung vum Bàuiunternamma YIT ìsch zem Publikum vorg’schtällt worra.^[6] Fìrs’ Wättb’warb hàt YIT zamma mìt’m nììderlandischa Àrkitäcktbüroo „Office for Metropolitan Architecture“ (OMA) g’schàfft, àwwer nooh-n-em G’wìnn hàt d’ Grupp änder zamma mìt’ma klainera finnischa Büroo g’schàfft, wo „Arkkitehdit Soini & Horton“ haisst. D’ G’sällschàft Sweco hàt d’ Bàuiplààna fìr dr näija Bààhnhoof zaichnet.^[7]^[6] Fìr dr Kùmpläx bàuija hàt m’r äbba 1,1 Milliàrda Öiro brüücht.^[8] Fìrs’ Projakt hàt d’ Öiropääischa Unioon äbba 130 Millioona Öiro gaa, dänn s’ Projakt ìsch relewant fìr Umwaltschutz gsìì.^[8] Àn da Bàuiàrweta hann bis 1.300 Litt mìtg’màcht.^[9]

Ànna 2022 hàt m’r d’ Fàssààda vum Iikàuifszäntrum sàniart, dänn ’s sìnn Bàuifaahler un schlaachta Màteriààla gsìì.^[10]^[11]^[12]

wämm’r ìm Mai 2016 s’ Iikàuifsäntrum hàt düa bàuija...
... ìm Mai 2017...
...ìm Septamber 2018...
... un doo àm 18. Septamber 2019

B’schriiwung vum Kùmpäx

S’ Iikàuifszäntrum Tripla ìsch Tail vum greessera Tipla-Kùmpläx — d’rìnn fìndet m’r àui dr Pasila-Bààhnhoof, a Bürogebäj mìt 50.000 m² Flächa, dr Sokos-Hotel mìt ìwwer 400 Zìmmer,^[13] a groosser Pàrkplàtz mìt 2.300 Oto- un 3.500 Wälloschtällplatz^[14] so wia-n-a Woohngebäi fìr äbba 1.000 Iiwoohner. Ìnsg’sàmt sìnn ìnnerhàlb vum Kùmpläx 189.394 m² z’ miata (inkl. G’schafter, Büroo un Woohnràuim).^[2]

Dräi Unternamma — wia d’ Farnmìttailungag’sällschàft Telia Finland,^[15] dr Enärgiikonzärn St1^[16] un d’ Hàndelsg’nossaschàft HOK-Elanto (wo Tail vu dr S Group ìsch)^[17] hann ìhra Hàuiptsìtza ìn dr Tripla-Kùmpläx loo wàndla.

wiavììl B’süacher?

Àm Tààg vu dr Äräffnung sìnn äbba 143.000 Litt ìns Iikàuifszäntrum kumma.^[18] Ànna 2022 sìnn ìnsg’sàmt 24,3 Millioona Litt kumma,^[19] un ànna 2026 sìnn ìwwer 30 Millioona B’süacher gsìì.^[20]

Ìm Wìntra 2025 ìsch s’ Iikàuifszäntrum jeeda Nàcht zwìscha 2 un 4 Ühr g’schlossa gsìì, fìr àss d’ Obdàchloosa a naimets ànderscht schloofa.^[21]