Tian’anmen-Massaker

Protest am Tian’anmen-Platz 1989

Ds Tian’anmen-Massaker isch di verbreiteti Bezeichnig für di gwautsami Niederschlagig am 3. u 4. Juni vor ursprüngläch studentischä Demokratibewegig, wo 1989 dr Tian'anmen Platz ds Peking bsetzt het. Ufem eigentlächä Platz isch niemer gstorbä, dä isch näch Verhandligä zwüschem Militär u dä Protestantä dür Panzer gruumt wordä. I anderä Teilä vo Peking si zwüschä mehränä Hundert bis Tuusigi Mönschä dür ds Chinesischä Militär ermordet wordä.

Hingergrund

D'Protestantä si Teil vorä chinesischä Bewegig gsi wo vo dä Reformbesträbigä ir Sowjetunion, ds Polä u ds Ungarn inspiriärt isch gsi. Ufgrund vor Bsetzig vom Platz het d'Regiärig vor dr Niederschlagig dr sowjetisch Präsidänt Gorbatschow nid ufem Platz chönnä empfangä, är isch für d'Bewegig aus Hoffnigsträger gseh wordä. Di wägem Staatsbsuech awäsändä usländischi Journalischtä hei d'Protest vor Demokratiebewegig, ihri Forderigä u d'Niedrschlagig wäutbekannt gmacht.

Fougä

Während ir Sowjetunion u dä ehemaligä Mitglieder vom Warschouer Pakt ä gröschtäteils friädlächi Reform mügläch isch gsi, isch dä Versuäch ir China gschiiteret. Ersch 2011, isch ds China, dürä Arabischä Früählig inspieriärt widr zu öffentlächä Protest ufgrüäfä wordä. Ds Massaker ischä Wändepunkt ir Gschicht vor Volksrepublik China gsi. Nachem Massaker isch ds Programm "Reformä u Öffnig" igsteut wordä u di politischä Reformä wo sit 1986 dürä Deng Xiaoping u Zhao Ziyang gä het, si ufgä wordä. China isch vo weschtlächä Länder mit erheblächer Kritik u Sanktionä konfrontieärt wordä. Ersch 1992 het dr Deng Xiaoping mit dr sogenanntä Südtour ds Programm "Reformä u Öffnig" wiitergfüährt. Schlussändlech isch zwar zu wirtschaftlächer Öffnig cho jedoch nid zurä Demokratisiärig. Bis hüt darf in China nid a d'Niederschlagig erinnerät wärdä. Wär ds macht wird verhaftet oder wiä ä Muäter vomnä Opfer usgwiisä. 2024 am 35. Jahrestag si ds Hong Kong Organisatorä vorä Gedänkfiir a d'Niederschlagig verhaftet wordä.

Gedänfiir a d'Niederschlagig 2009 ds Hong Kong

Unklari Berichterstattig

Wäg fählender Transparenz wo dr Chinesischä Regiärig u grossem Chaos während dr Niederschlagig isch d'Niederschlagig im kollektivä Gedächnis houptsächlech aus Massaker gäg Studäntä ufem Tianmen Platz igspiicheret wordä. In Würklächkeit si di meischtä Lüt wo tötet si wordä, Arbeiter wo säch o är Demokratiebewegig agschlossä hei u Zivilischtä gsi wo usserhaub vom Platz ermordet si wordä. Dür diä Unklarheit wird hüt vergässä dass Mönschä vo aunä Teilä vor Gseuschaft Teil vo dä Protest si gsi. Dazu hiuft di Unklari Berichterstattig am Regime, wo so eifacher cha bhouptä, dassäs gar ke Niederschlagig het gä.