Thibaut François

Dialäkt: Mìlhüüserdiitsch

Dr Thibaut François [tibo fʁɑ̃swa] (* 10. Dezamber 1989 z’ Schtroossburi) ìsch a frànzeescher Politiker vu dr Pàrtäi Rassemblement National (RN). Ar ìsch vu 2022 bis 2024 Àbg’oordneter üss’m Nord-Département ìn dr Nàzionààlversàmmlung gsìì.

sii Laawa un Kàrriar

Àn dr Pàrlàmantswààhl ànna 2022 ìsch dr François ìm 17. Wààhlkrais vum Département Nord àls RN-Àbg’oordnet’r ìn d’ Nàzionààlversàmmlung g’wählt worra. Ar hàt àn dr zwaita Wààhlrunda 53,57 Prozant vu da Schtìmma bikumma un hàt domìt dr Àbg’oordnet Dimitri Houbron g’schlààga; ar ìsch bis àm 9. Jüüni 2024 ìn dr Versàmmlung blììwa, un àn dr Pàrlàmantswààhl ànna 2024 ìsch’r kää Kàndidààt gsìì. Àn dr Pàrlàmantswààhl ànna 2017 ìsch’r schuu Kàndidààt gsìì gsìì, àwwer ar hàt àn dr zwaita Wààhlrunda numma 40 Prozant vu dr Schtìmma bikumma un ìsch domìt nìt g’wählt worra. Àn dr G’maindawààhl ànna 2020 ìsch’r z’ Douai mìt 15 Prozant vu da Schtìmma àls G’maindaroot g’wäählt worra. Àn daara Schtälla hàt’r äffentlig ìn dr Prassa vor dr Unsìcherhait ìm Schtàdtzäntrum g’wàrnt. Ìm Septamber 2022 hàt dr François sii Wààhlkraisbüroo z’ Cuincy loo äffna. Àn dr Iiwäijung sìnn siina Pàrtäikolleega Matthieu Marchio, Aurélia Beigneux un Nadège Delfosse d’rbii gsìì.

Àm 28. Jüüli 2022 hàt dr François waahrend’ra Sìtzung dr elsassischa Àbg’oordnet Charles Sitzenstuhl b’schìmpft, wu-n-’r äffentlig g’sajt hàt, àss’r a „Bootschàfter vum Bundestààg“ säjg. Dr Sitzenstuhl hàt g’àntworta, àss dàs „a B’schìmpfung àns Elsàss un siim G’schìcht“ säjg. Dr Vorsìtzender vum Üsslandsüssschuss Jean-Louis Bourlanges hàt g’sajt, àss „ìm Àuiga vum Rassemblement National ìsch s’ Elsàss nìt Frànzeesch àwwer Diitsch“. Dr François hàt bekànnt gaa, àss’r d’ elsassischa Wurzla vum Sitzenstuhl nìt hàt wälla b’schìmpfa, un àss dr Sitzenstuhl numma-n-a „Vertratter vu da diitscha Belànga“ säjg, dänn’r ìsch Mìtglììd vum Emmanuel Macron siinera Meehrhaitspàrtäi — dr Macron unterschtìtzt d’ Verschtärkung vu da diitsch-frànzeescha Beziihunga ìm Rààhma vu dr Öiropääischa Unioon, wàs dr François àls a „Unterwerfung“ unt’r Diitschlànd ààlüagt. Dr François hàt witter g’sajt, àss’r „salbscht Elsasser“ ìsch, dänn’r ìsch z’ Schtroossburi uff d’ Walt kumma.

Ìm Oktoower 2022 ìsch dr François zamma mìt dr Hélène Laporte ìn d’ Pàrlàmantaarischa Versàmmlung vum Öiropàroot gànga ge sìtza. Sa sìnn doo zamma mìt’m Roger Chudeau un em Laurent Jacobelli Mìtglììd vu dr „Grupp vu da Öiropääischa Konsärwàtiiwa un Demokrààtischa Àllianz“ gsìì. Ìm Öiropääischa Pàrlàmant ìsch dr François Gen’rààlsekretäär vu dr extreemraachta Fràkzioon „Öiropà vu da Nàzioona un vu dr Fräihait“ so wia vu dr ENL-Schtìftung gsìì. Àn daara Schtälla soll’r — nooh dr Lìnkszittung Libération — zamma mìt’m Philippe Olivier un em Jérôme Rivière d’ Fràkzioonsmìtglììder uffg’schaicht hàà, wo d’ RN-Vorsìtzenda Marine Le Pen nìt g’nüa unterschtìtzt hann. Ar soll àui g’haim d’ Fràkzioon „Idantiteet un Demokràtii“ kontrolliart hàà, un dàs häjg züa Schpànnunga g’fiahrt: Zem Biischpììl sìnn dr Thierry Mariani un dr Jean-Luc Schaffhauser üss dr Fràkzioon z’rucktratta, dänn dr François häjg’na z’weeniga Ürkunda un Informàzioona getailt g’hàà.

Waahrend dr Frànzeescha Presidantswààhl ànna 2022 hàt’r fìr d’ RN-Pàrtäi g’schàfft, fìr d’ „zemmourìschta Schpioona“ uffschaicha. Ar hàt sogààr fälscha Lischta wälla taila, fìr äntdäcka, wär sììe em Zemmour siinera Pàrtäi Reconquête wurd wittergaa — dàs hàt z’mìnschtens d’ Zittung Libération g’sajt.

Lìteràtüür ìwwer’na

• Davide Basso: Entourages. Thibaut François, le diplomate de l’ombre de Marine Le Pen. In: La Lette. 7. Juni 2024 (französisch, lalettre.fr [abgerufen am 8. Januar 2025]). 
• Thibaut François, l’ancien député RN qui a préféré le Parlement européen de Bruxelles où il est très bien payé. In: La Voix du Nord. 27. Juli 2024 (französisch, lavoixdunord.fr [abgerufen am 8. Januar 2025]). 
• Thibaut François, député (RN) de la 17e circonscription, revient sur ses six premiers mois. In: La Voix du Nord. 15. Januar 2023 (französisch, lavoixdunord.fr [abgerufen am 8. Januar 2026]). 

Weblìnks

• dr Thibaut François uff dr Websitta vum Rassemblement National (frànzeesch)
• dr Thibaut François ìn dr Àbg’oordneta-Dààtabànk vu dr Nàzionààlversàmmlung (frànzeesch)
• dr Thibaut François ìn dr Base Sycomore vu dr frànzeescha Nàzionààlversàmmlung (frànzeesch)
• dr François Thibaut ìn dr datan-Dààtabànk vu dr frànzeescha Nàzionààlversàmmlung (frànzeesch)
• dr Thibaut François ìn dr Dààtabànk vu NosDéputés.fr (frànzeesch)
• dr Thibaut François ìn dr Mìtglììder-Dààtabànk vum Öiroparoot (frànzeesch)