Thaïs Odermatt

d Thaïs Odermatt (2016)

D Thaïs Odermatt (* 1980 z Stans, Kanton Nidwaude) isch e Schwyzer Filmmacheri, Filmeditoori un Chinschtleri, wu me vor allem fir iri Dokumäntaarfilm chännt.

Lääben un Uusbildig

D Thaïs Odermatt isch as Doochter vum Chinschtler Josef Maria Odermatt un dr Chunschthischtoorikeri Regula Odermatt-Bürgi uf d Wält chuu. Si isch z Stans ufgwagse un het scho frie ne Lyydeschaft fir Film un Chunscht entwicklet. Si het Bachelorstuudium in Video an dr Hochschule Luzern – Design & Kunst gmacht. Derno het si iri Uusbildig wytergfiert an dr Filmuniwersiteet Babelsberg Konrad Wolf z Potsdam, w si ne Master in Reschy Dokumäntaarfilm gmacht het, si isch doodmool di eerscht Absolvänti vum neie Brogramm gsii.

Beruef

D Thaïs Odermatt het iri Karriere as Filmmacheri mit Chuurz- un Dokumäntaarfilm aagfange, wu si vyylmooll mit soziaale un gsellschaftlige Teeme ussenandergsetz hän. Eerschti Ufmeerksaamkait het er ere ire bryysgchreente Abschlussfilm Nid hei cho (2009) brocht, wu d Uuswiirkige vu dr Wilderei uf Familie in eme abgläägene Bäärgbiet vu dr Innerschwyz tematisiert het. Dr Film isch am Filmfeschtiwäl vu San Sebastian uurufgfiert woore. Ä isch unter anderem fir dr Schwyzer Filmbryys nominiert gsii, un mit em Babelsberger Feerderbryys fir dr bescht Absolwäntefilm uuszaichnet woore.

Mit em Dokumäntaarfilm Kurt und der Sessellift (2014) isch si vum Teema hääär in de Innerschwyzer Bäärg bliibe un het iri Kamera uf dr Kurt Mathis griichtet, wu 2002 en ainsaame Sässellift vor em Abbruch grettet het. Fir dää Film het d Odermatt 2012 dr Publikumsbryys vu der Internazionaale Chuurzfilmdääg Winterthur iiberchuu.

Fir dr Verain Frauenspuren in Nidwalden und Engelberg het si dr Dokumäntaarfilm Grete Hess (2014) iber di aigewillig Stanser Kultuurschaffendi Grete Hess broduziert, wu me fir iri Baschtelsändige fir Chinder im Radio Beromünster chännt.

Anne 2020 het si si mit em Dokumäntaarfilm Amazonen einer Grossstadt em Lääbe un de Rusfoorderig vu Fraue in ere Grooßstadt gwimdet, dr Film isch en Erfolg in de Schwyzer Kino woore.

D Thaïs Odermatt isch aa aini vu dr segs Reschiseerne vum Dokumäntaarfilm Heldinnen des Alltags (2021) gsii, wu s Lääbe vu Frauen in dr Schwyz zaigt un d Alldaagskämpf un d Driumf vu sällene Frau in Mittelpunkt stellt. Heldinnen des Alltags isch am Zurich Film Festival uurufgfiert woore. D Dytschlandpremiere het er im Wettbewäärb vum Filmfeschtiwäl Max Ophüls Bryys gfyyrt.

Näben ire Aarbet as Reschiseeri schafft d Thaïs Odermatt au as Editoori, in dr Haptsach fir chuurzi Dokumäntaar- un Animazioonsfilm.

Filmografy

as Rschiseeri

• 2009: Nid hei cho
• 2014: Kurt und der Sessellift
• 2014: Grete Hess
• 2014: Peor que ayer, mejor que mañana (in Co-Regie mit Carlos Isabel)
• 2016: Zufall
• 2020: Amazonen einer Grossstadt
• 2021: Heldinnen des Alltags

as Editoori

• 2013: Durchwacht
• 2014: Blaulicht
• 2016: En La Boca
• 2018: Nachtmeerfahrt
• 2021: Ann's Pub
• 2021: Caves
• 2024: On Hold
• 2024: Exhumator
• 2024: Box

Uuszaichnige

• 2009: Feerderbryys fir dr bescht Absolwäntefilm (Dokumäntaarfilm), Babelsberger Meediebryys, Nid hei cho
• 2009: Silberne Drache, Verain Filmfeschtiwäl Thunersee, Nid hei cho
• 2009: 1. Bryys, Upcoming Film Makers – Schwyzer Jungfilmfeschtiwäl Lozärn, Nid hei cho
• 2010: Venus de Badalona – Best Documentary, FILMETS Badalona Film Festival, Nid hei cho
• 2012: Publikumsbryys, Internazionaali Chuurzfilmdääg Winterthur, Kurt und der Sessellift
• 2021: Schwyzer Filmbryys fir dr Bescht Abschlussfilm, Amazonen einer Grossstadt
• 2022: Zäntraalschwyzer Atelierstipändium z New York

Uusstellige

Uusglääseni Ainzeluusstellige

• 2016: Tanze!, Videoinstallation, Stanser Musiktage

Uusglääseni Gruppenuusstellige

• 2009: NOW 09, Salzmagazin Nidwaldner Museum, Stans
• 2010: Berge Versetzen …, Haus für Kunst, Uri
• 2011: Kunst, Kommerz & Heilige, Nidwaldner Museum, Stans
• 2012: Zapping Bar – Hoy no hay futbol, o.T. Raum für aktuelle Kunst, Luzern
• 2012: Ave Maria, Sankturbanhof, Sursee
• 2017: Jean and Rossy, Videoinstallation, kunstaheu, Luzern
• 2020: NOW20, Turbine, Giswil
• 2021: NOW21 Auswahl, Nidwaldner Museum, Stans

Weblink

 Commons: Thaïs Odermatt – Sammlig vo Multimediadateie

• Offiziälli Websyte vu dr Thaïs Odermatt
• Thaïs Odermatt bi swissfilms.ch
• Thaïs Odermatt in dr Internet Movie Database

Fueßnote

Dä Artikel basiert uff ere fräie Übersetzig vu dere Version vum Artikel „Thaïs_Odermatt“ vu de dütsche Wikipedia. E Liste vu de Autore un Versione isch do z finde.