Steffen Disch
Dr Steffen Disch (* 26. Februar 1972 z Fryburg; † 3. Merz 2025[1]) isch e dytsche Stäärne- un Fäärnseechoch gsii.
Lääbe
[ändere | Quälltäxt bearbeite]Dr Disch het vu 1989 bis 1992 sy Uusbildig im Colombi-Hotel z Fryburg bim Alfred Klink gmacht. Derno het er unter anderem im „Bamberger Reiter“ z Berlin (1994–1996), im Hotel „Königshof“ (1997–1998) un im Reschtaurant Tantris (1999–2000) z München gschafft. As Chuchischef het er im Forschthuus „Ilkahöhe“ z Tutzing (2000–2002) un im Ifen Hotel im Kloawalsertal (2002–2004) gschafft.[2]
Vu Mai 2005 bis Dezämber 2023 isch dr Disch Inhaber un Chuchischef im „Gaschthuus zum Raabe“ z Horbe bi Fryburg gsii. Deert het sy Chochchunscht in dr Hauptsach ere regionaal inschpirierte Gurmeechuchi gulte. Im Juuni 2020 het er in dr Fryburger Altstadt sy nei Reschtaurant mit em japaanische Name „Kuro Mori“ (Schwaarze Wald) mit ere Simbioos us regionaaler Chuchi un asiaatische Griicht in Zwischegriichtsgreeßi ufgmacht.[3][2]
Dr Steffen Disch isch anne 2007 in Chrais vu dr Jeunes Restaurateurs d’Europe (JRE) ufgnuu woore. 2014 isch sy Reschtaurant mit eme Michelin-Stäärn uuszaichnet woore.
Ab 2017 hetz s bim Fäärnseesänder Kabel Eins s Formaat „AufgeDischt“ gee.
Im Juuli 2023 het er aagchindet, s „Gaschthuus zum Raabe“ z Horbe uf Ändi Joor z verloo.[4] Är het Ufgaabe as Gaschtgeeber un unternämerischi Sache ibernuu. Im Meerz 2025 isch er retuurchuu zum Fryburger Reschtaurant „Kuro Mori“, wie au sy friejeri Frau Kirsten Disch in Service.[5]
Zwee Dääg speeter isch er an eme Häärzinfarkt gstoorbe, wun er im Schwaarzwald bim Schyylanglauf uf dr Notschrei-Loipe unterwägs gsii isch.[1][6][7]
No sym Dood het d Kirsten Disch d Gschäft vum „Kuro Mori“ ibernuu, d Doochter Laura het di kulinaarisch Laitig ibernuu.[8]
Weblink
[ändere | Quälltäxt bearbeite]- Video zum Gaschthuus zum Raabe z Horbe
- Interview der Badischen Zeitung: Steffen Disch spricht über 10 Jahre Raben in Horben (17. Mai 2017)
Fueßnote
[ändere | Quälltäxt bearbeite]- 1 2 Freiburger Spitzenkoch Steffen Disch stirbt überraschend im Alter von 53 Jahren. In: Badische Zeitung, 6. Meerz 2025.
- 1 2 Steffen Disch. In: Restaurant-Ranglisten. Abgruefen am 9. Juli 2023.
- ↑ Ulrike Ott: Steffen Disch lebt und kocht gerne in Freiburg. In: Badische Zeitung. 22. Dezember 2020, abgruefen am 5. März 2025.
- ↑ Wir nehmen Abschied. Abgruefen am 9. Juli 2023.
- ↑ Steffen Disch. In: Gourmet-Report. 21. Februar 2025, abgruefen am 5. März 2025.
- ↑ Beate Sturm: Tod auf Skiern – Freiburger Spitzenkoch Steffen Disch stirbt überraschend. In: Baden24.de. 7. März 2023, abgruefen am 9. März 2025.
- ↑ Todesfall auf der Notschrei-Loipe. Verlagshaus Jaumann, 5. März 2025, abgruefen am 9. April 2025.
- ↑ JRE-Deutschland nimmt Abschied von Steffen Disch. In: jre.eu. 3. April 2025, abgruefen am 9. April 2025.
 |
Dä Artikel basiert uff ere fräie Übersetzig vu dere Version vum Artikel „Steffen_Disch“ vu de dütsche Wikipedia. E Liste vu de Autore un Versione isch do z finde. |