Stefanie Dentler
D Stefanie Dentler (* 1978 z Oberschdorf) isch e dytschi Soziaalpedagoogi un Dialäktdiichteri.
Lääbe
[ändere | Quälltäxt bearbeite]D Dentler isch z Oberschdorf ufgwagse un deert uf d Grundschuel un s Gimnaasium gange. Anne 1998 het si an dr Fachooberschuel z Sünthöf s Fachabituur gmacht. Derno het si vier Johr lang im fränkische Coburg Soziaalpedagoogik studiert un isch druf wider ins Allgai retuurchuu, uf Sünthöf. Dert het si ire Mann chännegleert. Mit ihm het si zwai Chinder un wohnt mit dr Familie wider z Oberschdorf in irem Elterehuus.
Si schafft as Sozialapedagoogi im Soziaaldienscht vu dr Oberallgäuer Klinike un fiert dernääbe ne Natuurhailpraxis. Z Oberschdorf engaschiert si si im Bfaargmairoot.
D Stefanie Dentler schrybt Gedicht im Allgaier Dialäkt. Unter em Titel „Blicke... bsündre Moment, Worte... schtille Gedonke“ het dr Förderverein „mundART Allgäu“ 2014 e Buech uusegee mit Foto vum Rob Dillmann un Väärs un Gedanke, wu d Stefanie Dentler zue dääne Foto gschriibe het. Anne 2020 isch s Buech „Schneafleckle“ mit Gschiichte un Gediicht rund um d Advänts- un Wyhnäächtszyt uusechuu mit Bilder vum Jonathan Besler. Si liist iri Gediicht au reegelmääßig bi effetlige Veraastaltige voor.
D Dentler isch Mitgliid im Förderverein „mundART Allgäu“.
Wäärch
[ändere | Quälltäxt bearbeite]- Blicke... bsündre Moment, Worte... schtille Gedonke. mundART Allgäu 2014
- Schneafleckle. Fotografien von Jonathan Besler, Musik von Katharina Stehle-Natter. Mit Hör- und Musik-CD. mundART Allgäu 2020
Websyte
[ändere | Quälltäxt bearbeite]- Stefanie Dentler, Literaturportal Bayern
- Schtille Gedonke: Dialekt-Poetin Stefanie Dentler über ihre Liebe zu den Allgäuer Bergen, Allgäuer Zeitung, 9. Dezämber 2019
- Huigarte in der Stube - Folge 1 - Stefanie Dentler, Allgäu TV, 9. Dezämber 2022