Spruch:Wilhelm Unseld/Schwäbische Sprichwörter/Der Kopf

Us der alemannische Wikipedia, der freie Dialäkt-Enzyklopedy

Wilhelm Unseld: Schwäbische Sprichwörter und Redensarten

gesammelt in Stuttgart = S, Tübingen = T, Ulm = U und Blaubeuren = B


Der Kopf

1) Der setzt se Grilla - n - in Kopf. U.

2) Des ischt au' so a Schneidschtuahlkopf. U. (Der zu allem ja sagt)

3) Der hot sein oigena Kopf auf. S.

4) Dear hängt da Gre't scho' anderscht! U.

5) Dear schwätzt raus, wia a Ma' ohne Kopf. U.

6) Gang m'r aweg, des ischt a Kreuzkopf. U. (Katholik.)

7) Dear kriagt glei' en Gre't, wia a Goggeler. U.

8) I moi' fascht, miar verschnell d'r Gre't. U. (Im Kater.)

9) Dear hat en härta Gre't. U.

10) Dear hat en Wiselesgre't. U.

11) Dear hat en Ribelesgre't. U.

12) Viel Köpf, viel Sinn. S.

13) Viel Wissa macht Kopfwaih. U.

14) Dear hat koin schleachta A'rauchkopf. U. (Einer der viel trinkt)

15) Dear hat nex wia Heu und Schtrauh im Gre't. U,.

16) Dear hat en reachta Groppagre't. U.

17) Wenn ma d' Wauhret sait, nau schlächt ma oim d' Baßgeig um da Gre't. U.

18) Dear hat en reachta Bollagre't U.

19) 's wächst oim koi' anderer Kopf, aber e-n- anderer Sinn. S.

20) Dear hot Ma'la im Kopf. S.

21) Dear hat en reachta Mollisgre't U.

22) Dear hat en reachta Mölle. T.

23) Dear hat en Gre't, wia a Mittle. U.

24) Dear will ällaweil mit 'm Kopf dur' d' Wa'd. S.

25) Dear macht en reachta Hägale na'. U.

26) Dear hat desmaul sein oigena Gre't aufg'setzt. U.

27) Dear macht en reachta wendischa Gre't na'. U.

28) Des ischt a reacht'r Moschtkopf. T.

29) Dear hat en Kopf, wia a Fuierschteahl'r. U.

30) Schwätz m'r no koi' Loch in Kopf. U.

31) Dear reißt oim in einer Viertelschtund da Kopf ra, und in der andera setzt er'n oim wieder auf. U.

32) Deam wächst äll' Augablick a-n- anderer Kopf. U.

33) I be' beinah auf da Kopf g'schtanda!. U.

34) Dear hat en reachta Hummalersgre't. U.

35) Deam geht ebes im Kopf rum. S.

36) Des wurd da Kopf noh lang net koschta. S.

37) Des ischt wohl a Kindskopf. U.

38) Dear hat g'schpässige Mucka im Gre't. U.

39) Dear hat de dickköpfig Schwindsucht. U.

40) Dear hot en Kopf, wia so a Kuder. S.

41) Dear hat en reacht versoffena Gre't U.

42) Dear hat koin übla Maser. U.

43) Dear schaffet mit 'm Kopf, wia d' Ochsa. S.

44) Des ischt a reacht'r Kommiskopf. S.

45) I möcht me au' so verkopfa! T.

46) Dear schwätzt oim da Kopf so voll, daß 's oim ganz dumm wurd, S.

47) Deam schtecket no ällaweil 's Fressa im Gre't. U.

48) Dear ischt net uf da Kopf g'falla. S.

49) Dear macht en a'dächtiga Gre't na'. U.

50) Dear hat en reachta Wasserribale. U.

51) Dear hat en Simrisgre't U.

52) Dear hot en guata Kopf. S.

53) Dear hot au' gar koin Kopf. S.

54) Dear ka' nex, als oim da Kopf voll heula. S.

55) Dea' hau' - n - i kopfübersche zum Haus nauskeit. U.

56) Dear hot deam da Kopf g'wäschet. S.

57) Deam hau'-n-i desmol da Kopf z'recht g'setzt. S.

58) I wett mein Kopf, 's ischt so ! S.

59) Deam hot ma 's Haus über'm Kopf a'zündt S.

60) Dear ischt über Hals und Kopf ausg'rissa. U.

61) I hau' g'moi't, dear wöll m'r da Gre't ra reißa. U.

62) M'r tunt Schrift oder Kopf. U. (Geldspiel).

63) Macht dear en Kopf na'. U.

64) Dear schtellt älles auf da Kopf. S.

65) Des goht m'r wia a Mühlrad im Kopf rum. S.

66) Dear hat deara da Kopf verdreht. U.

67) I weiß gar net, wo m'r d'r Kopf schtoht. S.

68) Dear hat da Kopf verlaura. U.

69) Dear hat eba da Kopf net dazua. U.

70) Dear macht oim da Kopf warm. U.

71) Dear hat's Baua im Kopf. U.

72) Deam schteckat 's Heirata im Kopf. U.

73) Schlag d'r no des us 'm Kopf. U.

74) Dear hat Grilla im Kopf. U.

75) Des will m'r eba gar net in Kopf. S.

76) Des ischt m'r no grad dur' da Kopf g'fahra. U.

77) Dear hat alles im Kopf. U.

78) Des ischt net in deam seim Kopf g'wachse. U.

79) Deam schtecket d'r Kopf voll Dummhoita. U.

80) Dear hat en g'scheuta Kopf. S.

81) Dear hat sei's Vaters Kopf. U.

82) Des ischt schwer, viel Köpf unter oin Huat bringa. U.

83) 's ischt no guat, daß net alles nach deam seim Kopf goht. S.

84) Dear will ällaweil no sein Kopf dur'setza. S.

85) Dear hot en härta Schäd'l. U.

86) Des ischt amol a Dickkopf. S.

87) Was ma net im Kopf hat, muaß ma in de Füaß hau'. U.

88) Dear hat en hella Kopf. U.

89) Deam isch 's Herz mit 'm Kopf dur'ganga. TJ.

90) Des ischt a Hitzkopf. CT.

91) Des ischt a Rapp'lkopf. U.

92) Des ischt a reacht'r Schtreitkopf. T.

93) Des ischt a Felbakopf. S.

94) Dau hilft 's Verkopfa nex. S.

95) Dear hot da Nag'l uf da Kopf troffa. S.

96) Über Hals und Kopf muaß des fertig sei'. U.

97) Dear trait da Kopf hauh. U.

98) Deam sieht ma koi' Naut a', dear hat en guata Kopf. U.

99) Dea' hau'-n-i von Kopf bis Fuaß nui kloida därfa, U.

100) Dear hat Herz und Kopf aufm reachta Fleck. U.

101) Dea' hot ma um en Kopf kürzer g'macht. S.

102) Deam ischt über Nacht a-n- anderer Kopf g'wachsa. U.

103) Ma reißt oim net glei' da Kopf ra. U.

104) Des därscht net tua', bei Kopfra haua. U.

105) Des ischt a reacht'r Drägkopf. U.

106) No de Kinder ällaweil da Kopf reacht heba, no wurd's reacht

107) Dear hat a guats Köpfle, dear kommt d'rvo'. U.

108) Der hat en reachta Remmale. U.

109) Dear hot en reachta Klotzkopf. T.

110) Des ischt a reachter Saukopf. U.

111) Gib'm oi's aufs Dach! U.

112) Dia schleppet Köpf rum, wia d' Mooßkrüag. U.

113) Dear hat en reachta Blöcklesgre't U.

114) Des ischt a reacht'r Mopskopf. U.

115) 's Schimpfa geit koi' Loch in Kopf. U.

116) Desmaul gat's um da Kopf. U.

Quelle[Quälltäxt bearbeite]