Spruch:Wilhelm Unseld/Schwäbische Sprichwörter/Das Gesicht

Us der alemannische Wikipedia, der freie Dialäkt-Enzyklopedy

Wilhelm Unseld: Schwäbische Sprichwörter und Redensarten

gesammelt in Stuttgart = S, Tübingen = T, Ulm = U und Blaubeuren = B


Das Gesicht.

I) Dear hat a wei'grüa's G'sicht. U.

2) Dear tuat oim no schea' in's G'sicht. B.

3) Dear macht a G'sicht na', wia drei Tag Reagawetter. U.

4) Dear macht a G'sicht na', wia a Katz wenn's durnet. T. (Donnert)

5) Dear hot a aufg'fieses G'sicht. U.

6) Dear schneid't wüaschte G'frießer. U.

7) Dear macht Geschtaza. U.

8) Dui fernelet U. (Ist aus der Ferne schön.)

9) Dear macht a G'sicht na', wia wenn'r Tintaäpf'l g'fressa hätt'. B.

10) Weaga d'r Scheane ka'se dui au' seah' lau'. U.

11) Dear ischt so dumm, wia-n-'r aussieht. U.

12) Dear sieht aus, wia's Kätzle am Bauch. U.

13) Dear sieht aus, wia's Leaba. U.

14) Dear sieht aus, wia a kotzta Leichapredigt U.

15)- Dear sieht aus, wia a g'schpiees Äpf'lmuas. U.

16) Dear macht a G'sicht na', wia a Leichabitter. T.

17) Dear ischt seiner Muatter, wia aus'm G'sicht rausg'schnitta. U.

18) Dear hat a reachts A'schbackag'sicht U.

19) Dear hat a G'sicht, wia a Fidla. U.

20) Dear lachet oin in's G'sicht nei' aus. S.

21) Dear luigt oin in's G'sicht nei' a'. S.

22) Dear hat's rei'scht Galgag'sicht. U.

23) Dear macht a saur's G'sicht na'. U.

24) Gang m'r aus'm G'sicht! U.

25) Des ischt a reacht'r Posaunaeng'l. U.

26) Der hat a reacht's Vollmon'sg'sicht U.

27) Des ischt a Schoofsg'sicht. S.

28) Gang m'r mit deam aweg, dear ischt oim no ia's G'sicht froi'dlich. U.

29) Des ischt a Gassalächler und a Hausteuf'l. U.

30) Dear sieht aus, wia wenn'r wött, und kö't net U.

31) Dear geit äls an Schei' von se. U.

32) Mit deam isch net guat Kirscha-n essa, dear keit oim glei' d' Schtoi' in's G'sicht. T.

33) Dear hat koin schleachta Affa im G'sicht. U.

34) Dear hot en Rausch im G'sicht, wia a Haus. S.

35) Dui ischt so wüascht, wia d' Nacht. U.

36) Dear macht a G'sicht na', wia wenn 'r a Kreutzschpinn g'schluckt hätt. U.

37) Dui ischt so wüascht, daß se d' Kinder am hella Tag in's Bett jaga kö't. U.

38) Des ischt noh a reachts Mü'suppag'sicht U.

39) Des ischt a reachts Affag'sicht U.

40) Dear macht a G'sicht na', wia d'r leibhaftig Satan. U.

41) Dear hot da ganza Tag da Nag'l im G'sicht. S. (Die Pfeife.)

42) Dear sieht aus, wia d'r Schatt' an d'r Wa'd. U.

43) Dear sieht aus, wia so a Liachtschtump. U.

44) Dia seahet anander gleich, wia oi' Oi am andera. U.

45) Dear schlächt se desmol selber in's G'sicht S.

46) Komm m'r no net unter's G'sicht! U.

47) Dear gucket no auf's G'sicht. U. (Auf die Schönheit)

48) Dear ischt a bisle müad im G'sicht U. (Betrunken.)

49) Dear macht a G'sicht na', wia so a verrisses Tz. S.

50) Dear hat a netta Bildeng. U. (Gesichtsbildung.)

51) Dui macht a reachts vertloidets G'sicht na'. U.

52) Dear macht a G'sicht in d' Welt nei', wia a friesirta Ratt. U.

Quelle[Quälltäxt bearbeite]