Tägi

Us der alemannische Wikipedia, der freie Dialäkt-Enzyklopedy
Blick uf s Tägi
S Tägi während de Saniirig

S Sport- und Erholigszentrum Tägerhard (kurz: Tägi) isch eis vo de gröschte Kultur- und Sportzentre vo de Schwiiz. S Tägi ligd in de aargauische Gmeind Wettige. Es isch im 1974 iigweiht worde und wird sit em März 2018 saniirt. Zum Tägi ghört es Hallebad, es Freibad, e Sauna, es Fitness-Center, zwöi Iisfelder, en Saalbau, es Restaurant und sit em 1992i e Sporthalle. Nebem Freibad isch au no e Minigolfaalag.

Gschicht[ändere | Quälltäxt bearbeite]

S Tägi isch am 7. Juni 1974 eröffned worde und wird vo Breitesportler und verschidnige Verei bruuchd.[1] Es isch au en Messestandort. Im 2018i het zum Bischpil d Früehligmess «Baue und Wohne» zum 13. Mol stattgfunde[2], e Mess wo bis zu 20'000 Bsuecher aaziiht.[3]. Zum 1. Januar 2018 isch s Sport- und Erholigszentrum Tägerhard in en Aktiengesellschaft umgewandelt worde, wo zu 100 % im Bsitz vo de Iiwohnergmeind Wettige isch[4], während s Land de Ortsbürgergmeind ghörd. Sit em März 2018 wird s Tägi für meh wie 46.5 Millione Franke saniird.[5] Aafangs Mai isch s Hallenbad und s Restaurant gschlosse worde.[6] D Badi sell im 2020 wider eröffned werde. Es Restaurant wirds im «noie» Tägi nüm geh.

Weblink[ändere | Quälltäxt bearbeite]

 Commons: Sport- und Erholungszentrum Tägerhard – Sammlig vo Multimediadateie

Fuessnote[ändere | Quälltäxt bearbeite]

  1. Portrait uf de Website vom tägi. Archiviert vom Original am 8. Mai 2018; abgruefen am 14. Mai 2018.
  2. Wettiger Nochrichte: «Am Donnschtig started «Baue und Wohne» im Tägi»
  3. Badener Tagblatt:«20'000 Besucher an der Frühlingsmesse erwartet» (Site cha nüme abgrüeft wärde; Suche im Webarchiv)[1] [2] Vorlage:Toter Link/www.badenertagblatt.ch
  4. Badener Tagblatt: "Einwohnerrat sagt Ja zu einer gemeindeeigenen «Tägi»-Aktiengesellschaft"
  5. Wettiger Nochrichte: «D Saniirig vom Täge het aagfange»
  6. Noiigkeite uf de Website vom Tägi. Archiviert vom Original am 8. Mai 2018; abgruefen am 14. Mai 2018.