Sommesous

Sommesous
Sommesous (Frankreich) Sommesous
Region	Grand Est
Département	Marne
Arrondissement	Châlons-en-Champagne
Kanton	Châlons-en-Champagne-3
Kommünàlverbànd	Châlons-en-Champagne
Koordinàte	48° 44′ N, 4° 12′ O48.7391666666674.1975
Heche	154–230 m
Flech	37,04 km2
Iiwohner	487 (1. Jänner 2020)
Bevelkerungsdicht	13 Iiw./km2
Code Postal	51320
INSEE-Code	51545

Dialäkt: Mìlhüüserdiitsch

Sommesous [sɔmsu] ìsch a frànzeescha G’mainda mìt 487 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016 ìn dr Regioon Champagne-Ardenne). Sa g’heert zem Arrondissement Châlons-en-Champagne so wia zem Kàntoon Châlonst-en-Champagne-3.

wu dr Dorfnàmma haar ìsch

Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:

• Summus Saltus (ànna 1032)
• Summus Salderus (ànna 1107)
• Summesolt (ànna 1179)
• Summesaut (ànna 1197)
• Summesout, Sommesaut (ànna 1197)
• Sumesout (ànna 1205)
• Sommesout (ànna 1216)
• Somesout (ànna 1218)
• Summesaudum (ànna 1218)
• Somesot, Sonmesout (ànna 1218)
• Summesot (ànna 1226)
• Sumesot (ànna 1227)
• Soumesout (ànna 1236)
• Somesolt (ànna 1243)
• Sommessout, Soumessout (um 1252)
• Somesaut (ànna 1256)
• Sommezot (ànna 1256/70)
• Sonmessolt, Sommesolt (um 1300)
• Sonmesolt (ànna 1367)
• Sommus Saltus (ànna 1405)
• Sommesoubz (ànna 1576)
• Sommesou (ànna 1602)
• Sommesol (ànna 1605)
• Sommesouz (ànna 1619)
• Sommesolz (ànna 1652)
• Sommesoux (ànna 1696)
• Sommesous (ànna 1715)
• Sommesous (ànna 1405)

Ìn dr Regioon düat dr Nàmma somme a Kwalla b’zaichna — àlso fìr Sommesous ìsch’s d’ Kwalla vu dr Sous, ema Bachla, wo ìm Dorf äntschprìngt un ìn d’ Soudre iimìndet. Dr Nàmma somme schtàmmt vum Làtiinischa summus un summa, wo ‚heechschter Punkt‘ bediitet — naamlig ìsch d’ Flusskwalla dr heechschta Punkt ìm Tààl. Ànna 1860 ìsch s’ Bachla, wo ìm Dorf äntschprìngt, offiziäll ìn „Somme-Soude“ umtaift worra.

D’ Dorfbewoohner vu Sommesous nännt m’r Sommesouyotes [sɔmsujɔt] (fìr d’ Fràuija) un Sommesoyots [sɔmsujo] (fìr d’ Manner) uff Frànzeesch.

wu ’s lììgt

Sommesous lììgt äbba 26 Kilomeeter süüd-süüdwäschtlig vu Châlons-en-Champagne. Umgaa wìrd Sommesous vu da Noochberg’mainda Haussimont ìm Norda un Wäschta, Bussy-Lettrée ìm Norda un Nordoschta, Dommartin-Lettrée ìm Oschta un Nordoschta, Soudré ìm Oschta, Poivres ìm Süüdoschta, Mailly-le-Camp ìm Süüda so wia Montépreux ìm Süüdwäschta.

wia sìch d’ Beveelkerung äntwìckelt hàt

Anzahl Einwohner
(Quelle: INSEE)

Jahr	1962	1968	1975	1982	1990	1999	2006	2013	2018
Einwohner	540	515	457	430	400	401	428	525	518

wàs doo z’ sah ìsch

• d’ reemisch-kàthoolischa Dionysiuskìrìch (église Saint-Denis) üss’m 11. Joohrhundert, wo nooh-n-em Äärschta Waltkriag wììder uffbàuija worra-n-ìsch. Sa ìsch zitter 1916 bii da Histoorischa Dankmooler klàssifiziart, wo-n-a nàzionààla Bediitung hann. Ìn dr Kìrìch ìsch a Grààbschtai üss’m 14. Joohrhundert àls Ainzelobjakt zitter 1977 bii da Histoorischa Dankmooler klàssifiziart, wo-n-a nàzionààla Bediitung hann.

• 
  wämm’r ìns Dorf iinafààhrt
• 
  s’ Roothüüs ànna 2012
• 
  a àndra Sìcht vum Roothüüsgebäj
• 
  d’ Dionysiuskìrìch
• 
  wia d’ Dionysiuskìrìch nooh-n-em Äärschta Waltkriag üssg’sah hàt
• 
  wia d’ Dionysiuskìrìch nooh-n-em Äärschta Waltkriag ànna 1915 üssg’sah hàt
• 
  wia d’ Dionysiuskìrìch nooh-n-em Äärschta Waltkriag üssg’sah hàt
• 
  wia s’ Ìnnera vu dr Dionysiuskìrìch nooh-n-em Äärschta Waltkraig ànna 1915 gsìì ìsch: Doo dr Hàuiptschìff mìt’ma Blìck uffs Choor
• 
  wia s’ Ìnnera vu dr Dionysiuskìrìch nooh-n-em Äärschta Waltkraig ànna 1915 gsìì ìsch: Doo dr Choor un d’ Sittakàpall
• 
  ìm Dorfzäntrum
• 
  ìm Dorfzäntrum
• 
  ìm Dorfzäntrum
• 
  ìm Dorf ànna 2012
• 
  s’ Nàmmaschìld fìr d’ Schtrooss, wo nooh-n-em Pàter Grironde g’nännt ìsch
• 
  Falder àm Ortsnàmma Les Crayères

Vekeehr

Friahjer ìsch z’ Sommesous a Bààhnhoof gsìì. Ar ìsch àn dr Kriizung vu dr Bààhnschträcka Coolus–Sens mìt dr Bààhnschträcka Fère-Champenoise-Vitry-le-François.

Sommesous lììgt àn dr Otoschtrooss A26, dr Nàzionààlschtrooss 4 un dr Départementsschtrooss 977.

• 
  d’ ehamooliga Iisabààhnschträcka biim Bààhnhoof
• 
  a Verkeehrsrundäll z’ Sommesous

wìchtiga Litt üss’m Dorf

• dr Politiker Pierre Louis Prieur (1756–1827) ìsch z’ Sommesous uff d’ Walt kumma. Ar ìsch Mìtglììd vum Woohlfààhrtsüssschuss un d’rnooh Àbg’oordneter ìm Nàzionààlkonwant waahrend dr Frànzeescha Revolüzioon gsìì.
• dr Drucker un Ätzer Augustin Maillet (1828–1913), wo z’ Reims taatig gsìì ìsch, ìsch z’ Sommesous uff d’ Walt kumma.

Lìteràtüür zem Dorf

• E. Person: Précis historique et statistique sur la commune de Sommesous (Marne). Denis, Châlons-sur-Marne 1884 (französisch, 382 S.). 
• Gérard Guillier, Alain Villes: Sommesous (Marne) : le Mont la Pierre. In: Mémoires de la société d’agriculture, commerce, sciences et arts du département de la Marne. Band CX, 1995, S. 73–79 (französisch). 
• Gérard Guillier: Sommesous (Marne) : "La Côte d’Orgeval. In: Mémoires de la société d’agricuture, commerce, sciences et arts du département de la Marne. Band CX, 1995, S. 67–72 (französisch). 

Weblìnks

 Commons: Sommesous – Sammlig vo Multimediadateie

• Schtàtistik züa dr G’mainda Sommesous biim INSEE (frànzeesch)
• Informàzioona züa dr G’mainda Sommesous ìn dr Dààtabànk vu dr LdH/EHESS/Cassini (frànzeesch)
• Schtàtistischa Dààta züa dr G’mainda Sommesous, wo düü kààsch ufflààda bii data.gouv.fr (frànzeesch)